أضف سؤال أو موضوع جديد          

افضل محل تفصيل برقع السياره بالرياض

up 1 down 5
sultanm3a 17
قبل 5 سنه و 8 شهر



السلام عليكم

ياشباب ابي افضل محل تفصيل برقع للسياره بالرياض

ويكون تفصيله ممتاز 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بطلوه البرقع ومنظره خايس ويعدم كلبسات الصدام عندك عازل الحماية شفاف وممتاز 


up 2 down 0
benz lover -74
قبل 5 سنه و 8 شهر



نصيحه اخويه لا تركب


ناس واجد اعرفهم ركبو وعدمو السياره ارتفاع حراره خاصه في اماكن الازدحام و الوقوف عند الاشارات و يكون جهه الانوار البلاستيك الشفاف يلزق ف الاصطابات والانوار الاماميه ومع المده يصير لون اصفر من الحراره و لازم تبدل الانوار اما ادا انت حق مشاوير يعني تروح مسافه كل يوم 200 كيلو او اكثر ف ركب لكن ما انصح به في داخل المدينه يرفع حراره السياره عن تجربه


up 3 down 0
silverdiamond 332
قبل 5 سنه و 8 شهر



البرقع مايفيدك وانا اخوك

شريت افالون اول ماتوظفت بالشرقية وماسك خط رياض دمام

شهرين بس واضطريت ارش الصدام

نصيحة شوفلك شركة كويسة ركب عندهم عازل خصوووووووووصاً الشبك والشمعات


up 2 down 0
... غالي الأثمان ... 146
قبل 5 سنه و 8 شهر



ركب عازل شفاف
انا مركبه ب600ريال
عازل ل الانوار والصدام والكبوت والزجاج الامامي والاكتاف والمرايا


up 0 down 0
bmw z4 1500
قبل 5 سنه و 8 شهر



ياشباب انا بركب البرقع لاني بسافر مسافه ٨٠٠ كيلو
عشان كذا قلت بركب البرقع 
اما حمايه الشركات مابيها


up 1 down 1
sultanm3a 17
قبل 5 سنه و 8 شهر



حط لك شحم الي يسموه قريز ممتاز جدا و يحمي من الرمال و الحصى

بس الانوار الاماميه ركب لك عازل بلاستيك


وبالنسبه الي يقول ركب لك عازل شفاف ما انصح به لان مع المده يلزق ف السياره ولا يروح لازم ترش السياره عن تجربه وانا اخوك واعرف ناس جربو وختربت البويه حق السياره مع المده انا اقول يلزق ولا يروح ابدا لازم رش وسلامتكم


up 1 down 0
silverdiamond 332
قبل 5 سنه و 8 شهر



ياعزيزي العازل الشفاف اللي تتكلم عنه هذا تجاري ابو كلب من طقه محلات الغرابي يعطيك عليه ضمان سنه او سنتين ويقولك الماني وهو صيني ماينفع بريال وبعد 6 شهور يصفر ويقتلب لونه وبعد ماينتهي الضمان يصير مكانه اسود كنه محروق

الحل ياطويل العمر تروح تركب عازل (( اصلي )) من الشركات المعروفه مثل 3m وجوشيلد وسعره 2000 ريال صناعة امريكية وضمانه 10 سنين .. انا مركبه بموتري من سنتين ومالمعته غير مرة وحده ولله الحمد


up 0 down 0
ابو هيثم 7 2255
قبل 5 سنه و 8 شهر



بالغرابي تحصل محلات للبرقع، بس عن تجربة عندي واحد ووراي سفرية بكرة ولاني مركبه صوته مزعج بالخط والهواء يضربه وتسمع ضرباته على الصدام وممكن يأثر فيه


up 0 down 0
al_orainy 56
قبل 5 سنه و 8 شهر



فيه مادة ترشها عالبدي قيمتها 60 ريال بساكو تسوي لك طبقة حماية بلاستيكية شفافه تروح بالماء ممتازة ومجربة


up 0 down 0
al_orainy 56
قبل 5 سنه و 8 شهر



نصيحة لاتركب برقع راح يلعب به الهواء ويضر البوية ويجعل حدوده واضحة عندما تفكه 


up 1 down 1
الثابت المقدام 44
قبل 5 سنه و 8 شهر



انا انسان مركب البرقع و ممتاز يكون مشدود


up 0 down 0
مخاوي الطرقة 394
قبل 5 سنه و 8 شهر



افضل حل العازل ركبته من درايف 7 وجدا فعال وممتاز...


up 0 down 0
الفراعنه 315
قبل 5 سنه و 8 شهر



ننتظر باقي الاخوان


up 0 down 0
sultanm3a 17
قبل 5 سنه و 8 شهر



جربت العازل حق الغرابي افضل نوع وقعد معي سنه ونص من احلى مايكون
لكن لما فكيته لقيت المحل اللي ركبه اول المشرط مثقله على البدي ومقطع ومشرط البويه
\ فمشكلة اني كل فتره اروح ادفع 200 ريال وكل عامل يقطع في البويه اما بالنسبه للشركات قيمة العازل اغلى من وجهيه موتري غير انه بعض الاجزاء مايمسك عليها العازل مثل الشبك ووو
جربت الفيري يلعب في وجه الموتر بالشهاب ويجذب الحراره والشمس وجربت رش وامش العازل الشمعي ممتاز لكن مكلف ماديا كل سفره بدفع 65 ريال و 65 راجع
جربت البخاخ ابو الوان يمسك في الاجزاء الضيقه ولايطلع وفي وقت الغسيل اغلى ويادوب يطلع
جربت البرقع مع الهواء يضرب بالصدام وكل السيارات صارت مشقبيات وكلبسات بلاستيك مافيه مسامير مثل اول غير البرقع عند الفك والتركيب متعب ولابد عن الفك او التركيب تخدش السياره مهما حرصت

الحل حاجتين يااسوي عازل من الشركات واريح راسي الين ابيع السياره او فيه شامبو جونسون حق الاطفال ناعم جدا ومايشهب بالبويه قيمة العلبه 8 ريال الى 12 ريال حطه على طبقات يعني تحط على الواجهه ثم تنتظر 5 دقايق وتحط مره ثانيه وزينته مع المويه اول رشه مويه يروح مايمسك .. ميزته يمسك الحشرات و\الرمل والتشهيب فقط اما الاحجار مايردها الا العازل وبعضها تخترق العازل ....,


up 0 down 0
khaled3224 284
قبل 5 سنه و 8 شهر



يعطيك العافيه ياخالد


up 1 down 0
sultanm3a 17
قبل 5 سنه و 8 شهر



والله الافضل منها كلها انك تسافرووقت الصباح ما يكون فيه عج ..والبركة في الصباح اللهم بارك لامتي في بكورها


up 0 down 0
saud97
قبل 4 سنه و 5 شهر