أضف سؤال أو موضوع جديد          

الفرق بين موتر كرافت الاصلي والتجاري

up 1 down 2
البشتخته 84
قبل 6 سنه و 6 شهر



السلام عليكم

انا مقدم على تجديد عضلات السيارة بالكامل 

لفورد كراون فكتوريا ٢٠٠٢ ونصحني شخص 

قاللي في قطع موتر كرافت اصلي وتجاري نفس 

الشكل ونفس الكرتون بصراحة بطلت اصلح السيارة

حتى اطرح موضوع في المنتدى

السؤال / كيف اعرف الاصلي من التجاري وكيف افرق بينهم

في الكرتون والشكل ومن افضل موزع ثقة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مايجي موتور كرافت او اي سي ديلكو تجاري
يجي اصلي اما الي يقول عنه تجاري فهذا مقلد شبيه بالاصلي ذو جودة سيءة واغلبه بكون صيني على انه تجاري وبعضهم يبيعه على انه اصلي.
التجاري عتدة يكون اسم المنتج باسم اخر وليس باسم الاصلي اما اذا بحمل نفس مواصفات الاصلي وليس اصلي فهو مقلد وابعد عنه.


up 1 down 2
iadnuyh 842
قبل 6 سنه و 6 شهر



انا سالت محل قطع غيار قاللي موتر كرافت يجي درجة اولى 

ويجي درجة ثانية 


up 0 down 0
البشتخته 84
قبل 6 سنه و 6 شهر



نعم صحيح يوجد قطع مقلدة من موتوركرافت
اشتريت طقم مساعدات موتوركرافت من محلات قطع الغيار  وماركبتها الا بعد 3 اشهر بحكم انشغالي بالعمل
اول ماركبتها ارتفغت السيارة من الامام بشكل ملفت وصارت سيارتي قاسية جدا والرساوة في اللفات شبه معدومة 
وفي الليل لاحظت تقطير زيت اسفل السيارة 
شيكت عليها في اقرب حفرة ، ولقيت التقطير من احد المساعدات الأمامية والمساعد الثاني فيه تندية

رحت الوكالة وشريت مساعد جديد بدل المفقوع اللي عندي وركبته عندهم
رجعت سيارتي طبيعية بعدها وراحت القساوة
والغريب ان المساعد المفقوع نفس اللي ركبته من الوكالة ماعدا بعض التموجات الموجودة بالبلاستيك اللي يغطي جوانب المساعد 


up 0 down 0
فورد530 1323
قبل 6 سنه و 6 شهر



^بلاك ماتدري عن شي 
ماشفت اللي مسكوهم وزارة التجارة بالرياض 
يجيبون لك قطع صيني مقلدة لجميع السيارت 
امريكي وياباني وغيره 
تجي القطع بدون اسم شركات او استكرات 
وش يسوون يجيبون لك نفس الكراتين وعندهم طالعات 
واجهزة تزور لك اسم ايسديلكو وتويوتا وموتركرافت 
على نفس الكرتون والقطعة تشوفها ماتفرق بينها وبين الاصلي
نسخ لصق من الاصلي والله انصدمت من اللي شفته 
يعني ماتقول فيه اختلاف باللون او اختلاف بحرف ولا رقم 
نسخة الاصلي بالظبط واحتمال المحلات تشتريها على اساس انها اصلي 
وينغشون فيها بعد .. 


up 4 down 0
w.asa 2028
قبل 6 سنه و 6 شهر



نصيحة أخ لأخوه .. خذ قطعك من موزع معروف .. و بالاول افحص سيارتك عند مكان معروف و أحرص تكون العماله فلبينيه او هنود ابرك لك و احسن .. و غير القطع التالفه فقط ولا ترووح تقوول بغير كل شيء تحت الموتر .. اللي تالف او على وشك آنتهاء غيره و الباقي اتركه .. و سلامتكك


up 1 down 0
تصآميم 196
قبل 6 سنه و 6 شهر



هونت شكلي باخذ القطع من الوكالة وارتاح


up 0 down 0
البشتخته 84
قبل 6 سنه و 6 شهر



دامني بغير الاذرعة بغير معها جلد المقصات والجوزات 

والركب بالمرة لاني مستخدم ومشاويري كثيرة


up 1 down 0
البشتخته 84
قبل 6 سنه و 6 شهر



بالنسبة للأصلي Ford Genuine جميع قطع فورد يجي عليها بصمة بعلامة فورد
الموتوركرفت انت وحظك
من كثر القطع المغشوشه في السوق والله اني صرت اوسوس
حتى زيوت موتركرفت تشوفني اشتريه من محل قطع وافتحه عنده واشيك طريقة تثبيت الغطا الداخلي
حسبي الله ونعم الوكيل بكل من يتاجر بالسلع المغشوشه وهو عارف
شي يقهر

عموما اخوي ياليت تطرحلنا قائمة بأسعار القطع اللي بتشتريتها
وتبين ان كانت اصلي ولا تجاري

بالتوفيق


up 0 down 0
Abu-Saad-212 387
قبل 6 سنه و 6 شهر



ابشر بإذن الله 


up 0 down 0
البشتخته 84
قبل 6 سنه و 6 شهر