أضف سؤال أو موضوع جديد          

رأيك الشخصي في تورس 2012

up 8 down 1
ex505 23
قبل 7 سنه و شهر



السلام عليكم ورحمة الله وبركاتة 
بحكم اني سيئ في المقدمات بدخل في الموضوع مباشره 
انا حاب اشتري سيارة  تورس ٢٠١٢  لكن ما اعرف مزايا السياره وعيوبها 
اتمنى من كان له تجربه معها ينقلها لي واكون لك من الشاكرين .
وانا شفت فل كامل ( فتحه ) لكن بدون شاشة  
وين احصلها  وخاصه ان توكيلات الجزيرة ما عنده  النوع هذا وبرضو بالبيد ماعنده 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اهنيك على الاختيار السيارة
فيها ثبات وعزل خيالي وما شفت أحد 
يشتكي منها
ولو تاخذها دفع رباعي الله الله


up 5 down 2
d-mexem 1282
قبل 7 سنه و شهر



الف شكر لك على ردك وبصراحه عطاني دفعه اكثر واتمنى من مستخدمين تورس يثروني بمعلوماتهم 


up 1 down 0
ex505 23
قبل 7 سنه و شهر



جـربتها ‘ لكن جربت الشو ، مو العـاديهـ ، 

ومدري اذا فيها فرق بـ"المواصفات " عن غيرهآ او لآ ، < جربتها حدود سآعتين كذآ ,,‘ صرآحهـ خطيـ^_^ـرهـ 


up 3 down 0
فهد}~ 1262
قبل 7 سنه و شهر



السياره جباره لا ابعد حدود النص فل مكينه 3.5 جنوط 17 وفيها مواصفات خياليه ب107 سعرها تقريبا مقارنه باي سياره ثانيه خذها ولاتشارو ماتشوف الكامري 4 سلندر وتجميع استرالي ب105 وتخب عليها بعد


ماشاء الله كلكم مدحتو السياره لكن ماتكلمتو عن الفتحه
 والمشكله اني شايف سياره بقراطيس الوكاله كأنها فل كامل لكن بدون شاشة


up 0 down 1
ex505 23
قبل 7 سنه و شهر



أختيار موفق
,, انصحك بها



up 1 down 0
Golden 899
قبل 7 سنه و شهر



السلام عليكم " اخوي الفئه الي تتكلم عنها بالفعل موجودة في شركة الجزيرة الي هيا فل بس بدون شاشة مع بعض المزايا الاخرى تجي مقاعد جلد فتحة بس بدون شاشة وهيا فئه محدوده جدا على حسب كلام الموظف والله اعلم


up 1 down 0
فاعل خير-- 33
قبل 7 سنه و شهر



وبالنسبه لاختيارك فورد تورس اهنئك على ده الاختيار صح هيا سيارة جدا منظرها جميل وراقي وفخم لابعد الحدود ويشملها مميزات كتيرة والامريكي سعره فيه غير كده معروف الفورد يستحمل وتوكيلات الجزيرة سمعتها حلوة على حد ما سمعت والله الموفق


up 2 down 0
فاعل خير-- 33
قبل 7 سنه و شهر



سيارة روعة بمعنى الكلمة


up 0 down 0
المحترف 2012 2126
قبل 7 سنه و شهر



الف شكر لكم على ردودكم 


up 1 down 0
ex505 23
قبل 7 سنه و شهر



الله يسلمك ابو فتحة تحصلها في وكالة الطاير في الامارات افضل مواصفات على مستوى الخليج واسعاره افضل من التوكيلات بافضل المواصفات انصحك تشتريها من دبي وتشحنها كلها تكلفك 2500ريال مقاصة


up 2 down 0
sultan6166 28
قبل 7 سنه



وانا مثلك معي اوريون 2011 ودي في تورس بس خايف من حررتها


up 1 down 0
ريان بن محمد 1
قبل 6 سنه و 8 شهر



اذا بتستحمل قطع غيارها اشترها ..
انا معي 2010 وكالة والى اليوم معي ولكن يبيلك تاخذها نظيفة اولا ً وممشاها من 100 الف واقل ..
ثانيا ً لا تاخذ دفع رباعي نهائيا ً وخذ دفع امامي .
ثالثا ً : يبيلك تحافظ على زيوتها للمكينة في بترومين 10w30 مع الفلتر كل 5 الاف خمس علب ونص .. ولا يلعبون عليك الوكالة ويقولون كل 8 الاف ولا بتطق عليك المكينه
وزيت القير كل 30 الف غيره ولا بيطق عليك لأنه بدون فلتر .. 
وزيت الدفرنس كل 60 الف غيره ولا بيطق عليك .. واذا بتاخذ دفع رباعي = تغيير زيت الدبل + الدفرنس الخلفي كل 60 الف ولا بيطق عليك الدبل 
قطع الغيار غاليه في الوكالة :
الشمعة الامامية الوحدة ب 2600 ريال بعد الخصم 30% 
والشبك بـ 2000 ريال
والصدام كامل بـ 4000 ريال
الدبل في الدفع الرباعي اذا خرب عليك بـ 3500 ريال بعد خصم 30% 
العكوس بـ 1200 
والفحمات بـ 600 خلفي وامامي
والبطارية 350 من اي محل بطاريات وبالوكالة حول 600 
كراسي مكينه حول 2500 ريال
جلد مقصات حول 600 ريال
شف عموما ً اذا بتاخذها وبتحافظ على صيانتها الدورية = صيانة خاصة فيك دفتر وقلم وتكتبها اولا بأول وتصلحها كل خراب بوقته
تسوي فحص بالعضيب ب 50 ريال وبعدها اي ورشة مزبوطه وتصلح خراباتها ولا بتتراكم عليك وبعدها الله يعينك
لكن الخوف من الحادث ان كان قوي الله يعينك مالك غير تبيعها تشليح لأن القطع غاليه في الوكالة والتشليح نصه نصابين وفرق بسيط عن الوكالة .
ومن ناحيتي انصحك بالياباني لكزس ولا اكورد هوندا ولا تويوتا افالون شيء قوي وعملي وما يطلب مع الوقت .. هذا اذا تبي الموتر معك اكثر من 5 سنوات وفوق 
الله يوفقك .. هذي بعض النصايح من تجربة للموتر .. وقريب بأبيعه لأنه استنزف جيبي .. بسبب اهمالي له على بالي انه ما يطلب مثل الياباني .. 


up 0 down 0
.. عبدالإله .. 418
قبل 3 سنه و 5 شهر



اذا بتحسب على كل سياره بالحوادث ماراح تشتري السياره ماجربتها الردود جميلة


up 0 down 0
abu khalid00 26
قبل 2 سنه و 5 شهر