خلاصه القول في البيع والشراء..
33
2
إضغط هنا للإخفاء
السلام عليكم
بعد ملاحظه عدة سنوات للموقع والبيع والشراء اليكم هالملاحظات على شكل نصائح
اولا: لاتعتمد على اسعار الموقع ابد
انزل بنفسك للمعارض راح تلقى اسعار اقل بكثير
ثانيا: لاتسافر علشان سياره..لاتسافر..لاتسافر
اذا تعرف احد ارسله يشوفها ولا سافر ورح للمعارض لانه فيه ناس الصدق عندهم بعد المشرق عن المغرب
الي اذا سافرت سحب عليك ولا يرد
والي يرسل صور للسياره قبل كم سنه وتجي تتفاجأ انها غير عن الصور
والي تتصل فيه يماطل الين تغيب الشمس ويجيك علشان ماتبين العيوب
يعني لاتسافر علشان سياره وحده..اذا سافرت رح المعارض
ثالثا: لاتصدق بعض الاشخاص الي يكتب المكيف شغال بس يبيله رمان بخمسين ريال
الفتحه شغاله بس تبي جسر بعشره ريال
هذولا لاتصدقهم لانه لو المكيف يكلف خمسين كان صلحه علشان يرتفع قيمه السياره
رابعا: عزيزي البائع ترا السوق مليان سيارات فلا تتعامل مع الناس بفوقيه وكنه جاي يشحذ منك
تراه بيعطيك دم قلبه من حقه يفحص ويدخل من الشكمان ويطلع من الاديتر
لانه الماديه طغت ع البشر وصارو مايفكرون بحلال وحرام
خامسآ: احذر بعض الجنسيات ولو حلف تحت باب الكعبه لاتصدقه..
سادسا: اذا السياره عجبتك لاتتنح علشان الف او خمسميه وكذالك البائع اذا شفت السعر مناسب بع ترا 500 ماتعبي ثلاجتك مقاضي
سابعا: للي يبي يبيع السياره..البيع زرقه رمح فلا تضيع زبون جاد علشان الطمع لانه شفنا كثير جابت سياراتهم سعر طيب وطمع واخر شي باعها بخساره فادحه
ثامنآ: تذكر ان الارواح جنود مجنده والبشر تنفر من الشخص الي اسلوبه قبيح خل سلوكك واسلوبك بالبيع سمح يرزقك الله
وفقنا الله واياكم لما فيه خير
إبلاغ
الردود
ان
2
0
جعلها في ميزان حسناتك
1
0
0
0
حاول تشتري اقل العيوب
اغلب اللي شفتها في الموقع مشي حالك
واذا نظيفة يعطيك سعر نفس سعر الجديد.
والله اني شايف واحد عارض سيارته موديل له 4 سنوات يبغى يبيعها بنفس الجديد ولا حد حوله
من الملاحظات ايضا : بعضهم يقول سيارة الوالد
يعني سيارة الوالد عندها حصانة من الخرابات والعيوب
ايضا ارجو الابتعاد عن السيارات الرياضية تحصلها معدلة وملعوب في كهربتها وفي عضلاتها
وابعد عن سيارات الدرباويين مايحتاج اوضح معروفة سياراتهم
4
0
2
0
وكثير ناس تسوم بس بالصور والنظره الوقع السيارة مختلفه ؟ ويمكن يطلع لون السيارة مختلف
0
2
0
1
تواعدنا تقابلنا شفت الموتر عجبني ويقول من شراه مو مغير شي وهاذا خطأ يعني بغالوا تغيير الكثير ** المهم اختلفنا على اف ريال وكنت صامل
وللحين يعرضه على الموقع وماحصل زبون ** و يستشهد بكلامي على الموقع ويقول جاني صامل بالمبلغ اللي دفعتوا انا له *** يعني تلاقيه ندمان الحين وانا لست ندمان والحمد لله
رزقني الله بسيارة حديثة صينية فل كامل اقل بعشر الاف من سعر الجيب التعبان المستخدم ***
0
2
من اجمل المواضيع تسلم اخوي اغسطس
0
0
ولما وصلت دقيت عل شبيه الرجال جاني بموتر انا قعدت منصدم ربع ساعه من الصدمه الي بالصور موتر وكاله والي بالحقيقه موتر زباله
فعلا لا تسافر عشان موتر لان ماعاد فيه ناس تخاف الله الا ماندررررر
1
0
0
0
مره رحت انا وولد عمي من المدينه للرياض لان ولد عمي يبي كابرس
على كلام راعيها شد بلد فقط رش رفرفين
على الحقيقه كلام ثاني وهذي هي عيوبها
1- السياره مرشوشه بالكامل
2- المكينه تهرب ونسبتها ٨٣℅
3- القير يبيله كلتش
4- المكينه طلعت معدله وعليها كام وفل هوائيات والقطع ماهي اصليه
5- موبه الرديتر يبيلها تغيير
6- الحراره مرتفعه
7- الكبوت ما ينقفل
لكن عادي خلينا السفره للفله وجلينا اسبوعين تونسنا فيهغ وخذينا له سياره
نظيفه بكل معنى الكلمه
قبل 8 سنه و 6 شهر