أضف سؤال أو موضوع جديد          

دعوة للنقاش مجال الرؤية بسيارات فورد الامريكية

up 11 down 5
انت اخر امالي 550
قبل 2 سنه و 8 شهر



السلام عليكم ورحمة الله وبركاته كيف الحال وعساكم طيبين < صاير اخلاق
المهم حبيت اسلط الضوء علشي مهم جدا ممكن اغلبية الشعب يعاني منه بس محد يهتم اصلا <صايرن تعرف تسولف عربي فصيح <لا واسلط الضوء لا بالله اكتملت

احم احم السالفة ومافيها هي ان سيارات فورد المعروفة ( توروس -كراون فكتوريا - موستنق - اكسبلورر -اكسبديشن -وباقي الشلة)

دائما لو تلاحظون هالسيارات مجال رؤيتها ضيق مادري ليه الشركة مانتبهت لهشي ولا فكرت تحسنه
وعشان تكونون بالصورة

مثل فكر بانك تملك كامري او سوناتا او اكورد ودخلت بزحمة وقروشة كل شوي تلف يمين تلف يسار وتريوس والخخ ,, طبيعي جدا انك كسواق وطاره بتقول ياشيخ سهلة واي احد يعرفها


طيب شرايكك امسكك توروس واقولك سو نفس الي فوق ,, طبعا اذا ماتعرف التوروس فبتقول برضوه سهل لكن تعال اركب توروس ,, اول شي خشم الصدام ماراح تقدر تشوفه ابدا
كل الي تبي تشوفه هو الكبوت فقط

ثاني شي الجهة اليمنى واليسرى ماتشوف الا الشارع واما المنطقة المحيطة بالسياره
انسى انك تقدر تشوف شي ,,حتى لمى تشوف بالخلف
وتحاول تلبق بتحس حالك قريب من الي قدامك ولكن تطلع بلواقع انت بعيد سنين ضوئية عن الي قدامك ويعود السبب لانك انت بس تشوف الكبوت لااكثر


<الكلام الي فوق مو فاهمة الى الي امتلك فورد << رجاء عزيزي القارى بعد ماعرفت معاناه مالك الفورد وش ودك تقول لاجل مواساته اخي الكريم
جدا شباب الموضوع حساس وياليت الي قد صار له موقف باحدى سيارات فورد المسببة للغشامة
يذكره لنا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلام سليم حتى لو تلاحظ ان القزازة الخلفيه بالتوريس صغيرة معناته ان مجال الرؤية فيها ضيق 


انا اشوف شركه فورد كصناعه محركات وراحه ورساوة وامان وجودة تعتبر ممتازة .. لكن الخلل فقط في التصاميم سواء الخارجي والدخلي مثل البدي والديكورات 


up 4 down 0
ابو هيثم 7 2155
قبل 2 سنه و 8 شهر



اغلبهم مع الوقت يتعود ويحفظ ابعاد السياره 



up 3 down 0
bmw z4 1431
قبل 2 سنه و 8 شهر



وعليكم السلام ورحمة الله وبركاته

اوافقكم الرأي بالنسبة للتورس

كنت ناوي اشتري 2016 وقلت خل استاجرها وأجرب

انصدمت من مجال الرؤية !!!

تحس انك داخل صندوق مكتوم.

جدا فاشلة خاصة القزازة الخلفية صعب تشوف السيارات اللي وراك بسهولة.


up 4 down 0
فانتازي 1771
قبل 2 سنه و 8 شهر



التورس احسها مثل تصميم كابرس الصابونة معاقة لكن راحة فخامة وقوة ماهناك خلاف


up 1 down 0
يارب توفيقك 2014 1658
قبل 2 سنه و 8 شهر



التورس سيئة بالريوس ماتشوف شي ابد لازم كاميرا وحساسات 


up 1 down 1
benz lover 170
قبل 2 سنه و 8 شهر



الفكتوريا مافيه اسهل منه كلاسيك تصميمه
تشوف الكبوت  والصدام الخلغي من المرايه
ومافيه لعب زايد في السيارة تصميم البودي واحد


up 3 down 1
سلمان بن عتيبي 125
قبل 2 سنه و 8 شهر



نعم فيه سيارات صعب الرؤية فيها وخصوصآ السيارات السيدان الطويلة

غثيثة مع الزحمه بس التعود هو الحل

افضل سيارة تشوف فيها كل شيء بوضوح الربع التويوتا ويازينه بالزحمه بدي قوي ومرتفع اي رصيف تطمره بالراحه
هذا وقته مع ازدحام الاسواق للعيد


