هل يخرب موتر

هذي سيارة عائلية الله يهديك ولها 16 سنة هل انت ضامن المحركات عشان تدعس على الاخر وفلتر رياضي ومدري ايش ماهي مصممة لطلبك ياخوي 

هههههههههه وطيب سياره عائليه اهم شي اوسع صدري

الدعس على البنزين بشكل كامل يولد ضغط على المكينه وايضا على الجير.
 وايضا يتسبب في زياده استهلاك الوقود وكون سيارتك مر عليها 16 سنه فالافضل لك ان تقودها بشكل سلس وتزيد التسارع بشكل تدريجي حفاظا على السياره من الخراب.

اما الفلتر الرياضي فيعطي السياره 5 حصان فقط.

(فلتر رياضي مع انتيك) يعطي السياره 12 حصان فقط

ولن تشعر بالفرق لان قوة الاحصنه قليله جدا ونصيحه لو سيارتك قديمه لاتزود عليها.





تقبلوا تحياتي/ الثامنه مع داوود

كثر الدعس يجهد المكينة والقير وايضا الدفرنس بحكم انها دفع خلفي وممكن يوم يفرط معك


وزود على كذا يخرب الكمبريسر لأنه يجي ظغط على المكينة


والسيارة قديمة وماتتحمل ، حتى الجديد كثر الدعس يأثر فيه


الشور كانك طايع الشور انت ماجاء معك موديل 2000 الا انك ميسور الحال لا تجيب الوجع لعمرك ، والخساير


الدنيا الحين تكلف اللي اول تصرفه في اسبوعين صار في خمس ايام كل شي غلا


تقدر توسع صدرك باشياء ثانية غير التدعيس والخربطة ، وفوق على انه يضر الموتر لا امسكت وحجزوك عندهم بلشتا بعمرك وتعطلت في جامعتك ولا دوامك وغير نظرت اهلك واقاربك لك


فيه وسائل كثيرة للترفيه اختار منها


بالتوفيق

اخوي داوود الفلتر بدون انتيك مع برمجة يعطيك 10 حصان  طبعا افضل نوع هو كي ان او فرارام

لاتعليق التركي قصف الجبها 

لا ما يضر انت ادعس بنزين الين يجمر الشكمان وتسمع صوت خربشة في المكينه كذا تضبط المكينه وفي نفس الوقت توسع صدرك 

شوف الدعسه الفجأه ترا مره تعدم المكينه والقير خل القير يعشق براحته الطبلون جايبه جايبه لا تستعجل عليه عشان لا تكع 
مبلغ وقدره بالمكينه والقير والسرعه ماهي زينه يخوك

اقسم بالله ضحكت لين فطست
يابويا معاك سيارة عائلية قلبت امها تبغاها رياضية

ذكرتني بواحد مصري معاه بيجو 82 بوكس
سوالها شطرطونات وكماليات قال بيخليها رياضية
يا إنه خلاها عورة تمشي في الشارع
قسم تضحك وتفطس من شكلها
لا انه يمشي بسلام
وفوق البيعه يركب اهله

عاهه تمشي في شوارعنا
لاتصير زيه قال كنداسة وانتيك

يعطيكم العافيه