ما رايكم في الفورد فكتوريا 96؟

صارله 20 عشرين سنه
مستهلك

دور النظيف وخذه مع خويي وحده 97 ماشاء الله تبارك الرحمن نظيفه ودايم سفريات اهم شي افحصها اذا نظيفه خذها

ميزة الفورد حتى ولو قديم

تقدر تركب عليه مكينة من الموديلات الجديده

كان معي 97 وكنت امسك خطوط

اذا نظيف ومافيه حراره تراه خدوم وقطع غياره رخيصه

الافضل بالفورد من 2003 او 2004
لكن اكيد بالسعر اغلى من 96
و المستعمل يحكمه نظافته و ان كان قديم

شف وانا اخوك اهم شيء نظافة المكينة والقير والدفرنس

ويكون الموتر وقفته حلوه ما جاه صدوم قويه

تراه موتر زين وخدوم ماشاء الله

انا مجرب فورد سابق ما يحتاج يعني زي ما يقولون اسأل مجرب ولا تسأل خبير

اهم شيء مثل ما قالوا الاخوان افحص الموتر في مركز كويس اذا مدح لك قير ومكينة ودفرنس

عز الله انك شريت موتر

والسعر لا يتجاوز 14 الف اذا كان نظيف مره يعني شغل وامش

واذا تقدر على موديلات 2001 وفوق انصحك فيه وبقوه

96 ايه خلص انتهى زمنها ...ياريح للورشه ياجاي من الورشه؟؟

خذلك اكسنت وعبي بنزين مره كل شهر

96 ايه خلص انتهى زمنها ...ياريح للورشه ياجاي من الورشه؟؟

خذلك اكسنت وعبي بنزين مره كل شهر

^ تقارن اكسنت بفورد هههههههههههه
يارجال الفورد لو تشتريه بودي بدون قير ومكينة 
تركبهن حدهن ٥٠٠٠ 
والاكسنت المكينة والقير اغلى من الفورد 
وثاني شي لا عزل ولا راحة ولا تقارن بالفورد ابد 
يكفيك بالفورد الراحة بالخط ولاجاك نظيف مايصرف بانزين 
وهو ٨ سلندر مثله مثل الاكسنت والددسن بالديرة 

الاخ الي يقول النظيف ب 14 ترا خبرك قديم الحين 2003 تاخذه ب 14 نظيف و 96 مايتتعدئ ال 8 الاف اذا طار

صحيح قديم شوي لكن اهم شي نظافة ( القير + المكينة + البودي )

اذا نظيفة توكل على الله

لكن وش رايك تاخذ موديل 98 نفس القيمة وشكل 98 ماتتغير الى 2012 تغيير بسيط بالشكل الخارجي فقط

يا اخ علي

انا اتكلم بأني راعي سوق ومخيم في المعارض

وانا اتكلم بأنه ياخذ موتر نظيف مو مدردع

مستعد اجيب لك واحد ب 5000 بس اصرف عليه فوق قيمته 3 مرات

انا قلت 14 لاني ابيه يشتري شيء نظيف لان قيمة النظيف غير المنتهي اذا النظيف ب 8 اجل المنتهي ببلاش !! خلك منطقي شوي

وفيه فرود نظاف توصل 17 و19 موديلات 98 وشفتهم بنفسي

واتكلم بان اللي يشتري مستخدم وليس شريطي

الشريطي وده يشتري ب1000 مو 9 والا 8

وانا اتكلم عن النظيف النظيف

مو مصدم لين قال بس وماشي 600,000


وانا قلت 14 كأقصى حد ممكن يشتري به

اذا حصل ب 8 ونظيف الله يهنيه بالعكس

بس سوق النظيف غير والمنتهي غير هذا اللي بغيت اوصله لك

والله يرزقه بالموتر اللي يسعده

الفورد احد يشاور فيه؟ ياطويل العمر يمشي لو على جنبه اهم شي يكون نظيف ولو قدرت على الماركيز افضله على الفكتوريا من حيث الشكل

بس اخوي ال 97 وتحت ماهو مرغوب كاشكل يعني ال 98 ممكن يوصل 12 الف اذا وردة 

فعلا انا مع الاخوان اللي يقولون خذ من 98 وفوق احلى شكل
الفورد خدوم جدا اهم شي يكون نظيف