أضف سؤال أو موضوع جديد          

شريطيه امريكا

up 8 down 18
al-harbi 97 -53
قبل 2 سنه و 6 شهر



السلام عليكم

هذا تحذير من بعض العرب في امريكا

طبعا تعبت وانا بالتاكسي زرفوني الملاعين واليوم رحت ابي اتمشى برجولي وشفت

 واحد قصيمي  جالس زعلان وشكله متقروش 
رحت له ودارت بيني وبينه محاوره وتعرفت عليه وافقت اني اسكن انا
وهو في نفس الشقه ونقاسم الايجار .

رحت انا وهو مطعم وجلسنا وواحد جنبنا شكله غريب واستلمنا فيه حش وضحك
وبعد ما خلص اكله جا عندنا وقال لنا ( وش فيكم تضحكون )
وبعد خرشه اليبمه تعرفنا عليه وطلع بعد سعودي من الشرقيه

رحنا انا وهم المعارض في اليوم الثاني ودورت على كامري امريكي xle v6 فل كاامل
حصلنا لكن جاني واحد مصري وقال لنا تعالو ونشينا معه
قال لنا وش تبون من سياره 
قلت له ابي كامري فل الفل xle v6 
قال. لي بص ياباش مهندس انا عندي العربيه الافضل لك
فوىد رابتر فل كامل ده وحش ، بص حضرتك ع النضافه ده وحش
عطاه القصيمي ( حمد ) نظره المصري فهم انه راعي مشاكل وقال لنا 
انا متأسف اذا ما عجبتكم السياره تعالو نشوف الكامري
بتاع صاحبكم وجابنا لكامري 2008 ماشاء الله ورده

قال لنا ده متحتقش فحص دنتا شايفها قدام عيونك
قلت اه ما علبك بأفحصها ويوم طلعتلها تقريري طلعت سالفج
يعني معدومه والتقرير ما اخذ ربع ساعه واطالع ابي اشوف المصري
اثاريه هرب

هذا تنبيه لكل من هو في امريكا لا تثق باي احد بل افحص السياره
وبإذن الله تحصل النظيف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يكفينا شرهم 


up 3 down 0
عماد بن سامي 17
قبل 2 سنه و 6 شهر



ماشاء الله رحت يا الحربي كم لك   الكورفت بعتها ولا حاطها بكراج  اي سيارات في امريكا رخيصه بس الشريطيه  الي في امريكا انتبه تقولهم اني مبتعث وابحث عن سياره خصوصن الجليات العرب  حتى بمساجد يجونك ويقلون عندنا وعندنا  ونصابين لي الاسف اذكر سالفه شخص عربي باع لشخص سياره وطلعت متعطله وغرقانه في مستنقع ولا في  بركة ماء ملوثة وكانت تبع شركه مقاولات  


up 3 down 2
سكودر 14890
قبل 2 سنه و 6 شهر



ended
امين


التركي 
لا في جده هههههههههه ههههههه

سكودر
لي قريب الشهر والكليه الامنيه تطلب جامعيين فقط وكليه الحرس دبرت لي واسطه
واحد من الجماعه لكن قال لي ادفع ١٥ الف جلطني 
الكورفيت بعتها الخمد لله 

اخبارك انت


up 2 down 6
al-harbi 97 -53
قبل 2 سنه و 6 شهر



الحين طالع امريكا وما لقيت الا تشتري من مصري ههههه


up 5 down 4
الخرج1435 62
قبل 2 سنه و 6 شهر



والله مدري هو انت في امريكا ولا تألف علينا بهالموضوع 
عموماً ياعزيزي اذا انت ناسي موديل ٢٠٠٨ مايدخل عندنا وش له تتعب نفسك وتدور وتروح تتطلع تقرير كارفكس 
وعلى فكرة لاتروح بعيد وتحذر من العرب في امريكا 
الاقربون أولى بالمعروف عندنا هنا خير وربعنا في المعارض ماهم مقصيرين 


up 1 down 8
hussain4 808
قبل 2 سنه و 6 شهر



واذا بتقولي لي بستخدمها في امريكا بقولك ان أي سيارة سالفج عندهم يعني تكلفة الاصلاح اعلى من السيارة وهذه  مستحيل يصلحونها حتى لو هي قابله للاصلاح
يعني اماانها تروح تشليح ولا تنباع في مزاد للتصدير حتى لو هي وردة مثل ماشفت 
 


up 2 down 1
hussain4 808
قبل 2 سنه و 6 شهر



25 بالمية من سيارات امريكا الي تمشي بالشوارع سالفج ومايسوقونها غير العرب والمكسيكان وتطلع لها لوح وتنفحص مثلها مثل اي سيارة لكن بنفس الوقت سعرها يحكمها


up 0 down 2
يارب توفيقك 2014 1657
قبل 2 سنه و 6 شهر



يارب توفيقك ابحث وتأكد سالفج في امريكا لا يتصلح ولا يسمحون له بالسير في شوارعهم 


up 0 down 1
hussain4 808
قبل 2 سنه و 6 شهر



اخ حسين بدل ماتحط ديس لايك اسألني وانا بعطيك العلم الواقعي وخلك من كلام المنتديات الي تسمعها وتردده بدون ماتعيشه بالفعل..

