أضف سؤال أو موضوع جديد          

بخصوص زيت القير

up 4 down 1
فتى الحرمين 67
قبل 4 سنه و شهر



السلام عليكم جميعا
عندي استفسار يااخوان وابي فزعتكم

شريت تورس ولله الحمد والمنه قبل اسبوعين موديل 2013 لمتد وارد امريكي
والممشى 80 الف بالميل وعليها ضمان 3 سنوات من شركة الحماية السعودية

وتفاجات في وثيقة الضمان ممنوع تغيير زيت القير بيروح الضمان ؟
وسؤالي الله يسعدكم الي مثلي ماخذين وارد امريكي وش وضعهم مغيرين زيت القير ولا مخلين كذا
وتنصحوني اغير ولا اخليه كذا ؟

وشكرا لكم مقدما







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مادام مكتوب عندك في الضمان لا تغيره الافضل تمشي حسب المكتوب وخصوصا اذا القير ماشاء الله كويس في التبديلات واذا لا قدر الله صار شي في القير خلي الشركة تتحمله اما صيانة او تغيير جديد افضل ما انك تغير الزيت وتورط لا قدر الله مستقبلا ومبروك ع السيارة ربي يعطيك خيرها


up 2 down 0
العمدة 1434 1188
قبل 4 سنه و شهر



اول مره اسمع.  لكن.    انت طلع تقرير كارفكس. اذا صاحبه مهتم بالصيانه  فأكيد غيروه.    
ومع ذلك موترك ماشي حول ١٤٠ الف كيلو.  
يعني شف الزيت لونه وريحته.      وباذن الله مافيه الا العافيه
انا غيرت زيت اسكاليد ماشي ١٦٠ كيلو.  ١٠٠ الف ميل. ولا صار شي.   بس شفت لون الزيت وردي
جديد.      وتقريره كان كل بداية سنه ميلادية يدخل صيانة الوكاله عندهم في تكساس
انشا الله مايصير شي.  الزيوت تطورت.   


up 1 down 0
عبدالله الشفيعي 1440
قبل 4 سنه و شهر



الحمدلله على السلامة اولاً

ياجماعة ابي منكم تقييم موجب مااقدر احط موضوع في المنتدى بسبب رأي قلته في احد الردود لشركات السيارات


up 6 down 2
amhs89 -100
قبل 4 سنه و شهر



جزاك الله خير يااخوي العمدة
يعني تنصحني مااغير لاني الحمدلله مالاحظت شي في القير
ومن باب الحرص كصيانة دورية واخاف لاقدر الله اذا ماغيرت يصير شي

وبخصوص رد اخونا عبدالله سلمك الله
في تقرير الكارفكس طلع انه كان مواضب ع تغيير الزيت وحصل ع علامة تدل ع الاهتمام بتغيير الزيت
بس مو مبين هل هو زيت المكينة ولا القير


up 1 down 0
فتى الحرمين 67
قبل 4 سنه و شهر



والله يافتى الحرمين
عني انا كل سياراتي الي طلعتها جمرك
سواء كامري افالون يوكن من باب الصالة على الميكانيكي
يفك الكرتير واجيبلة قطع وكالة جالون زيت وفلتر وغرا اصلي تويوتا
وعلى طول كلها شغلة ساعه ونص ولا تكلف 500 ريال
وبعدها احسب حسابي كل 70 الى 80 الف اغيرة
وامشي وانا مرتاح
شوري عليك تغيرة وترتاح


up 2 down 0
الرفاعي33 13911
قبل 4 سنه و شهر



وجهة نضري قد اكون صح او خطأ الافضل تخليه زي ماهو والسبب ((( كلمة الضمان يتلغي لو غيرت الزيت المكتوبة في العقد ))) طيب مثلا انت غيرت الزيت والامور تماما بعد فترة لا قدر الله حصل عطل في الكهربا او المكينة او أي خراب ودخلتها الصيانة وقالوا ضمانك ملغي لانك اخليت بالشرط وحتضطر وقتها تتحمل اجرة القطع والصيانة ي


up 1 down 0
العمدة 1434 1188
قبل 4 سنه و شهر



طيب وهم وش دراهم انك غيرت زيت القير؟


up 1 down 0
سلطان4040 1237
قبل 4 سنه و شهر



تواصل معهم ترا يتجاوبون معك سريع
انا يوم شريت الازيرا امريكي الزموني بالصيانة عند بترومين 
بس مو مكتوب لا تغير زيت القير!!!! و جلست اقل من نص الضمان كم شهر و سحبت و لها الحين معي سنتين و 8 اشهر ماشاء الله تمام 

