أضف سؤال أو موضوع جديد          

استشارة بخصوص شراء اكسبيدشن 2016

up 3 down 1
الهاواوي2009 17
قبل سنه و 2 شهر



السلام عليكم ورحمة الله وبركاتة
اخواني انا مقبل على شراء اكسبيدشن 2016
ولقيت في معرض صالح اكسبيدشن 2016 ابيض xlt وبصراحه مواصفاتة ممتازة من ظمنها مراتب كهرب فتحة بالسقف وغيرها من الكثير من المواصفات
طبعا السيارة خليجية وتدخل بالظمان والسعر 145الف
استفساري هل تنصوحني بالشراء او اصبر لين ينزل 2017 وهل هي عملية خصوص المكينة الجديدة
وهل بيتغير الشكل
انا رح تكون سيارتي الشخصية يعني لايوجد سيارة بديلة فهل تنفع لهذا الغرض؟
تنفعللبر
لاني قريت وسمعت انها تبريدها لك عليه بالصيف +المساعدادتتنفقع ؟ والسيارة ممكن تحتر
لاني بغيت التاهو لكن السعر ls2016 153 دبل وانا اهم شي عندي الدبل
واليوكن نفس الطريقه ايضا السعر مرتفع نوعا ماء واميل لليوكن
ياليت يفيدني شخص جررب واستخدم او اخذ معلومه من شخص مجرب لاني محتار بالسعر بينه وبين ثلاث سيارات
يوكن او تاهو +سيكويا+الاكسبيدشن
السيكويا كبير شوي
ارجوو الافاده عن الاكسبيدشن وشكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


من ناحية شكل الاكسبدشن اكل الدهر وشرب عليه يعني شكله قديم واحتمال كبير يتغير كلاي 2017 او بالكثير 2018.


up 2 down 0
iadnuyh 846
قبل سنه و 2 شهر



انتظر الين ما يتغير الشكل افضل لك ..


up 1 down 1
nawafzmmm 20
قبل سنه و 2 شهر



خذ لك تاهو او يوكن افضل من ناحية الخدمة والشكل وإعادة البيع


up 2 down 1
sabal 292
قبل سنه و 2 شهر



الاكسبيدشن سعره حلو لكن بعد ماسمعت من اكثر من واحد ان تبريده ضعيف صرفت عنه النظر
يعني شكله القديم بنبلعه ونمشيها لكن مكيف مايبرد هذي ماتنبلع ابد


up 1 down 1
سند10 980
قبل سنه و 2 شهر



لاتقرب الاكسبدشن سياره كثيرة اعطال لو كانت جديده


up 1 down 7
khaledsa1487 157
قبل سنه و 2 شهر



المكيف يبرد لكن يطول على مايوصل أقصى تبريد له


up 1 down 1
أبو راشد 33 858
قبل سنه و 2 شهر



معاي 2013 ولا اعطال ولاشي


كله كلام خرطي


ونص اللي بالموقع يفتي وهو ما استخدم


انا مستخدم سنتين وشوي والله ما اشتكيت من شي وتكييفه زي العسل


بس فيه ناس للأسف تستخدم السياره غلط أصلا بالله كيف بيقيم سياره


up 12 down 2
حكيم المعاني 10302
قبل سنه و 2 شهر



ياخ حكيم كم مره غيرت المساعدات 


up 0 down 3
khaledsa1487 157
قبل سنه و 2 شهر



مره وحده

و2 بس مو كلها


يا اخي بقولك شغله فيه ناس تشتري سياره امريكيه ناعمه بعد تويوتا او سياره قرمبع ويجيك يتهبد بها زي القديمه

وبالنهايه يقولك مدري ليش المساعدات يصير فيها شي





طول عمرنا ننظر للسلبيات المبنيه ع الاشاعات ولا ننظر للايجابيات



لو مو كويس الاكسبديشن ماكان تشوفه منتشر في كل شارع


up 3 down 0
حكيم المعاني 10302
قبل سنه و 2 شهر



والله كان معي تاهو وانا احافظ على السياره واهتم بها بشكل كبير لكن بعته واشتريت 
اكسبدشن   لكن واجهت خرابات ومع ان سرعتي ماتتعدا 120 والزيت 
كل 5000كيلو وجميع الصيانات قبل حتى وقتها مع هذا المساعدات بشكل مستمر تتعطل 
المكيف الخلفي فيه طقطقه المكينه طلع فيه صوت والسياراه ماشيه
39000والوكاله تقول طبيعي لحد ماتعدى الضمان واشيا غبيه جداً 
تطلع لكن ماتخرب حتى بالسيارات موديلات الثمانينات اغلب من يمدح الاكسبدشن 
يسلك لنفسه او معه سياره اول قرنبع ماتمشي الا معك مكانيكي ويعتقد انه ممتاز بشهر
مره يمر الصناعية لكن لو جرب سياره ونسى الورش كان عرف حقيقة الاكسبدشن 



up 3 down 3
khaledsa1487 157
قبل سنه و 2 شهر



الفورد تغيرت مكينته وصارت 6 سلندر ...يعني اسال مجربين للموديل الجديد ويفيدونك افضل عن صرفية البنزين وغيرها






up 0 down 0
abdullah.ags 279
قبل سنه و 2 شهر



الافضل انتظار الشكل الجديد 2017 او 2018
و اذا ما تحتاج سيارة بهالحجم شف الاكسبلورر الاخير حليو
و سعره طيب لكن مقارب للاكسبدشن الخليجي
115  مقابل 125



up 0 down 1
أبو نجوى 2426
قبل سنه و 2 شهر



اقترح خذ سكويا احسن بكل شيء ... والله يعينك .


