قصة شرائي للكراون فكتوريا من الحراج

17 6

لايمكنك التصويت حتى الحصول على 20 نقطة على الأقل
إضغط هنا للإخفاء

يالغالي على هونك 242
قبل 8 سنه و 3 شهر

السلام عليكم معكم اخوكم مشاري  من الخرج وحاب اطرح تجربتي للفورد في الخطوط

على تخرجي من الثانوي 2014 قدمت ع شركة ارامكو وقبلوني وحطوني في المعهد اللي في المبرز سنتين قرار قبولي جاء فجأه ووقتها ماكان معي سياره ولازم بعد يومين اكون عندهم ابوي جزاه الله خير ماقصر معي ونصحني بالفورد انا وقتها ماخذ فكره سيئة عن الفورد وانها دايم تحتر ومكيفها صحراوي بدون ماء المهم مالكم في الطويله واسمع كلام ابوي ورحنا المعارض مالقينا شي نظيف وقال ابوي مشينا للحراج يمكن نحصل شي نظيف وفعلا حصلنا فورد نظيف موديله ٢٠١٠ مع مطوع وكانو يساومون عليه ووصلوه ل٤٠ الف ابوي انجن ع الفورد نظيف ومع مطوع وممشاه قليل ي سلام ماصدق ابوي الله يحفظه ههههههههه ابوي فرق السومه ب٢٠٠٠ وصار من نصيبنا ورحنا عند اقرب معرض وجلس ابوي مع المطوع يساله عن الموتر فيه ظربات فيه شي المطوع قال الموتر ع يدي من وكالته مافيه شي ابدا وانا بايع الموتر عشان محتاج فلوس .. المهم وثقنا فيه من دون مانشيك ع الموتر وتوكلنا ع الله وعطاه ابوي الفلوس وشغلنا الموتر ومشينا به شوي الا وابوي توه ينتبه لل اللمبه حقت الهواء قالي ي ولدي وقف عند اقرب محطه ونوقف ونعبيه ٤٠ هولا راحت اللمبه ابوي قال هاذي اولها لاحول ولاقوة الا بالله ونروح البيت ونشيك ع الشنط الا والسبير مهو موجود قال ابوي فدا ي رجال اهم شي المحركات سليمه مابه خلاف قلت صادق يبه وجا اليوم الثاني وامسك عليه خط الرياض الا فيه ونه انا قلت شكله من الكفرات واروح واغير الكفرات واتفاجئ ان حسااسات الهواء منتوفه ماهي موجوده خير شر  قلت مهوب مهم الحسلسات اهم شي الصوت يروح واركب هانكوك الا والصوت ماختفاء وادق ع ابوي واقوله مانفع تغير الكفرات قام يتحسب عليه وقال الشرهه علي يوم اثق في المظاهر ووديناه للورشه قالو هاذا دفرنس مظروب قال ابوي وشهو كيف دفرنس مظروب سياره جديد وجاء السمكري ويقول ان السياره جايتها صدمة من الشنطة ومغير لها صدام تجاري و سطبات تجاري وقام يتحسب ع الرجال طلع غشاش مجرم..فيا اخوان اذا بتشترون سيارة مستخدمة من اي مكان خلو بينكم وبينه الفحص ولا تنخدعون من المظاهر فيه نوعيات قليله تربي اللحيه عشان مصلحه لاكن مانقول الا الله يسامحهم واسف ع الاطاله  .. 

إبلاغ

الردود