لو تدقق في الضمان هذا اللي اسمه حماية تراه لعبه و نصب 
و تأكد و شوف اغلب النقاط مسوين فيها لفات و نسبة تحمل الضمان في الاعطال قليلة جدا



up 2 down 0
rraammooss 965
قبل 4 سنه و شهر



مثل ما قالك الرفاعي وانا اكثر سياراتي فوردات استخدام امريكي ومن الصالة على البنشري واغير زيت وفلتر قير من عنده ولله الحمد عمري ما شكيت من اي خراب في القير او حساساته من تجربة 4 جراند ماركيز واخرهم 2010 ولكن نصيحة خذ الزيت والفلتر اذا نويت من الوكالة
بعدين كاتبين في الضمان لا تغير زيت القير يعني الى متى حتى ينتهي الضمان ولا حتى يضرب عليك القير


up 1 down 0
ابوخلوودي1 5071
قبل 4 سنه و شهر



ضمان شركه الحمايه ما منه فايده المفروض ما تأخذه خاصه لو تقرير كارفكس ما بين شي في السياره 

اللي عليك تسويه تتوجه ل كويك لاين سجل الموتر عندهم وقولهم ابي اغير زيت القير وتغيره عندهم وانتظم في تغيره كل اربعين الف او تروح لهم وتشتري زيت قير والفلتر وتتوجه لأي ورشه وتغيره بيكون أرخص لك 

للعلم شريت ماركيز وكان فيه ضمان بشركه الحمايه وسحبت عليهم والسياره لها معي خمس سنوات وعال العال 


up 0 down 0
088mansour 799
قبل 4 سنه و شهر



الله يسعدكم جميعا يااخوان وماقصرتوا ع الردود

بالنسبة لتقرير الكارفكس الحمدلله السيارة سليمة ومافيها شي وحتى حصل علامة ع مواضبة وتغيير الزيت
بس اللي خلاني اسالكم يقولون التورس حساس جدا
ومحتار والله ماودي اجازف واندم


up 1 down 0
فتى الحرمين 67
قبل 4 سنه و شهر



يعني شوركم اتوكل ع الله واغير ؟


up 0 down 0
فتى الحرمين 67
قبل 4 سنه و شهر



توكل ع الله دام من بلدها ومبين مواضبتها ع الصيانه غيره ف  كويك لاين تبع فورد او خذ الأغراض منهم وسوها برا 


up 0 down 0
088mansour 799
قبل 4 سنه و شهر



الله يسعدك يااخ منصور
بالنسبة لكويك لاين هل يشتغلون ع الضمان يعني يتحملون لاقدر الله لو حصل شي
لاني سمعت في بترومين يتحملون المسؤولية او شي كذا ؟


up 1 down 0
فتى الحرمين 67
قبل 4 سنه و شهر



بترومين اتوقع عندهم ضمان اسبوع او اقل اذا ما خاب ضني ناهيك ف الفتره الأخيره ردات أسعارهم ويستخدمون فلاتر تجاريه 

لكن كويك لاين هم مثل الوكاله والسستم تبعهم مربوط بتوكيلات ألجزيره  يعني شغلهم مزبوط. 
بالنسبه للضمان اذا السياره ممشاها اقل من 100 الف يتحملون اي شي يسير لكن اذا عديت 100 الف يوقعونك ع ورقه انهم مو مسؤولين عن حاجه وَذَا الشي معروف بكل الوكلاء بالسعوديه انا وقعوني ع ورقه بحكم ممشى سيارتي 190 الف ودخلوه وضبطوه وماشي اموره انت مرهم مل اربعين الف فقط غير زيت قير وفلتر اما المكينه اشترى من عندهم وغيره برا اهم شي تأخذ اللزوجه الموصى ف كتيب السياره  وبالتوفيق 


up 1 down 0
088mansour 799
قبل 4 سنه و شهر



طبعا اذا رحت لهم وقلت فقط زيت قير بيغيرونه لك بس انصحك تشوف راح تلقى عندهم باقات مثلا اذكر باقه كانت والله اعلم ب فيها تغير زيت المحرك والسيفون وزيت القير  مع الفلتر مع تغير البواجي ومنظف بخاخات يعني كذا شغله بمبلغ اتوقع كان 900  وتعتبر صيانه كامله للسياره سويتها قبل فتره والى الان ما اغير الا زيت مكينه فقط والموتر تمام 


up 0 down 0
088mansour 799
قبل 4 سنه و شهر



بيض الله وجهك يااخ منصور وبقية الاخوة


up 1 down 0
فتى الحرمين 67
قبل 4 سنه و شهر