أضف سؤال أو موضوع جديد          

مشكله صارت علي بجبل الكر في الطايف

up 6 down 1
أبو منصـور.. 35
قبل 4 سنه و 9 شهر



السلام عليكم ، انا معاي تاون كار 2006
مشكلتي باختصار .. امس طالع الطايف وبنهاية الكر تحديدا كبري الحلواني
طلع دخان كثيف جدا من السياره وقفت على اليمين ، ولقيت زيت بكثره ينزل من تحت
من الربشه ماعرفت ، قلت خليني اكمل لين بعد نقطة التفتيش
وفعلا كملت ووقفت فوق .. واتضح انه زيت القير كله تهرب والمشكله ان سيارتي محافظ عليها بشكل رهيب
المهم حملتها سطحه وجيت الصناعيه وهنا مربط الفرس .. ناس تقول ممكن البكره وناس تقول كلشتات
وناس تقول راح عليك القير .. بكل الاحوال وش تنصحوني ان طلع لا قدر الله ضرب القير
أوضبه أو اغيره من التشليح مع العلم ان السياره كانت من ابدع مايكون ونظيفه ماشاءالله
وش شوركم علي تكفون والله ان النفس ضاقت من هالموضوع وصرت في حيره من امري
الان السياره في الورشه قالوا بنفك القير ونبلغك وش فيه مشاكل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شف يا عزيزي اي راعي ورشه يقولك افك ونشوف انحش منه
هذا بيلطش منك فلوس على عماها صابت خابت بياخذ منك فلوس
اذا سيارتك بافي ما فكوا فيها شي طلعها من عنده

وابدأ ياخي باالاسهل فالاسهل مو لازم يروح بالك مباشره لتوضيب قير
عبي القير زيت وشوف ، شيك على الحساسات ، شوف الكلتشات حقت القير
مو تفك االقير مباشره الله يهديك

وعلى العموم قير اوتو لا توضب .. اختصرها وخذ تشليح افضل لك




up 7 down 0
als7aimy 1176
قبل 4 سنه و 9 شهر



والَلَّھّ مدري اش المشكلة لكن اذا انجبرت ع التوضيب وضب ولاتاخذ تشليح لان التشليح قيمته حول ٢٥٠٠ والتوضيب ٣٠٠ بالدولية

التوضيب تضمن ان القطع اصلية لكن التشليح ماتدري موضب باصلي والا تقليد والا انه شد بلد وممكن مكروووف وصاحبه الاول غير محافظ


up 5 down 0
faisal5040 26
قبل 4 سنه و 9 شهر



سبب التهريب اتوقع صوف اماميه او خلفية 
والسبب من الضغط والحرارة  

شوف اي صوفه متضررة وغيرها وعبي زيت وجرب 

وقد يكون هناك ضرر صاب الكلتشات او غيرها بسبب استمرارك ومشيك عليها 

والله يسهل اموك 


up 6 down 0
ابوسيف12 184
قبل 4 سنه و 9 شهر



عبيه زيت واذا يهرب شوف التهريب من وين اذا صوفه ضبطها 
وامش اذا تمام خلاص اما اذا فيه مشكله بالتعاشيق معناها القير
ع وشك 


لاكن ترا التهريب ممكن يكون من حراره القير بالطلوع تفقعت عندك
الصوف وممكن تكون انت مخليه بالثقيل او شاد على الموتر 


صارت لي نفس السالفه 

دخل علي دخان ابيض وانا مع طلعه 
وطلع من الثلاجه والى يومك السياره شغاله ولا صلحته


up 1 down 0
القلوب الساهية 26
قبل 4 سنه و 9 شهر



لا خلا ولا عدم منكم .. جعل والديكم للجنه
كل كلامكم باخذه واجربه اشوف . والله يكتب اللي فيه الخير



up 3 down 0
أبو منصـور.. 35
قبل 4 سنه و 9 شهر



انت موسوس تهريب زيت تخليهم يفكون القير 
وبعدين مافرط القير معاك والسيارة تمشي تخلي ورشه تقكه ليش !!؟
فيه شي اسمه عيار للزيت تفكه وتشوف كم ناقص لونه متغير
فيه ريحة حرق ولا لا وتزوده وبعدين تنظف القير عن الزيوت 
وتشوف من وين التهريب من الوجه ولا من الصوف ولا من مواسير مبرد القير
مو تفك القير مره وحده ومن بداية المشكلة 


