عمليه نصب كبيره كانت سوف تحدث لي اليوم يوجد صور للتوضيح
20
2
إضغط هنا للإخفاء
آناادرس في امريكا لي سبع سنوات و تخرجت وقلت اشتري سياره من امريكا ، المهم واشوف موستنيج ٢٠١٢ فل كامل ماشيه ١٩ الف مايل و سعرها ٩٢ الف سعودي وخليتها ٨٨ الف بعد المفاوضات ، شفت الكار فاكس حقها نظيفها وكانت تبع شركه ايجار بس مايضر دام الممشي قليل ، واتفقت مع راعي المعرض اجيب العربون ثاني يوم واتمم ، رجعت البيت دعيت واستخرت لاني حاط فيها تحويشه العمر وفوقها سلفه ، وكلمت اخوي الكبير اخذ رايه كان عنده موستينج وقلي السعر موطبيعي خدها الوكاله واكشف عليها ، ثاني يوم الصباح طلبت اني اكشف عليها في الوكاله وهذا حقي الطبيعي ، قام راعي المعرض قال مايحتاج ياخذون مبلغ منك والسياره جديده وتحت الضمان قلي انا ممكن اكلمهم يرسلون تقرير عنها ، قلت ابغا اكشف في الوكاله لآني حسيت انه مرتبك ، وقلي غيرلها زيت وراح يفحصونها بس انا ادري انه فحص الزيت اي كلام حق كفرات ومسحات ، المهم رحت مع الصبي حق المعرض لي وكاله فورد وهنا بدء اللعب صح !!!! ليش لآنه يوم جيت اخذ موعد في فورد بالتيلفون قلي مايحتاج نعرف واحد هناك ، هم زراعين جاسوس في صيانه فورد ومنصبه استقبال الصيانه ويوم وصلنا فورد بالموستنيج قال ليه تكشف لو فيه شي يظهر في الشاشه وصبي المعرض يقول بضحك اصلا مايكشفون عليها يحطونها علي جنب ويطبعون ورق قديم وانا مطنشهم وقايله ركز لو الموتر مرشوش و شوف المكينه والجريبوكس وقال اتركوها عندي و تعالوا بعد ست ساعات ، قلبي ماخلاني بعدها بساعه رجعت لوحدي بدون راعي المعرض واقابل مدير فورد واعطيه السالفه وقلتله ابغا اهتمام شخصي منك به هالسياره ، ويطلع التقرير السياره مصدومه ومرشوشه من الامام والايرباقات طالعه و الكودات مخفيه بالكمبيوتر !!!!!!!!!!!!!! واقول لي جاسوس فورد وين صاحبك المفروض يجي السياره خلصت كشف ؟ قلي هو في الطريق قلت لازم يجي ويدفع اقل شي نص قيمه الكشف ، المهم رحت ادفع فلوس الكشف يمكن خمس دقايق في المكتب الا جنبه ، وارجع لقيته جاسوس فورد عطاه المفتاح وهذاك انحاش ، ويوم اقله وينه قال ينتظرك بره !!! ،اناظر من الشباك جاسوس فورد يضحك لاعبينها سوا !!! ورواح لمدير شركه فورد واعطيه سالفه الجاسوس الملعون .... بعدها صارت تطورات كبيره بس اكمل بعدين وهذا اسم المعرض للمصداقيه Premier Motorcat
إبلاغ
الردود
احلى لايــك ..
2
0
4
1
5
0
7
0
3
0
3
0
7
0
6
0
4
0
9
0
كنا نسمع ان الغرب عندهم امانه ومصداقية
تغيرت نضرتي جزئيا
الحذر واجب
5
0
2
0
تخرجي قريب باذن الله و انا بامريكا و كنت مخطط عاى كايين بورش و كنت بكتفي بالكار فاكس
بس عقب موضوعك لا و الله بفحص وكالة و بدخل على المدير طوالي
الله يوفقك و تحصل السيارة اللي تستاهلها و ترجع لاهلك سالم
3
0
5
0
سيارات حلوة وشغل محترم وبالاخير مصدومه وسمكره وخرابات ما يعلمها الا الله
الله يكفينا واياكم كل شر
1
0
قبل 13 سنه