مساعدتكم انكسر البوجي وهو راكب

اذا انكسر البوجي لاتحاول تفكه بمفتاح البواجي
حاول تفكه بواسطة حبه والطريقة( فك بوجي من البواجي ودور على حبه نوع اصلي تكون نفس مقاس البوجي بالضبط + وصله مناسبه لمكان الفك اهم شي تكون في فراغ يسمح بوزن المفتاح ) ثم حاول تفك البوجي طبعا مع الضغط للداخل واللف لليسار حتى ينفك البوجي باذن الله
اذا لم تجدي هذه الطريقة مثل ماقالوا الاخوان روح للمخرطة يفكون البوجي من 250 الى 300 ريال

انتبه لا تفك الراس راح يقولون هذا الحل راعين الورشات يبون ربح فلوس اكثر

شف لك واحد فنان يلحم صيخ علي البوجي وبعدين يفكه

المخارط يعرفون ها الشغله

اذا كسبيدشن او اكسبلور فيه عده خاصه تفك البوجي المكسور وتحصلها عند بعض الورش تعرفها واكتب في اليوتيوب طريقه فك البوجي المكسور اكسبيدشن بتطلع لك

شكلك فكيت البوجي وهو حار
على العموم مثل ماقال الاخ للمخرطه يلحم عليه حديده على شكل حرف T ويفكه بدقيقه

روح المخرطه يفكوها لك على طول

بس اهم شئ اذا راعي المخرطه عنده تلحيم ولاشئ من ذا القبيل خليه يفك اصباع البطاريه عشان لايضرب عليك الكمبيوتر

موضوعك عند المخرطه

حصلت لي انكسر والسياره تتفتف والورش مايبون يخافون رحت لمخرطه اخذ مني50ريال وطلعها بسهوله وركب الجديدة

جزاكم الله كل خير تخيلو يا اخوان اللي شغال في الورشة 
يقولي حق المخرطة ٨٠٠ ريال يقولي انا ما ابغا منك شغل حق شغل اليد بس ابغا منك حق المخرطة
قلتله ليه ياطيب ٨٠٠ قالي عشان حق المخرطه جا لين عندي الورشة 
وكل اللي سألتهم قالولي حقها ٢٥٠ ان اكرمته وانا والله ماودي اظلم احد يا اخواني بالله ايش رايكم

ياخوي فرق بين 800 و250واجده بعد !! 
هذا نصاب وماعليك منه وخل وجهك قوي معه 

حق المخرطه 200 ريال و كثير عليه

هاذا نصاب وماعليك منه خش بعينه واطلب الدوريه
وخله يجيب شي يثبت انه مايطلع غير ب800 
واذا ما اثبت شي قوله انت تدفعها لانك انت اللي كسرت البوجي

اعطيته ٢٥٠ واخذت السيارة زعل الرجال لاكنها والله بخاطري 
خايف يكون دفعها حقيقي من جيبه ويكون عنده عيال حرمتهم حق العيد 
اشرايكم ازيده ٢٥٠ وخلاص يصير ٥٠٠ وعاد بينه وبين ربه