استفسار عن شراء سيارة

التورس طيبة وانا انصحك عليك بال6 سلندر يابعدي
قدلك عارف مكان ديرتك جبال وعقبات وطلوع ونزول
ال4 سلندر مابيجمل معك 
وايضا لو تفكر في الكادينزا موتر طرب 
والله يوفقك

انصحك بالتورس افضل من السوناتا
ولو تقدر تاخذ ايدج حتى لو استاندر افضل
ويجيك احمد ال الشيخ معه ايدج و تورس ويفيدك

سلام ف

كم راتبك عشان نفيدك

ارشح لك من بين الخيارات التورس ودامها اجار تمليك ما عندك مشكلة بالنسبة لقطع الغيار لانها بتكون مؤمنه شامل لان قطع غيارها الخارجية والاكسسوارات نار نار .

تقدر تاخذ عن طريق بنك الراجحي اهم شي راتبك فوق الخمسه الاف
رحت كيا وسالت عن الكدنزا الشكل الجديد وحسبها لي موظف الراجحي
سعر السياره استاندر 92 الف طلعت بدون دفعه والقسط 1500 طبعا راتبي 
6000 والشركه الي انا فيها غير معتمده لكن قلي عادي نعطيك اهم شي راتبك ينزل على الراجحي ويكون فوق الخمسه
اتمنى افدتك

الله يعطيكم العافيه جميعا ماقصرتم

باذن الله راح تكون تورس والله ييسرها بانسبة للي يسأل عن الراتب الراتب 5000 وعلى بنك الاهلي والاهلي اعطاني موافقه مبدائيه اما الكيا مالي بها
بس قطع استهلاك التورس هل هي غاليه ام رخيصه يعني نفس الفكتوريا والماركيز والتاون كار

وعليكم السلام ورحمة الله وبركاته
اخي دامك نويت على نظام التأجير المنتهي بالتمليك ومعظم الاعضاء رشحولك التورس وانا من ضمنهم
ايش رأيك تاخذها موديل 2012 او 2013 اقساط عن طريق اليسر انا كنت افكر اسويها وسألتهم قالوا يقسطوا مستعمل من موديل 2012 الى 2015 وهذا رابط الموقع عنده فيه حسبة الاقساط
http://www.alyusr.com.sa/Calculate_ind.html

تكملة لردي السابق

نقطه نسيت اوضحها

ان نظام شركة اليسر في بيع السيارات المستعمله بنظام التاجير المنتهي بالتمليك بيشترطوا 20% دفعه اولى من قيمة السياره

يعني لو السياره مثلا بـ40000 ريال لازم تدفع دفعه اولى 8000 ريال

وفي الاخير اسال الله لك ولنا التوفيق والسداد

اليسر فوائده فلكية 

الله يسعدكم سعاده ابديه جميعا اليسر معروفه بنصبهم وفوائدهم الفلكيه انا بطلع من بنك الاهلي افضل وموتر جديد لك ولزمن

شف وانا اخوك .. اذا بتاخذ تورس وبتتحمل قطع غيارها خذها !
لكن اذا فلوسك على قدك لا تاخذها ولا اقرب حادث لا سمح الله بتبيعها تشليح من غلاء قطع غيارها .. وانت رح للجزيرة والصناعية واسأل عن قطع غيارها قبل الشراء ..
والسوناتا استأجرها يوم وأحكم بنفسك على رساوتها لأن الغالب يقولون بعد الـ 120 تروح وتجي السيارة بالخط من عدم رساوتها .. 
والالنترا اشوف انها غير مريحة بالمركب .. لكن اذا استأجرتهم كلهم راح تحكم بنفسك بعد التجربة ..

وأنا اشوف انك تاخذ سيارات يابانية افضل لك واريح وعملية تخدم معك واقتصادية وقطع ارخص .. وعندك :
- الالتيما الجديدة .
- المكسيما الجديدة .
- الكامري .
- الافالون .
- هوندا أكورد .
- هيونداي جنسس .
- هيونداي أزيرا .

والافضل تسأل عن قطع غيار هالسيارات قطع البدي والقطع الاستهلاكية .. قبل لا تشتري اي سيارة لأن السيارة راح تستخدمها 5 سنوات .. واحتمال لا سمح الله تصدم بها وتبي لها قطع غيار اصلي او تجاري ..
يعني التورس في الغالب ما يجي الا قطع اصليه بالوكالة .. والسوق نادر تلاقي تجاري الا محدود يجي نوع تايواني وبعض الاحيان ماتلاقي منه شيء .. 

..

يأخ عبدالاله السياره نظام تأجير يعني عليها تأمين شامل
التورس ممتازه ومالقيت احد يعيبها غير انها ضيقه من ورا والباب حقها نازل يصقع بالراس لكن عيوب
ماذكر احد عابها
وانا انصحك اذا ودك بموتر ماسك سعره بعد البيع وسبع سنين ماتحط فيه شي غير بنزين وزيت
ورساوه وامان بعد الله
اكورد
اكورد
اكورد
والله يبارلك مقدما

انا ماقلت لك خذ كيا انا اعطيتك مثال وبالعكس انصحك بالتورس
انا معي تورس 15 ستاندر عن طريق العربي لها الان 8 شهور
ماشتكيت من اي شي الى الان سياره ممتازه وساحب على الصيانه خذلك كرتون زيت
وسيفون وغير ف البنشري ب 20 ريال

القطع الاستهلاكيه رخيصه ولابتحتاج تغييرها 
اما قطع البدي لاتسال لانها على التامين

توكل على الله وخذها سياره ممتازه

راجع مواضيعي وبتحصل اللي يفيدك

مالك تورس من
2013
وبالتوفيق

دانيال11 :
انا معي تورس 2010 وذايق عذابها وماقلت هالكلام عبث 
وارجع مواضيعي وبتعرف وش اقصد .. بس السيارة يبيلها واحد رايق وجيبه مليان .. خصوصا ً اذا كان ماعليها تأمين شامل واذا صدم عليها الله يعينه على قطع غيارها ..