رأيكم يا أهل التورس

اذا بتشتريها اشترها نظيفها وممشاها اقل من 100 الف 

والمهم هو المحافظة عليها وعلى صيانتها الدورية ومميزاتها كثيرة وقطع غيارها الاستهلاكية معقولة ولكن قطع البدي غاليه في الوكالة والآن نزل في السوق قطع غيار بدي نوع (تايواني تجاري) ماتفرقه عن الوكالة بشيء وسعره اقل بكثير من سعر الوكالة 

وهذي بعض مميزاتها :
1. عزل صوت بالشبابيك قزاز مدبل .
2. فيها 6 ارباقات : ارباق الدركسون ارباق الراكب ارباق البيبان يمين ويسار ارباق المراتب الامامية ثنين .
3. فيها عزم جيد وراسية على الخطوط واللفات يمين ويسار ما تتحرك من مكانها وانت ماشي بسبب ثقل وزنها .. بعكس الياباني اللي يروح معك لو لفيت على دعسه .
4. مراتبها مريحة جدا ً وما تحس بالتعب فيها .
5. قطعها الاستهلاكية تعتبر متوسطة السعر لا هي غالية ولا رخيصة ومناسبة للجميع .
6. شكلها جيد من الخارج وتواجه .. تتقارن بحجم الامبالا واللكزس ال اس والمرسيدس بانوراما "كحجم" .
7. تقدر تطعس بها في البر لو بغيت .. خصوصا للدفع الرباعي كنت ارقى بها طعوس مثل الجيوب وتروح لحد فوق بدون تغريز .. الا في حالات المطبات في الطعوس تعلق فقط ولا تمشي مثل الجيوب بسبب الدبل اللي فيها .
8. الفل كامل يقارن باللكزس في مواصفاته : بانوراما داخلية وشاشة ملاحة ومراتب جلد مكيفة ورادار امامي وحساسات وفتحة وغيرها ..
9. اقتصادية بالبنزين يعني تعبي فل 35 ريال ايام اول واللحين تعبي فل 41 ريال "بنزين 91" .
10. محركها 6 سلندر 3.5 بقوة حوالي 277 حصان .
11. بيبانها عريضة وقوية وثقيلة .. وتحمي بعد الله بالحوادث لا سمح الله . 


وسعر قطع غيارها الاستهلاكية من الوكالة اصليه بعد خصم 25 % من الوكالة :

كراسي القير : 370 ريال او اكثر شوي
كرسي المكينة : 750 ريال يجي حبتين الاول بـ 750 والثاني بـ 400 او اكثر شوي
المساعدات الامامي الواحد : حول 350 ريال
المساعدات الخلفي الواحد : حول 250 ريال
كرسي مساعد أمامي : 170 ريال للواحد 
الفحمات امامي وخلفي : من 200 الى 250 ريال
جلد مقصات : من 600 الى 650 ريال للواحد 
ذراع دركسون داخلي : 100 ريال للواحد 
مسمار توازن امامي : 100 ريال للواحد
مسمار توازن خلفي : 75 ريال للواحد
فلتر هواء : 70 ريال 
فلتر مكيف حول 160 ريال 
فلتر الزيت اصلي وكالة : 25 ريال 
كرتون زيت موتوكرافت 5w30 كرتون بـ 150 ريال 

واسعار الوكالة لبعض القطع :

المراوح : 900 ريال
الاديتر يجي ثنين : 1200 ريال 
الدينمو : 1300 ريال جديد اصلي وفي التشليح بـ 400 ريال
شداد سير المكينة : 180 ريال
سير المكينة : 100 ريال
قربة علبة مساحات الماء : 350 ريال


هو موتر قوي وعملي ولكن مثل ما قلت لك يبيلك تحافظ عليه وتشييك عليه كل 4 شهور في اي مركز صيانة ممتاز وبيعيش معك 

وفيه ملاحظات على السيارة كاتب لها موضوع اذا تبي تشوفها ادخل على اسمي .

التورس عملية وقوية جدا وانا مستخدمها