up 1 down 1
n.a.1010 65
قبل سنه و 2 شهر



الحمد لله معي اكسبدشن 2014 مشتراه من عماد الدين خليجي

موتر وحش بسم الله ما شاء الله عليه

ماشي أقل من 70 ألف بشوي ما شاء الله

سياره ما شفت منها الا كل خير

لا خرابات ولا هم يحزنون

الزيت اغيره كل 10 الى 15 الف كيلو خارج الوكاله

كرتون الزيت 12 علبه ب 180 ريال حق الوكاله 5 في 20 , قيمه العلبه تقريبا 15 ريال , وسيفون قيمته 15 ريال , وتروح عند اي محطه يغيرونه لك

سياره ماشاء الله تبارك الله سافرت عليها للامارات مرتين و مره للصلاله في عمان و مشيت عليها خطوط كثيره منها جده و الشرقيه والرياض

ولا شكت من اي شيء نهائيا , و ما شاء الله كانها جديده وديكوراتها من الداخل مافيه ولا صوت ما شاء الله

صراحه كنت قبل اشتريه ما ادانيه ولا ابغا ريحته

لكن كان عليه عرض وكان ارخص سياره عائليه عام 2014 فاظطريت اشتريه

ولكن اعلنها الان , اني ظلمته

وصدق , اللي جرب غير عن اللي سمع

انا اقولك والله انه سياره ونعم السياره

فيها قوه ما يعلمها الا الله في متانه البودي

ولو ماهي عمليه , ما كانت عاشت مع السواقين وانت تعرف كيف سواقتهم

وبخصوص التكيف

فهو جيد بالصباح ( ترا درجه الحراره توصل عندنا ل 50 بالصباح ) وبالليل ثلج وتحطه على 2 من 4 تتجمد

المساعدات الخلفيه تم تغيرها على ممشى 50 ألف كيلو , قيمة المساعد الواحد وكاله اقل من 400 ريال , فقط الخلفيه

وغيره ما احتاجت لاي شيء نهائيا




up 3 down 0
ابوخالد1397 2293
قبل سنه و 2 شهر



والله ياشباب انا كان معااي لاندكروزر 2015 بريمي وبعته لحجة
مادية ولابه عيب بس بقيمته فوق 210الف مافيه ولاميزة تحسسك
بالقيمه وانا مااحتاج البر كثير يعني فترات بسيطه
لكن حسب مافهمت من كلامكم ان مساعدادت الفورد يبيلي اشتري درزن
يعني عيب مصنعي لكن هل هذا العيب حتى 2015 او2016 لان بصراحه انا معجبني شكله
وابي الي جرربوه سعررة على مواصفاته معقوول جدا جدا


up 1 down 0
الهاواوي2009 17
قبل سنه و 2 شهر



الموديل القديم مساعداته تعبانه وفيه ناس تغير مساعدات مع كل تغيير
لزيت مر منتدى فورد ألعربيه وحساب التوكيلات وشف كلام الناس 
اذا بنسبه لك شي طبيعي تمر الصناعية كل مده يعني اقل من ست اشهر
وتعرف كل أسامي القطع ويمكن تفك وتركب وتعرف بالخرابات والورش
خذ اكسبدشن المهم مر صيانه الوكالة واسال اصحاب السياره اذا
أنا كنت مصدق كلام المنتديات وتوقعت ان الاكسبدشن سياره عاليه
الجوده والخدمه والآن متورط باقساط البنك وكل كم شهرادفع عليه  


up 0 down 0
khaledsa1487 157
قبل سنه و 2 شهر



المساعدات كل 50 الف كيلو , غيرها , طبعا بس الخلفيه , الاماميه ما فيها اي شيء معاي , قيمه المساعد الوكاله اقل من 400 ريال , يعني اثنين حول 700 الى 800 , والتركيب على حسب الورشه , من 150 الى 400 ريال تقريبا

وفيه نوع ثاني مساعدات اكسبدشن سعر الواحد حول 150 ريال , يعني الطقم 300 ريال , والامر راجع لك , موفق عزيزي




up 0 down 0
ابوخالد1397 2293
قبل سنه و 2 شهر



طيب سمعت ان من بعض العيوب ثلاجة المكيف فكها يبيلك تروح لورشة علشان يفك الطبلون
وتخش في دواامه مالها نهاية!!


up 0 down 0
الهاواوي2009 17
قبل سنه و 2 شهر