محتار بين تورس ليمتد و إمبالا LTZ مشورتكم
5
5
إضغط هنا للإخفاء
السلام عليكم ورحمة الله ..
صبحكم ربي بكل خير .. وكل عام وانتم بخير .. واطال الله بعمركم وعمر من تحبون على طاعته ..
ي جماعه والله اني بحيرة من أمري .. انا إنسان مالي نظر بخارج الامريكي تعودت عليه وعارفه وواثق فيه ومشتري راحة بالي معه ..
والحين قررت اغير سيارتي لان ماقصرت معي ..
واحترت بين التورس ليمتد الفل كامل .. ، والامبالا LTZ فل كامل ..
طبعا كلهم مميزات وكلهم نفس المواصفات من نقطه عمياء ورادر وتبريد وتسخين مقاعد وجنوط ٢٠ كمواصفات داخليه اثنينهم ممتازين
السلبيه الوحيده بالتورس ،، ان شكلها بيتغير بعد سنه ..
والسلبية الوحيده بالامبالا ،، ان اعتماديتها نوعا ما اقل من التورس ..
وانا ضاع راسي وكان المفترض اسوي آوراق السياره قبل الحج ولكن من الحيره اجلتها
ف تكفون احتاج رايكم ونصيحتكم .. ، ويشهد الله ماحطيت هالموضوع الا ان راسي شاش من التفكير ..
ربي يسعدكم جميع .. وقواكم الله
إبلاغ
الردود
ارشحها لك وبقوه ..
الراحه ملاحظ انها مريحه جدا اذا كانت السياره فيها 5 ركاب ..ناعمه بالمطبات ..
لكن اذا كانت فاضيه ..من الخلف شوي قاسيه .
المقاعد ممتازه و ما اشتكيت منها
السياره وسيعه و راسيه وثابته و عزل ممتاز بجميع السرعات صوت الجنط واضح شوي مقاس 20
ممكن مع تغير مقاس الجنط للاصغر اعتقد ماراح اسمه لها صوت ..
عزل الصوت الخارجي ممتاز
السماعات لو ترفع صوتها ماراح تسمع اي شي حولك ابدا .ماشاء الله
فزتها لا دبلت الدعسه يرد الروح ماشا الله..ما كانها 6 سلندر .
اما الاعتماديه ..انا مشرف قروب ملاك امبالا ..و إلى الان من اخذ له وحده جا يدعيلي و يمدح في السياره .و ماواجهو مشاكل الا ما ندر و تكون بسيطه
هذي اختصار تجربتي وعز الله ما قلت الا الصحيح و اللي جربته
موفقين
2
0
... وبس
قبل 7 سنه و 7 شهر