مشكلف في فورد ماركيز

حبيبي نفس مشكلتك صارت معي بالضبط
المشكلة من قسام المكيف مكانه تحت الطبلون الداخلي ورا الدرج
الي عند الراكب
وعندك حلين
1- يا تفصله وتلغيه ويصير المكيف بارد فقط وتكلفك الشغلة 100 ريال بالكثير
او
2- تغير القسام وهذي شغلتها طويلة القسام سعره 250 ريال وقيمة التركيب
1000 ريال لانه لازم يفك الطبلون كاااامل
وانصحك بالحل الاول اسهل وارخص
انا لغيته وانحلت المشكلة وماكلفني الا 100 ريال بس
ومن 4 شهور مالاحظت اي مشاكل
اتمنى اني افدتك وتحياتي لك

موتري ماركيز 2004

هذا قسام المكيف علق على الحار
ممكن تفك البطارية وتشبكها مره ثانيه انت وحظك ممكن يرجع بارد
او مجرد ماتمشي يعلق على الحار ..
الحل طال عمرك
1- تبدل القسام بس مشكلته مكانه زفت جدا وقروشه وبعضهم يفك الطبلون وبعضهم يكتفي بفك الارباق والقطعه سعرها الظاهر حول 300 ريال
2-تلغي المكيف الحار نهائي وهو فصل ليات المكيف الحار الجايه من ثلاجه المكيف وسدها ببوجي او توصيلها ببعض عشان تكتمل الدايره وبحاله ذي المكيف سواء معلق حار ولا بارد
مايفرق معك لانه الثلاجه حقت الحار ملغيه والحل ممكن يكلف 50 ريال
3-الحل الثالث وهو الحل الابسط وهو تفصل سلك القسام للامانه انا سويت هالحركه لها اكثر من شهر والحمد لله الامور طيبه بس المشكله مادري هل اذا فصلته مباشره يرجع بارد او لا
اذا يرجع بارد الامر سهل جدا لاكن اذا فصلته ومارجع بارد الظاهر لابد الواحد يفصل البطاريه ويشبك كذا مره لين يرجع بارد وثم تتله مع اذنه وتفصله ويعلق بارد
مكانه بين المكيف والمسجل والارباق بحط لك صوره
تحتاج تفك الصاجه البلاستيك اللي تحت الدرج عددها 2 كلبس وثم تفك الدرج الظاهر انه 3 او 4 مسماير مقاس 7 ملي ان ماخاب ظني وبعدها تفصله

وهذي روابط لصور توضح مكانه
http://www.pantherbb.com/p71interceptor/eatcswap/blenddooractuator/Photo0029.jpg
http://sub5.rofof.com/img3/07ndzio9.jpg
http://www.idmsvcs.com/2vmod/heatercore/replace/pictures/DCP_4184.jpg
https://www.supermotors.net/getfile/716797/fullsize/3232009-067.jpg
ان شاء الله عرفت شكلها وميزتها
لما تفك الدرج ابد جيب كشاف وطالع بالركن فوق يسار تحصل طرفه دخل يدك وحاول تصيده
مكان زفت جدا جدا!
لاكن الله يعينك وتراه عيب شائع بالفورد المكيف الكتروني والقسام

تثليج المواصير يدل على قلة الفريون

واتساخ الثلاجه

نظف الليات ونظف الثلاجة وعب الفريون

صارت معي سويتها ب ٣٠ ريال حتى والله كثيرة

تفتح الكبوت  وتقفل ليات الحار   والعادة  يقفلها بواجي مستعملة 
وماتاخذ  دقيقتين
ودها كهربائي 
سويتها بالعزيزية تقاطع الامام البخاري  
نفس محطة البنزين في شايب بكستاني مدري هندي  بس غالي

وبتوفيق
-------------------------
لا اله الا الله محمد رسول الله

انتبه تقفل الليات اللي جايه من الثلاجه هذا يسبب ضغط على الثلاجه
سويتها وبعد فتره صارت تهرب الثلاجه واضطريت اغيرها

في قسام داخل ورا الدرج في الطبلون شغلته خمس دقايق يلغي الحار

السلام عليكم مشكورين يا اخوان طفيت السياره وفصلت البطاريه وشغلتها الصباح بفضل الله الحمد لله رجعت عل البارد الله يجزاكم خير 

تمام حظك طيب بس اذا رجعت المشكله مره ثانيه افصل فيش قسام المكيف بعد مايصير بارد وترتاح من مشاكله