أضف سؤال أو موضوع جديد          

مشورتكم يالربع السفر على فورد

up 5 down 7
aaam2013 33
قبل 3 سنه و 3 شهر



اسلام عليكم ورحمة الله وبركاته مشورتكم يالربع انا امتلك فورد فكتوريا مديل 96 هل تنصحوني اسافر عليها مسافة 500 كيلو مع اني استخدمها وما لاحظت عليها شيئ غير ارتفع خفيف في الحراره وقت الظهر واش تنصحوني اعمل لها صيانه قبل السفر تكفون مشورتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما دام ما لا حظت شي غير الحرارة تاكد من موية اللديتر اذا قديمه غيره مع تسييخ وركب حق مورسيدس اصلي تلقاه بحدود 45 الجالون وبالمرة غير بلف حرارة وتاكد من الزيوت وتوكل على الفورد من افضل السيارات واريحها في السفر


up 3 down 2
ابوخلوودي1 5064
قبل 3 سنه و 3 شهر



ماانصحك دايم تتعطل في الطرق ابعد بعيد ولو مثلا سفرك مده بصيطه خذ اكسنت اجار او النترا وحط رجل على رجل وانت متطمن والله يوصلك بالسلامه


up 1 down 2
السنافي الحبيب 17
قبل 3 سنه و 3 شهر



حبيبي توكل على الله ودق سلف وامش اهم شئ لا تتجاوز سرعة 130 وبعطيك معلومة ترا السيارة ما يضرها الخطوط المفتوحة الطويلة اذا ما كنت شاد على السيارة بالعكس الضرر على السيارة المشي والوقوف المتكرر داخل المدن وهذا يسبب ظغط على المكينة والقير بعكس الخطوط المفتوحة الطويلة القير والمكينة تاخذ راحتها بشرط عداد الار بي ام ما يتجاوز 3بمعنى انك ما تسرع يعني خلك على 130 تمام وهذا من واقع تجربة في عدة سيارات .



شيك على الزيوت ما تكون ناقصة .

شيك على الموية للرديتر .

شيك على ظغط الكفرات .

دق سلف وتوكل على الله وباذن الله امورك في السليم .

ملاحظة لا تقلق من ناحية ان موديل السيارة قديم كان عندي ايام الجامعة سيارة دخاخينها من وراء ما خليت فيها مكان ما سافرت عليها ولا عمرها قطعتني ولله الحمد بس مثل ما قلت لك لا تسرع وشيك على اللي قلت لك وتوكل على الله وسافر .


up 6 down 0
اسم المستخدم محجوز 255
قبل 3 سنه و 3 شهر



اشوف انك تحل مشكلة الحرارة وتمشي عليه السيارات هاذي تنفع للخطوط 


up 2 down 0
088mansour 790
قبل 3 سنه و 3 شهر



افضل انك تسافر بعد المغرب
الجو يبرد والسيارة ترتاح فالخط
عكس النهار خصوصا انا فالصيف


up 2 down 1
شويخ من أرض مكناس 2818
قبل 3 سنه و 3 شهر



اخي الكريم توكل على الله وشيك على كل شي الفورد سيارات سفر توكل على الله


up 0 down 1
moiiad 28
قبل 3 سنه و 3 شهر



يعطيكم العافيه على الردود الطيبه


up 0 down 1
aaam2013 33
قبل 3 سنه و 3 شهر



شيك على الزيوت والكفرات و امش بعد المغرب ولا تتعدى 120 و توصل بالسلامة باذن الله


up 0 down 1
جمس محكوك
قبل 3 سنه و 3 شهر