اسباب تهريب زيت الماكينة؟

حدد 
وش سيارتك 
وش موديلها 
كم ماشيه 
وش الزيت اللي تستخدمه 
كم للزوجه 
هل سبق توضيب مكينه 
من متى معك نقص زيت 
كيف تبينا نعلمك ولا علمتنا 

يالطيب مايبلها ذكى انزل تحت شوف من وين التهريب يا من الصره او وجه الكارتير اذا ماغيه اثار التهريب سيارتك مبوشه تشرب زيت

انا مثلك عندي نقص في زيت المكينه بس غير نوع الزيت والحمدلله ماعد فيه نقص 
اذا المكينه سليمه جرب الزيت الاماني سعره 14 ريال

اخوي انت تقول تهريب في شي اسمه تهريب زيت الزيت ينقص من الصوف او الكارتير 

وفي نقص زيت ( الماكينة تاكل زيت ) 

وش اللي قصدته الله يحفظك عشان الجواب يكون دقيق 

ممكن صوفة مكينة امامي او خلفي

اذا ماتعرف للسيارات وانت تغير الزيت اسال البنشر بطريقه يشيك على مكان التهريب ولو بشكل سريع او اقرب ورشه يفحص

اغسل بطن الموتر بالماء والصابون وابعد عن الديزل 
واذا بان معك تهريب صلحه واذا ماطلع شي اعرف المكينه تاكل الزيت 

الموتر ماركيز 99 
ماشي 170 الف و كسور

ما قد وضبت الماكينة .. 

يا شباب حول الماكينة زيوت يعني هقوتي انها تظهر الزيت 

لكن وش المشكلة الاكيدة .. 
وبارك الله فيكم

و وش زيت افضل بالنسبة للماركيز 99

انا استخدم .. 
GTX  20 - 50  الثقيل.

إذا فيه افضل يرجى ذكره!!

اكثر مكان يخرج الزيت منه الكرتير يكون الوجه مقطوع لكن اذا كان الزيت كثيف ما يضر وافضل زيت من واقع تجربه زيت سوبر شل علبه حديد مو بلاستيك والله الموفق

الافضل تشيك في ورشة او تنزل صور نقدر نحكم عليها
واغلب الظن يبيلك طقم وجيه مكينة

التهريب
صوفة المكينه الإماميه
صوفة المكينه الخلفيه
وجهه الكرتير
صرة الكرتير
*اذا غيرت الزيت الفتره الإخيره راجع لزوجة الزيت لأن اللزوجه العاليه تفقع الجلد ويطلع الزيت معها
*غسل بطن السياره بستم ويبان معك كل شي
*تقدر توقفها كم يوم وتشوف تحت السياره هل فيه بقايا زيوت او لا ولاتنسى تعاير الزيت؟
اذا عيار الزيت ماتغير صرفية زيت واذا تغير تهريب
*يمكن السياره فيها صرفيه زيت
هل لها دخنه؟
حاول تشوف الشكمان وش يطلع منه ماء او زيت
صرفية الزيت عندك عاليه والظاهر المشكله مشكلة تهريب اذا مالها دخنه والله اعلم واحكم

تاكد من الكارتير ووجه الكارتير والصوفه الامامية والصوفيه الخلفيه
ووجه قاعدة السيفون
وغير بلف تبخير زيت المكينه وسعره رخيص بتحصله لافتحت الكبوت
يسار اعلى المكينه وعليه ماصوره واصله الى بيب الفلتر .

والزيت ابعد كل البعد من طقة كاسترول !!

وافضل زيت 50-20 هو شل سوبر بلس ( العلبه الحمراء )
ثم بترومين الترا سفن 

والله يوفقك 

على فكره للاستفاده من الزيوت 
اضغط على عضويتي وبتحصل موضوع 
شامل عن الزيوت 

جزاكم الله خير




مشكلتي شنبر الماكينة .. والجلد




تم تقييم الجميع

عندي ماركيز
تحرق زيت بكثره وتهرب من وجيه الراس ومع التشغيل
تدخن ابيض ويختفي الدخان بعدالتشغيل وينقص الزيت بقوه ايش السبب لوتكرمتو احبائي

ابي حل هل اغيرالوجيه اواوضب

إذا التوضيب يكلف اكثر من نص قيمة مكينة جاهزة
انصحك لا توضب .. لأن التوضيب قليل يضبط ويصمل معك.

وإذا بتشوف لك مكينة من التشاليح انصح انك تأخذ من سيارة مكينتها فيها
يعني ما فكوها .. اضمن لك انها تكون غير موضبه.

والله يطرح لك البركة.

اخواني كم يكلف تغيير وجه كارتير شغل يد تقريبا