سيارة فورد 97ماشية فوق 380000 الف ك هل يوثر عليها

على طاري الفورد والأميال المقطوعة والمسافات ابيك تعرف
وبدون اي مجاملة ان السيارة الوحيدة لو ممشاها مليون تأكد انها راح تخدمك
سوا فكتوريا او ماركيز لا تخاف اذا مكينتها وقيرها وعضلاتها ممتازه توكل على الله وخذها
استخدمت سيارات كثيرة ولله الحمد ولكن لي تجربة خاصة قديمة مع الفورد دامت قرابة 10 سنوات
حتى للبر كنت اطلع فيها كثر الله خيرها ماقصرت

لايهمك الممشى يمكن على هالممشى انضف من موديلات 2012 و13
عليك تركز على نضافة الموتر
الشغلة تعتمد على المستخدم
فية سيارات 2014 ومهلوكه وفية موديلات 97 98 99 وممشاها فوق 400
وتحصلها نضيفه وردة
موتري 2009 وماشي 300 الف وفوقها 2000 وشد بلد
فركز الله يسعدك على مكينه قير شاصية

يا ابو ريم و راما و ربى تميز بحرف راء الله يحفضهن لك .

انت جرب السياره واحكم عليها متماسكه ولا لا هذا مجرد رقم اهم شيء المكينه والقير

كم سعرها ؟ السيارات بنزول يعني حاول قد ما تقدر تبعد عنها اذا عندك كاش خذ اكسنت نضيفات وسعرها مقبول 15 تاخذ وحده وتريحك من البنزيم
والله يسهل عليك

ممشاها ياغالي طبيعي ويعتبر متوسط على عمرها 
يارجال سيارات مشت500وباقي تسافر وتمشي عادي 
اهم شيء نظافت السياره ولا قراءه الطبلون لاتودي ولا تجيب
وممشاها ممتاز جدا ويكفيك ان راعيها معه12سنه تحت استخدامه
احسن من انها كل كم سنة مع شخص جديد 

380 الف وشعاد تبي فيها

انت تبي سيارة تخدمك ولا انت تخدمها

انا عندي السيارة من 150 الى 200 الف ممكن اخذها يعني تعيش سنتين ثلاث

لكن سيارة باقي على نص المليون شوي
بتتعبك وتتعرف على السطحات والورش
اذا تقدر تاخذ اقل ممشى خذ وان قدرت على الجديد لاتتاخر

سلام يافورد.  كان عندي 98 بعته على ممشا 735للف بس سياره خدومه تكرمها تكرمك.انس تكون فيها أعطال تقلب راسك

راجع موضوعي عن الفورد لعلك تستفيد

الفورد ما يضره يكرف و يمشي ٥٠٠ الف و ناس معهم ماشي ٧٠٠ الف 
أهم شي يكون نضيف مكينة و قير و يبين معك الموتر إذا سقته هل متماسك 

بغض النظر عن الممشئ الفورد يصرف بنزين 
ولا ركبت كانك راكب سفينه ماتشوف زوايهه 
لو تخش بمواقف ضيقه تمشي علئ اعصابك 
وبعدين طول وعرض علئ الفاضي 
والركاب ورا تكون رجليهم محشوره 
وداييييمممممم نشوف فوردات طايحه علئ 
وجهها عند اللفات واكثر سياره اشوفها 
متعطله بالخط هي الفورد 




ع العموم الفورد فيه ميزتين 
١ مرتبته مريحه بالخطوط 
٢ قطع غيار رخيصه خاصه ذا الموديلات 





اهم شيء صرفيه البنزين 
مستعد تدفع ١٠٠ ؟ ١٥٠ ؟ كل اسبوع ؟ 
لو مشاويرك واجد تدفع ٢٠٠ بالاسبوع سلام سلام 
نصيحتي تدور لك موتر ٤ سلندر لا يصرف بنزين 
وينفع للمشاوير القريبه 


تخيل تشغل فورد مكينته v8 علاشان تجيب خبز من البقاله 
مرررره ماينفع 

والله لو انه راكب 12 سلندر يومه بيدفع 150 بالاسبوع

انا معي وادفع 30 ريال والحمد لله مشاوير متوسطه كانه راعي دوران 24 ساعه ف بيحط له كل يومين ثلاث 50 ريال

وبشكل عام تعتمد على رجل الي يسوق كانه دايم مطلع رجله مع الشبك بيتعاقد مع ارامكوا

الممشى حقه عادي و ما يعيبه . معي 2001 ممشاه 415000 و ما شاء الله عليه في الخط و داخل البلد .
المهم تفحص الماكينة و الجير . و توكل على الله إذا كانت نظيفة .