فيه سالفج ماتطلع له رخصة استخدام من نفس الدولة الي هي امريكا وفي سالفج يصدرون له رخصة بدون اي مشاكل يعني مثلا الصدمة ماكانت مكلفة او انها ماجات بالواجهة يحق للتأمين تسقيط السيارة ويسميها تالف بما انه هو المسؤول امام الدولة عن السيارة في حال تعطلها او ظهور مشاككل فيقوم يتنازل عنها وبعدها السيارة تنعرض ع الدولة هل يصدر لها رخصة سير اولا ..

طالما السيارة تصلحت ونزلت بالمعارض والمزادات عندهم هذا معناه انه صدرت رخصة سير لها اذا ماصدرت رخصة السير ذيك الساعة يجبروك تصدرها او تشلحها ..وانا كنت من الناس ايام الطفرة اشتري سالفج وامشي بها ولعلمك لها زباين مخصصين مثلها مثل السيارات المصدومة عندنا التاجر يعرف انها مصدومة وكل حجرة لها اجرة


جايبلك رابط المرور الامريكي الي يسمونه DMV يتكلم عن السيارات السالفج ويقول بين قوسين تستطيع شراء سيارة استمارتها سالفج ولكن لابد تعرف كم شي عنها قبل الشراء ومذكور كل شي بالتفصيل وان حبيت مترجم بالخدمة او اي شخص تثق فيه 

http://www.dmv.org/buy-sell/used-cars/buying-a-car-with-a-salvage-title.php



up 1 down 1
يارب توفيقك 2014 1657
قبل 2 سنه و 6 شهر



http://www.dol.wa.gov/vehicleregistration/salvaged.html

ادخل الرابط وانزل الى نص الصفحة تجيك خيارات لملاك المركبات السالفج 

Option for salvage vehicle oweners

طبعا هذا موقع حكومي والاجوبة من نفس الحكومة للمواطنين


up 2 down 0
يارب توفيقك 2014 1657
قبل 2 سنه و 6 شهر



اول شي قلت باميركا توقعت يكون السؤال how can i help you يوم قلت قال لنا وش تبون من سياره عرفت الدعوة بمعارض النسيم اترك عنك التأليف ....


up 2 down 0
benz lover -81
قبل 2 سنه و 6 شهر



يارب توفيقك اولاً انا ماحطيت لك ديس لايك لأني عارف انه لايغني ولايسمن من جوع 
الموقع الله يرضى عليك يخص السيارات سالفج تايتل وصاحبنا المبتعث الله يوفقه يقول سالفج الاسم واحد ولكن المعنى يفرق سالفج يعني منتهى امره وتكلفة الاصلاح اعلى من قيمة السيارة 
سالفج تايتل صدمه خفيفه او ضرر شي بسيط وفوق هذا يقولك انت تتحمل المخاطر ولكن لايمنع ااستخدامها 
 كلامك فوق سليم وماعليه غبار يوم تقول سالفج  مايصدر له رخصة سير ولا يتم اصلاحه وهذا اللي انا اقصده 
ولكن انت اضفت موضوع سالفج تايتل وهذه النقطة الكثير منا يجهلها 
النظام عندنا الحين مايسمح بدخول لا سالفج ولا سالفج تايتل ولكن في الامارات يمشي عندهم 
تحياتي لك 
وهذا احلى لايك لعيونك 





up 0 down 2
hussain4 808
قبل 2 سنه و 6 شهر



انا اللي فهمته من سالفتك انه تبي تورينا انك في امريكا ههههههه

طيب الكل الحين سواء في امريكا ولا بوركينا فاسو 
لا جاء يشتري مستخدم بيفحص اكيد اصبحت ثقافة


up 2 down 3
rraammooss 959
قبل 2 سنه و 6 شهر



الحين رايح لامريكا عشان تدور السيكل الكامري !!

يالله تعافينا ولاتبلانا ...انا قلت بس يدور له شي فخم وغالي الكامري امليه السكاريب والسوق حتى الهنود معهم


up 0 down 0
ابوالجووود -18
قبل 2 سنه و 6 شهر