أضف سؤال أو موضوع جديد          

وين افضل محل للتمليع بسعر مناسب ومعقول

up 8 down 10
ابو يزيد 000 8688
قبل سنه و 5 شهر



السلام عليكم ورحمة وبركاته

ورمضان مبارك على الجميع

وكل عام وانتم ومن تحبون بالف صحه وسلامه


انا قبل فتره دخلت سيارتي للتلميع وللأسف كان تلميعهم ماهو بالمستوى المطلوب

فالآن احتاج محل تلميع نظيف ويرجع السياره ورده خصوصا من الداخل , حتى اني اراح المعها فقط من الداخل

طبعا بالرياض واهم شيء السعر المناسب

وبارك الله فيكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك الله اخوي ابو زيد 
وش اخبارك 
ماخبرت احد كلهم شغلهم ابو كلب اول فيه عند معارض الشفا لكن الان كل شغلهم تعبان همهم الفلوس بس 


up 1 down 0
شيخ المعارض 2012 380
قبل سنه و 5 شهر



الافضل اذا فيك نشاط وحيل

تتجه لساكو توفر اغراض التلميع
ومتوفره للجلد والديكورات انواع واشكال

واشتغل ع موترك بيدك بافضل المواد جوده
طبعا اذا ماتبي تفك المقاعد


up 9 down 5
مدرس عاطل 43
قبل سنه و 5 شهر



السلام عليكم,

انا اوؤيد الأخ مدرس عاطل في رأيه.  ساكو في قسم العناية بالسيارات موجود كل اللي تحتاجه لسيارتك.

دوامهم في رمضان عقب التراويح الساعة 9:30 يفتح بالنسبة لدوام الصباح ما ادري والله.

حتى تلقى عندهم  الفرشاة اللي يستخدمونها في التلميع موجودة في ساكو اللي تجي اسفنجة دائرية و تشبكها على أي سوكة كهرب

و عيش جوك.

أما فك المراتب هذي ما انصح فيها ابدا لأنه فكها و  تركيبها ما راح ترجع نفس المصنع و خصوصا اذا كانت السيارة مقاعدها تتعدل

كهربا و ذاكرة. 


up 3 down 1
بدر الباثفايندري 803
قبل سنه و 5 شهر



والي ماعنده ساكو؟


up 2 down 0



وعليكم السلام ورحمة الله وبركاته

هلا ابو يزيد

بصراحه انا لمعت سيارة عند محل معروف للكل اعتقد اسمه car care

انا اول ما دخلت سيارتي عندهم قلت يمكن شغلهم مو مره .. تعرف بعض محلات التلميع يهمه يمشي الزباين وما يهتم بالجودة

لكن لقيت افالون 2013 ومرسيدس اس كلاس 2014 اليخت

قلت هذي بشارة خير هههههههه

وسألت عن مدة التلميع قالوا لي اقل وقت 4 ايام

قلت خير ان شاء الله

وقفت السيارة عندهم وانا طالع قلت ان شاء الله يضبطونها لان بيني وبينك جايبها من امريكا وراعيها الظاهر يركب حيوانات معه

ريحة السيارة معفنه الله وكيلك ههههههههه

قلت ابغى الموتر يرجع وكالة وقالوا احنا شغلنا معروف وما راح تندم

المهم كان السعر 400 ريال للسيارات المتوسطة مثل افالون وسوناتا وازيرا وهكذا

جيتهم في الوقت الموعود

بصراحة ما توقعت ولا واحد بالمية راح يكون الشغل بهالاحترافيه والدقة والنظافه . اقولك رجع موتري وكالة ناقص القراطيس واصفر العداد ههههههههه

المهم طلعت من عندهم وجيت البيت وبصراحة الموتر تغير في نظري 180 درجة اللهم لك الحمد كان الشغل توب التوب

بس حصلت لي مشكلة واعتقد انه خطأ فني منهم وانا اتحمل جزء من الخطأ اني ما نبهتهم ان المراتب فيها إرباقات لكن هذا لا يمنع انهم يتأكدون

واعتقد فصلوا المراتب بدون ما يفصلون البطارية وخربت علي برمجة الإرباقات حقت المراتب وولعت عندي اللمبة ولا طفت ابد

وديتها الوكاله لكن !!!!!! لا تجاوب ولا يعرفون اصلا يبرمجونها بغيت اقولهم وشوله فاتحين روحوا بيوتكم احسن لكم

والى الان اللمبة والعه ولا عرفت طريقة اطفيها فيها لكن الحمد لله الارباقات كلها شغاله لكن إرباقات المراتب تحتاج برمجه

.....

خلاصة الكلام شغلهم اكثر من رائع

تلميع داخلي وخارجي ب800

تلميع خارجي فقط او داخلي ب 400


up 0 down 1
camry grandi 99 7268
قبل سنه و 5 شهر



رح لشارع التخصصي عند محطة ساسكو بعد اشارة الملك عبدالله بإتجاة الجنوب تجيك على اليمين
فيه محل اسمه ( التلميع الساطع ) داخل المحطة يلمعون السيارة كاملة داخلي وخارجي وشنطة وكبوت وتحت السيارة وغسيل بخار بـ 800 ريال
بس تطلع وكالة خصوصا ً اللمعة الخارجية ويعطونك ضمان عليها لو راحت اللمعة ترجع تلمع مرة ثانية بـ 150 ريال خارجي
واغلب السيارات اللي عندهم بنتلي ومرسيدس ورنج وسيارات فخمة ..


up 0 down 0
.. عبدالإله .. 415
قبل سنه و 4 شهر