أضف سؤال أو موضوع جديد          

ماهي اجراءات اللوحات الطويله وهل توجد مكاتب تعقيب تخلصني

up 3 down 2
ابوخالد1397 2335
قبل سنه و 3 شهر



السلام عليكم ورحمة الله وبركاته

انا حابب اطلع لوحات طويله

ماهي الاجراءات للي سبق وطلع لوحات طويله

طبعا استفسرت بقروب خاص بالسيارات

وقالوا ناس اني ادفع للمرور من البنك 100 ريال واراجعهم اكمل الاجراءات

لكن سمعت ايضا في مكاتب تاخذ مني 100 ريال للمرور + 50 ريال اتعاب للمعقب , ويخلصوني ويفكوني من الاجراءات اللي ما اعرفها , وانا بس اجي استلمها

فما ادري هل هالكلام صحيح ووين هالمكاتب

اتمنى تفيدوني

وبارك الله فيكم

ملاحظه : لا تنسوا سورة الكهف ( نور ما بين الجمعتين )







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماتبي شيء ادفع 100 ورح لهم وعبي النموذج بد تالف واطلب ملكية  واذا انت بالرياض خلال 3 ايام تكون جاهزة


up 1 down 2
shecoo 550
قبل سنه و 3 شهر



قدام المرور يقفون معقبين ب ٣٠٠ مع الرسوم يوم وهي عندك اذا ماتبي الانتظار يعني


up 2 down 1
benz lover 197
قبل سنه و 3 شهر



قديم انت اول كانت الناس تهتم بالوحه الطويله الحين خلاص انتهت موضتها


up 4 down 7
Pro rare 398
قبل سنه و 3 شهر



حبيبي انا قدمت على لوحة طويلة بعد ما شفت الجشع و الاستغلال من الاشخاص الى يوقفون برا المرور 

يقولك ٢٠٠ ريال و ٤ ايام و هي عندك سسسلامات ؟؟!!!!! انا اولى فيها 

خذ العلم مني اول شي تسدد عن طريق الصراف تحط الرقم الهوية و الرقم التسلسلي للسيارة تحصله بالاستمارة 

و تصور الاستمارة و التامين و الفحص و لازم كلها تكون جديدة 

و تروح للمرور قسم الرخص و اللوحات و تعبي نموذج اسئلة بسيطة مرة 

و يعطيك ايصال عشان تجي تستلمها بعدين 

طبعا على حسب الزحمة و الضغط ممكن ٤ وممكن ٥ ايام 

انا قدمت الاحد الصبح و قالي تعال الاربعاء استملها 


up 5 down 0
saif48 55
قبل سنه و 3 شهر



فعلآ مثل م قال اخوي سيف 
وانا سويت نفس كلامه وسملت اوراقي في خلال ربع ساعه 
وانتظرت اللوحات 15 يوم لاني من جده 
والله م تحتاج معقب ولا شي والمووضوع سهل


up 2 down 0
turki-5 49
قبل سنه و 3 شهر



ياحبيبي المرور فاضي ماحولك احد انا اشوف روحتك للمكاتب اتعب من المرور نفسه


up 2 down 0
al_orainy 61
قبل سنه و 3 شهر



اهم شي الاستمارة والفحص جدد رح للمرور وعبي نموذج بعد ماتسدد بالصرافه تاخذ النموذج من الاستقبال وتسلمه للعسكري في النافذه راح يقص الورقة ويختم عليها وتراجعهم بعد 3 ايام تقريباً تروح ومعك اللوحات القديمه تسلمها وتستلم الجديدة بقراطيسها ومسامير جدد وصلى الله وبارك


up 1 down 1
al_orainy 61
قبل سنه و 3 شهر



يا حبيبنا اذا انت في الرياض فيه مكتب ال سلمان بالمعارض في الشفاء في الساحة نفسها

ب 150 ريال خلال 3 ايام عندك

انا مطلعها من عندهم


up 4 down 0
camry grandi 99 7268
قبل سنه و 3 شهر



اروح واتعب نفسي في ذا الحر عشان لوحه طويله هههه الله لا يشقينا وييسر لك اخوي


up 1 down 0
فيصل طلال... 153
قبل سنه و 3 شهر



ابد بروح بالليل للمكتب اللي قاله اخوي قراندي الله يسعد ايامك

وسبب اني باخذ اللوح

لان لوحتي الاماميه مرمله فيها عج قوي وفيه عفطات لاني سبق وقد دقيت بالصدام من على اللوحه

فودي بلووح جديده ونظيفه وتكون طويله مره وحده

شكرا للجميع على المرور

وبيض الله وجيهكم

ولك رساله يا كامري جراندي على الخاص

لاني ما فهمتك

تقصد 150 شامل كل شيء او 150 اتعاب المكتب + 100 للمرور !!

للجميع +1


up 1 down 0
ابوخالد1397 2335
قبل سنه و 3 شهر



لا يبوخالد كلها مع اتعابه ب150

انا مطلعها قبل شهرين من نفس مكتب التعقيب حق اخونا ( قراندي )


up 2 down 0
خالد الامير 159
قبل سنه و 3 شهر



تروح تعطيه الاستماره يكتب اللوحه ويعطيك الاستمارة 
ويعطيك ايصال عليها 
تراجعه بعد 3 ايام ياخذ منك اللوح القديمه وتاخذ الطويلة 
المحل اسمه ال السلمان مكتوبه بالازرق (ال  السلمان ) بالزاويه تحصله


up 1 down 0
خالد الامير 159
قبل سنه و 3 شهر



هلا حبيبنا ابو خالد

ايه نعم 150 شامل كل شيء

مثل ما قال اخونا خالد الامير ونشكره على الوصف الدقيق للمكتب هههههههه


up 2 down 0
camry grandi 99 7268
قبل سنه و 3 شهر



طيب الي انتها تأمين 


up 1 down 0
b1001b 92
قبل سنه و 3 شهر



العفو هههه 
الرجال يقول لو عليك 100 الف مخالفات يطلعها لك بطريقته


up 1 down 0
خالد الامير 159
قبل سنه و 3 شهر



بارك الله فيكم , تسلمون جميعا , ولا هنتوا


up 0 down 0
ابوخالد1397 2335
قبل سنه و 3 شهر



واياك يبعدي ،،،


up 0 down 0
خالد الامير 159
قبل سنه و 3 شهر