رجه في الطاره فورد

انا مثلك ولا اعرف وش منه 

شيك علي الكفرات ، الجنوط - ممكن الرجه منهم 

تم تغير عمود الدريكسون وللآن الرجة مختفية ، بس باقي الفضاوة

كم موديل سيارتك 2006 او 2007 او 2008 !!!
أو موديل مختلف غير الثلاث موديلات هذي ؟

والرجه تحسها بالدعاسات وانت بكرامه ؟؟

اذا موترك وحده من هالموديلات والرجه تحسها بالدعاسات ، فأمرك بسيط ان شاءالله
في عيب مصنعي بهالموديلات بعمود الدركسون ، حاول تدخل راسك من تحت الدركسون بتلاحظ في قطعة بلاستيكية (ناسي لونها يا اصفر يا أزرق) مكسودة في المفصل اللي يربط للعمود الخارجي
حاول تحركها بيدك بتشوفها تهتز وبتلاقيها طايحه وواصله للدعاسات وقواعدها مكسوره ، وتقدر تسحبها وترجعها مكانها ، وجرب سوق الموتر بتحسه رجع وكاله ، بس بتطيح عليك بعد فترة ..

## عندك حلين :

الأول - تشتري عمود دركسون داخلي يجي قيمته حول 600 ريال غير شغل اليد بالورش وتتراوح أسعارهم من 200 الى 300 ريال

الثاني - اشتري بيبسي بريال ونص ، وخذ الغطا حق البيبسي واقسمه وارمي القطعه الدائرية ، أما القطعه النحاسية (الحاده) اعفطها نصين وحاول تعفطها مضبوط بزرادية مثلا ، وانزل تحت ودخل القاعده البلاستيكية مكانها وثبتها بغطا البيبسي
وتأكد انك ثبتها مضبوط ، والموضوع ماياخذ منك 5 دقايق بعدها اشرب البيبسي وبرد على قلبك

المشكلة هذي عانيت منها ومن ماسويت الحل هذا الموتر له سنتين والعمود ثابت ولله الحمد

أما عاد لو مشكلتك شي ثاني والرجه مو بسبب العمود فكلامي كله ع الفاضي ههههههههههه

بالتوفيق عزيزي

والله يبو سعد موديل السيارة 2001

نص ردي انحذف ، المشكلة اللي كاتبها ، هي نفسها اللي عندي ! هل تضبط على 2001?

العيب هذا موجود بالموديلات 2006 و 2007 و 2008 هذا اللي اعرفه
انت انزل تحت وامسك العمود بيدك وحاول تحركه ، الطبيعي يكون ثابت ما يتحرك أبد
اذا تحرك معك فأكيد فيه مشكلة وبتلقاه طايح (نازل) ويضرب بالدعاسات وانت بكرامه
ولو تدقق بتلقى القاعده البلاستيكية حقه مكسوره

لايكون الكفر محبل من داخل
نفس وضعك صار معايا قبل فتره قريبه تحبيله خفيفه مابانت الا لمن فكيت الكفر