أضف سؤال أو موضوع جديد          

طريقة اصلاح كمبيوتر انوار الماركيز..وحساس مروحه المكيف..

up 15 down 3
abdullah.ags 395
قبل 5 سنه و 4 شهر



السلام عليكم ورحمة الله وبركاته 

تجربه بسيطه وحبيت اشارك اخواني فيها بالمنتدى لعلهم يستفيدوا منها 

عندي ماركيز 2003 ومثلكم عارف كمبيوتر النور بالفورد من 2003 الى 2011 كثير المشاكل 

ولاحظت من فتره ان الانوار الخلفيه ماتشتغل مع السكن لازم اطق الجهاز بيدي 

وتشتغل وانا مشاويري كثيره بالليل فقلت بنفسي ليه ماافك الجهاز وادور على كتاوت

نفس الي راكبه وامشي بالسياره وانا مرتاح لايطفي على النور بشكل مفاجئ او شي..

مالكم بالطويل فكيت الجهاز ورحت لمحلات بيع قطع الالكترونيات بالخبر السويكت

الي يبيعون فيها المقاومات والشغلات الالكترونيه وادوات اللحام الخ وكل مايخطر على بالك

ولقيت عندهم نوع واحد والحبه ب 15 ريال وشريت اربع وعلى اقرب محل اصلاح

تلفزيونات وركبها لي ب 50 ولو ان السعر عالي بس مالقيت غيره والجو حار وتهجولت قبلها

ادور على القطعه ... المهم تم التركيب والتجربه والامور تمام الحمد لله وبكذا الواحد يرتاح 

من الوسوسه لا تطفي عليه الانوار وهو بطريق سفر لاسمح الله 

صحيح ان الفورد الكلاسيكي تقريبا انقرض لكن محبينه موجودين ولو يستفيد شخص او اثنين

من الموضوع نكسب من وراهم دعوه طيبه ..لان سعر الجهاز غالي جديد وبالتشليح غير مضمون

وغالي ايضا .. الصور بعد التغيير وواضح فيها القديمه على يمين الصوره وواحد

منهم كان مرهم بسلك خارجي.

 ------------------------

الموضوع الثاني هو عن قطعه الي تتحكم في مروحه المكيف ويسموها غالبا الثرموستات

وهي تتعطل في الفورد بشكل ملحوظ .. هذي لقيتها بمنتديات اجنبيه يصلحونها 

ببساطه ومشكلتها ان احد نقاط اللحام الداخليه ترخي او تنكسر ويلحمونها وتضبط معاهم

وجبت صوره من قوقل على السريع ...يعني الي يواجه هالمشكله اقرب محل اصلاح

تلفزيونات يشيك على نقاط اللحام كامله وهي قليله وتضبط ان شا ءالله ..

وناوي اسويها باذن الله في الوقت القريب... وللمعلوميه ياشباب هالقطعه غالبا

مشاكلها بسيطه اما نقاط لحام تنكسر او مقاومه تحتاج تغيير وسبق اني غيرت مقاومه

باكورد 2004 بريالات وضبطت معي الى ان بعت السياره بعد ثلاث سنين استعمال

وامورها ماشيه .. عذرا على الاطاله والسلام عليكم.











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ماشاء الله تبارك الله 

جزاك الله خير على التوضيح. وان شاء الله الكل 

يستفيد. وهذي هي الفايده الي ندور 

نستفيد من خبرات بعض. 

+1 وتستاهل كل خير 


up 0 down 0
سبحان الرازق سبحانه 2513
قبل 5 سنه و 4 شهر



يعطيك العافية موضوع راع ومفيد

بس تعليق على جهاز الانوار 
كان عندي فورد وهبل في النور كل شوي يطفي ورحت كهربائي وفكه وعدل وبدل واتوقع ركب كتاوت جديد
بعد فتره طويله رجعت مشكلة طفيت النور وقرأت ببعض المنتديات وحصلت الحل 

علبة الفيوزات اللي تحت الدركسون فيه فيوزين كباااار لونهم اسود طلعت اول واحد  وحصلت فيه احتراق بدلته باللي جنبه
وظبط وابحثت عن هالفيوز ماحصلت وركبت نفس رقمه لكن شكل مختلف وظبط النور ولاعاد يطفي 


up 0 down 0
المنطق يقول 728
قبل 5 سنه و 4 شهر



عطنا رقمك لاهنت عندي المكيف فيه مشكله وين موقع الكمبيوتر


up 0 down 0
wele22
قبل 4 أسبوع