تكتيمة في الفورد طفشتني

قد يكون احد الكويلات شيك عليها والله اعلم

غير الفلتر _ البواجي _ نظف البخاخ اذا بخاخ او

احتمال من الصفاية بها رواسب دام انك فحصت وماطلع لك شي

نظف الحساسات حقت الثروتل والاير ماس وشيك على البواجي والكويلات وصفايه البنزين وفلتر الهواء 

هذي اغلب مشاكل ضعف العزم 


والحساسات لها طريقه تنضيف معينه لا تروح للورش ويبخ لك اسي ديلكو السياره شغاله ويقلك خلاص ويعدم لك الموتر 

هذي اشتغل عليها انت او شف احد فاهم مع انها سهله 

افصل اصبع البطاريه السالب بسس

ثم فك الحساس حق الاكسجين الي بالثروتل ونضفه ب بخاخ الكترونيات قيمته 15 الى 20 ريال ونفس الشي لحساس الايرماس الي يكون موجود بعد القربه حقت الفلتر على طول ولا تلمسها  بشي بس بخ البخاخ وخلك كريم شوي بالبخ وخله ينشف  10 دقايق او 20 دقيقه وركبه 

وباقي الامور كان فيك شده تغيرها تراها سهله 

اذا دبات التلوث ما زالت راكبه على السيارة فكها وبإذن الله تروح التكتيمة

االله يجزاك خير اهم شي الموديل !! ترا فرق كبير بين الموديلات .. عالعموم من كلامك اشك انه حساس الهواء اللي هو الايرماس..يحتاج تنظيف ببخاخ الكترونيات ..وهل تطفي عليك في المشاوير الكثيره و الزحمه؟

الله يعطيكم العافية ياشباب 
هذي كلها سويتها 
غيرت صفاية بنزين 
فلتر الهواء 
البواجي 
نظفت حساس الماف الي بعد القربه 
نظفت بوابة الهوا 
شليت دبات التلوث 

انا اشك انها طرمبة البنزين 

اخوي خذ العلم مني صارت معي في الفورد وبهذلتني غيرت فلتر البنزين والبوادي ونظفت دعسة البنزين وفلتر القير وماخليت شيء 
وفي الاخير طلعت المشكلة من البخاخات سويت لها تنظيف وانتهت المشكلة 

رح لورشة كويسة وخلهم يسوون لك تنظيف بخاخات وان شاءالله تنتهي المشكلة وبلغنا

جميع كلام الشباب منطقي 

لكن خذوها قاعده 
التفتفه من الكهرب 

التكتيم من البنزين او حساسات 

ودامك فحصت كمبيوتر ولا بين معك بتدوخ من كثرة الآراء وهي اغلبها منطقيه وتكون من ضمن الاسباب المحتمله 

لكن انت ابدا بالسهل مالك الا تطقطق بنفسك حبه حبه او تنطلها عند خبير فورد ويضمن لك انك تستلمها سليمه 

وفي العاده الحساسات ماتخرب بسهوله اعمارها الافتراضيه طويله 

ودبات التلوث ماتسبب ذيك الكتمه القويه 

والبخاخات ماتتسدد الا اذا انك مهمل بمره في تغيير الصفايه وتعبي بنزين والسياره شغاله واذا عندك صرفيه قويه احتمال كبير تكون من البخاخات متوصخه 

وانا عن نفسي صارتلي كتمه بس في سياره غير كرهتني نفسي لكن بحمد الله زانت وصبرت عليها ومب شرط ابدا تكون هي مشكلتك 
مشكلتي كانت كتمه في شروكي غيرت اشياء كثير لين كرهت السياره بس قررت اصبر وكانت السياره تكتم الين  3 rpm وبعدها تفك الكتمه وبعد تعب وتغييرات لقيت المشكله وكنت شي ماتوقعه ولا 1 بالميه 

الي هو حساس الحراره 
فيه حساسين حراره واحد حق قراية العداد وواحد ثاني يعطي الكمبيوتر درجة الحرارة 

واكتشفتها اني فصلت الحساس ومشيت على السياره مافيه احسن منها رجعت شبكته رجعت تكتم انت افحصه بالطريقه هذي واذا راحت الكتمه هو السبب ولا تخليه مفصول كثير لان مراوح الكهرب شغاله عليه اذا هو مفصول المراوح ماتشتغل وبترتفع عندك الحرارة 

وان شاء الله اكون افدتك 

الله يعطيكم العافية ياشباب بشوف لحساس الحرارة و البخاخات 

تأكد من طرمبه  البنزين

رح افحصها كمبيوتر وخله يطلعلك ال STFT و LTFT أو ال 
Short term fuel trim و Long term fuel trim
كل وجه بالمكينه له رقم , اليسار 1 (جهة الراكب) واليمين 2 (جهة السواق) ، يعني كذا
STFT1
LTFT1
STFT2
LTFT2

اذا امداك افحص واكتبلي النسب هنا وان شاءالله يبين اذا المشكله بخاخ او طرمبه او اي شي ثاني

طيب مثلا لو كان المشكلة من البخااخ ورحت فحصت السلندرات والسياره مافيها تكتيمة بتبين 
التكتيمة مزاجية مره تجي ومره ماتجي