أضف سؤال أو موضوع جديد          

فورد اكسبيديشن مشكلة ارتفاع حرارة وعزم ضعيف

up 3 down 2
ya1ss2er3 11
قبل سنه و 5 شهر



السلام عليكم
اخواني ارجو مساعدتي ونصحي
اشترى الوالد سيارة من واحد وقال كل شي فيها ممتاز ومافيها اي عيب
طبعا الغلطة الكبيرة الوالد شراها من الحراج بدون فحص 
بعدها حصلنا تهريبات  زيوت والمهم اصلحناها كلها
المشكلة اللي ظهرت ان المكينة صوتها عالي وعزمها ضعيف خاصة عند تشغيل المكيف
فحصناها كمبيوتر قال الرجال غير حساس البلف اليمين (ماغناتيك) كذا اسمه
شريناه ولا بدلناه للآن لانها ظهرت مشكلة ارتفاع الحرارة مع المكيف لما يكون الجو حار فوق 45 درجة فجاة الحرارة تطير لاخر شي ويصير يزمر ويكتب check gage بالاحمر
اذا طفيناها وشغلنا في نفس القانية ترجع الحرارة للنص لكن المكينة واضحة انها حارة 
فكينا الرديتر ونظفناه وغيرنا طرمبا الموية والبلف كله جديد والمشكلة لازالت
السؤال يا اخوان ما هو سبب العزم وهل ممكن من الحساس؟ وما سبب الحرارة؟
وهل تنصحوا بتصليحها ؟
أنا في الخرج لو احد يعرف معلم كويس
ولو حبيت ابيعها على هالوضع كم تجيب؟
علما ان السيارة شاص قصير اكسبيديشن فل اوبشن اصدار ليميتد لون بيج فرش نظيف جلد وفيها بعض الخموش في البدي الخارجي لكنها مهي كثير والبدي خالي من اي حوادث
اريد نصحكم كم تجيب لو فكرنا بالبيع؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اهم شي  اذا مافحصها انه يتاكد مكينه ماهي موضبه ولا علياها اثار توضيب والحراره شيك على مراوح  التقطيع والعزم  تصفيهمكينه وانا بالخرج ودها السالم متخصص في حراره   وعلى مااعتقد ماراح تجيب لك شي انت وحضك يمكن تطيح بواحد لكنه حريص اكثر منك الحين السوق نازل وناس تنحاش من مستخدم تاخذ جديد لو باقساط 


up 1 down 1
سكودر 14897
قبل سنه و 5 شهر



اهم شي  اذا مافحصها انه يتاكد مكينه ماهي موضبه ولا علياها اثار توضيب والحراره شيك على مراوح  التقطيع والعزم  تصفيهمكينه وانا بالخرج ودها السالم متخصص في حراره   وعلى مااعتقد ماراح تجيب لك شي انت وحضك يمكن تطيح بواحد لكنه حريص اكثر منك الحين السوق نازل وناس تنحاش من مستخدم تاخذ جديد لو باقساط 


up 0 down 1
سكودر 14897
قبل سنه و 5 شهر



جزاكم الله خير جميعا
اخوي التركي هو قالي هذا الحساس يجي فوق التس وبعضهم يسمونه حسحس جنزير ويجي 2 فقط في السيارة واحد يمين وواحد يسار
يعني اهم شي يا اخوان ما يحتاج تبديل كل المكينة؟
لان اكثر من واحد مو فاهم العطل ويقولي بدل مكينة وتظبط معك!!
اذا بدلت مكينة وش بقى؟؟!!!
الله المستعان
بالنسبة للحرارة الميكانسكي شيك عى المراوح وكلها سليمة
بالنسبة للكويلات انا فاحص كل شيء في السيارة وكلها كويسة الكويلات
 


up 3 down 0
ya1ss2er3 11
قبل سنه و 5 شهر



اخوي سكودر شكرا على ردك
انا لو فكرت بالبيع ببين كل صغيرة وكبيرة للشراي لكن اذا قدرت اصلحها ما رح ابيع لانها اكيد بتخسر
ولو تكرمت وين السالم هل هو في الصناعية؟ وفي اي شارع لو كان في الصناعية
شكرا لك مرة ثانية


up 3 down 0
ya1ss2er3 11
قبل سنه و 5 شهر



اخوي سكودر شكرا على ردك
انا لو فكرت بالبيع ببين كل صغيرة وكبيرة للشراي لكن اذا قدرت اصلحها ما رح ابيع لانها اكيد بتخسر
ولو تكرمت وين السالم هل هو في الصناعية؟ وفي اي شارع لو كان في الصناعية
شكرا لك مرة ثانية


up 0 down 0
ya1ss2er3 11
قبل سنه و 5 شهر



فيه مصري تخصص فورد في صناعية الخرج شارع 8 .

اعتقد ان اسم الورشة البياهي


up 3 down 1
جمس محكوك
قبل سنه و 5 شهر



اسف على تاخير برد اي السالم عبداالرحمن قله جايك من طرف علي صاحب لومينا يكشف على مراوح يمكن  عندك ضعف بنسبه للورشه البياهي كويسن زي ماقالل جمس ومخصص للفورد 


up 0 down 1
سكودر 14897
قبل سنه و 5 شهر



اخواني السيارة 2006 
اخوي التركي الحساس اظن هو فعلا الشفت كام لكن كل واحد فيهم يسميه باسم مختلف
الأخ جمس محكوك 
انا رحت وفحصت عند المصري اسمه خالد وقال لي العزم من هذا الحساس لكن ما صار وقت اغيره رغم اني شريته وقبل اغيره ظهرت مشكلة الحرارة وصراحة قلت اذا في حاجة لتبديل مكينة بدل ما اتخسر 1000 ريال على تبديل الحساس خلني اغير مكينة لو يحتاج الامر
لكن لازم اشيك ان شاء الله عنده على الحرارة اول شي
جزاكم الله خير جميعا وبيض الله وجيهكم
الأخ سكودر والأخ التركي والأخ جمس 


up 0 down 0
ya1ss2er3 11
قبل سنه و 5 شهر



هي ترتفع الحراره حتى بدون مكيف
؟
اذا تبي تعرف ان المشكله من راس المكينه او لا شغل المكيف وانت واقف واذا ارتفعت الحراره طف المكيف بس وامش بسياره بطريق سريع بسرعه 80 وشوف تنزل الحراره اذا نزلت يعني المشكله ممكن دائرة التبريد ممكن مراوح او الرديتر تجاري
بس على وصفك تقول ان صوت المكينه يرتفع مع المكيف ممكن الي قبلك ركب مروحه تجاريه او غير شي في المراوح بشي تجاري ممكن كلتش المروحه او شي المهم لازم يكتشفه واحد فاهم بالشغله
وعزم المكينه الضعيف يبلك تسوي تصفيه للمكينه تغيير بواجي وفلتر هواء المكينه ممكن الي قبلك ماقد غيير بواجي المكينه لانه يخاف ينكسر البوجي اثناء التتغيير لان هذا الموديل لازم توديه لورشه متخصصه في فك البواجي مو اي ورشه تعرف تفكه


up 0 down 2
Pro rare 398
قبل سنه و 5 شهر



الله يعينكم ويسهل امركم


up 0 down 0
بوحمد4445 77
قبل سنه و 4 شهر