up 3 down 2
المنطق يقول 678
قبل 2 سنه و 8 شهر



اذا اول مره تسوق فورد معاناه بالمواقف والزحمة
وبعدها بفتره خلاص تتعود وتصير طاره هههه 


up 0 down 0
w.asa 2050
قبل 2 سنه و 8 شهر



شاص التورس نفس شاص اليوكن القصير وهي سيدان
وتصميمها بهالشكل حتى تعطيها عزل تمام التمام ويحشون فيها
الامريكان مواد العزل ويحشرولك الغمارة من جوة كانك راكب
صاروخ فضائي مثل قمرة القيادة السيارة تصميمها كذا حتى ماتخسر
فورد راحتها في سيارتها
الامريكان عقولهم متحجرة في التصاميم اي شي يمشي عدل معاهم
واكتسب سمعة يحافظن عليها مافي ابتكارات عندهم مثل الاسيويين
واخص بالذكر السيارات


up 0 down 0
ابو عبدالله احمد 3388
قبل 2 سنه و 8 شهر



بما انك ذكرت الفورد فكتوريا وماركيز فانا معي وحده 2011 مجال الرؤية الامامية والخلفية فيها كويسة وكذلك مع الجوانب
لكن مشكلتها في المراية اللي باليسار جهة السواق اللي مو متعود على السيارة او غشيم تلقاه يمكن يلف يسار يحسب ماوراه سياره
لانه مايشوف زين ومايدري الا وهو صادم وكذلك عيبها انها تزلق وتفتر مع الغشمان وحتى السواقين لكن اللي يعرف يسوق ويتعود عليها
مايواجه مشاكل بالعكس يحبها ويحب سواقتها والزره فيها هههه اما بخصوص انها تقرب السيارات فصحيح مراياتها تخلي السيارات اقرب مما تبدو في الواقع
وهذا عشان زيادة امان لك . اما التورس فصح انا سقت تورس مشكلتها زواياها ابو كلب يعني لو واحد يكتم الموتر يمكن يقبع حتى في الريوس مره اسوق تورس 13 استاندر
حقت واحد من العيال مافيها كاميرا ولا شيء والله في الريوس ابو كلب ومتعبه جدا جداً حتى زواياها من قدام ما تشوف شيء والهيكل حقها اصلاً هيكل اكسبلور اما باقي امورها فهي سيارة امان ودفع امامي و6 سلندر ولا عليها خوف هههه


up 0 down 0
فيصل طلال... 148
قبل 2 سنه و 8 شهر



ملاحظة التورس مالها شاصي الشاص مشبوك مع البودي عكس الكراون فكتوريا والسيارات اللي يكون لها شاصي مستقل ومثل الاكسبديشن واللاند والجمس والسيارات هذي اللي ممكن لو تتضرر تتعدل


up 0 down 0
فيصل طلال... 148
قبل 2 سنه و 8 شهر



فعلا أنا أول ما شريت التورس ٢٠١٣  حسيت إن السواقه صعبه شوي

لكن مع الوقت تعودت عليها وصارت سواقتها سهله بالنسبه لي..مع العلم إن موتري ستاندر لاكمرا ولاحساسات

أكثر حاجه عجبتني بالتورس الراحه وإستهلاك البنزين''ماشاء الله''


up 0 down 0
braveriadh
قبل 2 سنه و 8 شهر



ههههههه ترا من ايام صابونة وبيوك نفس الوضع ماتغير


up 0 down 0
has90has 252
قبل 2 سنه و 8 شهر



ايضا الامبالا الجديدة ونيسان مكسيما موديلات 10 الرفارف كبيرة 
وفي غير سيارات فورد


up 0 down 0
احمد ابو سامي 63
قبل 2 سنه و 8 شهر



بحكم ان معي فيكتوريا والله كلامك صحيح خصوصًا بهالجزئية
وتحاول تلبق بتحس حالك قريب من الي قدامك ولكن تطلع بلواقع انت بعيد سنين ضوئية عن الي قدامك ويعود السبب لانك انت بس تشوف الكبوت لااكثر


يعطيك العافيه


up 0 down 0
راعي الفرررت 91
قبل 2 سنه و 8 شهر



الامريكان يحبو العفاشه

طبعا الفيوجن الي تقول ماهي عفشه

عليها مرايا ابو كلب تحس كل الي حولك متكين في السياره

مقارنه بمرايا السيارات اليابانيه فرق شاسع


up 0 down 0
usopp 325
قبل 2 سنه و 8 شهر