up 4 down 3
w.asa 2027
قبل 4 سنه و 9 شهر



لا حبيبي ، يوم وقفت شفت عيار زيت القير طلع ناشف ولا نقطه فيه
فـ اضطريت اوقف واحملها سطحه .. يعني زيت القير كله نزل بالارض


up 1 down 0
أبو منصـور.. 35
قبل 4 سنه و 9 شهر



ياغالي ليش توضيب؟؟
دامك وقفت وما مشيت عليه ان شاء الله قيرك سليم

اول شي عبي زيت وبدون لاتمشي عليه
شوف التهريب من وين؟؟ممكن من الكرتير  يمون ضربت بشي ونكسر او ممكن الصوفه الخلفيه انفقعت مع الحراره

يعني. قبل لاتفك القير. شيك عليه وهو راكب للتخسر حق فك

ونا اعتتقد انها صوفه خلفيه  مع الحراره ضربت لانها حصلت لولد عمي نفس مشكلتك بالضبط
وطلعت الصوفه والزيت كله طلع
غير الصوفه وعباها زيت ونحلت المشكله


up 1 down 0
عاشق السبووووورت 103
قبل 4 سنه و 9 شهر



شلون عرفو ان القير خبط
يمكن شغال والي انحرق زيت بسبب تهريب من صوف او اي شي
جرب تعبي زيت وجرب القير اذا مزبوط خلاص تمام ارجع اكشف وشوف مكان التهريب


up 0 down 1
شويخ من أرض مكناس 2823
قبل 4 سنه و 9 شهر



ياجعلني فدوه لكم .. والله انكم عصابة راس لي
انا الحين متجه للورشه ، وبخبركم وش صار وباذن الله يطلع شي بسيط مثل ماتفضلتوا
والخيره فيما اختاره الله لي والله المستعان


up 0 down 0
أبو منصـور.. 35
قبل 4 سنه و 9 شهر



توقعاتي فضاوة كلتشات بسبب الاستمرار بالمشي عليها 

بكل حال قيرها رخيص جدا لا تخاف باسوا الاحوال


up 0 down 1
benz lover -77
قبل 4 سنه و 9 شهر



للاسف طلع القير خربان .. من كلشتات على برونه واشياء واجد
وطلبت منه يوضبه توضيب كامل والحمدلله على كل حال
يعطيكم الف عافيه لكل شخص شاركني الموضوع .. ويشهد الله اني استفيد منكم بمواضيع كثيره تطرح بالمنتدى
جزاكم الله خير .


up 2 down 0
أبو منصـور.. 35
قبل 4 سنه و 9 شهر



الله يعوضك خير والحمدلله على كل حال


up 0 down 0
عبدالرحمن النوفل 108
قبل 4 سنه و 9 شهر



الله يعينك داممهم فكوه بيقولوا لك توضيب حتى لو فيه نص عمر

المفترض انك عبيت زيت وصلحت التهريب وجربت السياره وشفت بنفسك الوضع


up 1 down 0
abdullah.ags 395
قبل 4 سنه و 9 شهر



شف يا عزيزي انت ماعندك اي مشكلة كان فيه زيادة زيت في القير ومع الضغط طلع ع الشكمان وطلعت دخان سيارتك يخوي مافيها الا العافيه وجربها وتاكد من كلامي صارت معي في سيارتي قبل سنه والسيارة شغاله من ابدع ما يكون


up 1 down 0
أستشاري الحب 6468
قبل 4 سنه و 9 شهر



كيف طلع القير خربان ؟ 
يعني عبيته زيت وعشقت وماتمشي ولا جيتهم فاكين 
القير وقالو لك خربان !!


up 1 down 0
w.asa 2027
قبل 4 سنه و 9 شهر



سطحات الطايف الحويه
لنقل السيارات داخل الطايف 
والتوصيل لجميع مناطق المملكه
0500898367


up 0 down 0
سعووود 2015
قبل 4 سنه و 4 شهر