رأيكم بشغل الكدادة خارج المدن

الامكان * الاماكن

اهم شي سيارتك تكسي عشان تحمي نفسك 

كنت اكد ايام السوبارو زمان وفنطقة تفتيش طلع احد الركاب عليه بلاغ ومطلوب وسيارتي خصوصي وبعد الجنان والهبال بالقوه طلعت من الموضوع لاني ناقل شخص مطلوب امنيا وسيارتي خصوصي بغوا يدبسوني معاه 

خذلك سيارة اجرة وكد عليها وربي يكرمك لكن تشتغل بالخصوصي مافي الا غرامات وحجز للمركبة ,,
في مكة مشددين لأبعد درجة امس في العصر تم تحميل 13 سيارة من موقف مكة جدة ( سوق الحجاز ) على سطحات لحجز المرور

راح اوقف عند النقل الجماعي فيه حسب مافهمت مافي أي مشكله ؟

اذا كان هناك مشاكل للمركبات داخل مكه الحمدلله مو مقيد بمكان معين اقدر اكد الرياض الشرقيه او العكس اهم شي هل المشروع مجدي ماديا بارك الله فيكم وشاكر لكل من ادلى بدلوه

اذا قصدك مشاوير هذي صعبه 

اذا قصدك كداد تمسك خطوط 

فهذي اتوقع عادي 

الرياض مواقف البطحه شفها كل يوم فل كدادين 

محد منعهم ومحد قال لهم شي 

كل منطقه تحصل فيها مواقف كداده 

كلهم يترزقون الله 

من الرياض لطايف الراكب ب200

او150 

ونفسها من الطايف لرياض 

واحسب حسابك 

مثلاً اخذت 4اشخاص من 200ريال

احسبها 

والله يرزقك من عالي سماه يارب 

تبي رايي انقل مشاوير داخل ديرتك وضواحيها فيها مكسب

ناس اعرفهم مشوار 40 كيلو ب 160
اريح لك ضرب الخطوط والمخاطر 

انت خلك نقل بتاع كلو مشاوير خاصه للحريم وما الى ذلك 

تعال شوف عندنا في كيلو 10  والله تخليك تحس بقيمتك ههههههه    والله يقفلوا الشارع من الزحمه 

والله ياخوك احسب حساب الكفرات كل ٩ اشهر تغيرها اذا تمسك خطوط دايم وغير العج والهوا يعدم السيارة وزيوت السيارة يبي لك تحافظ عليها زين زين

والاهم ساااااهر فلاش واحد يطلع مشوارك بلاااااش ... وانت بتمسك خطوط ماتعرف ساهر فيها ...

احذر اخي الكريم من جرائم الخطف خصوصا انك لوحدك ومعك مجموعة غرباء والحامي الله سبحانه

اهتم بالسيارة. من ناحية الزيوت 

خذ سيارة مريحه في الخط 

بتتعب اول يوم وثاني. وثالث.   

بعدها ماتقدر تقعد. لازم تمسك خط 

حاول تسلي نفسك بالطريق. 

انا اشبك الجوال على مسجل السيارة بلوتوث 
واشغل اللي ابغاه من اليوتيوب. واستمتع 
ماتحس بالطريق 

بالنسبة لساهر بتعرف اماكنها وحدودها 

بعدها مافيه. الا احيان.  امن الطرق والرادار 
بس لاتسرع كثير ١٢٠. حلوة

يارجل عندك سيارة وتسأل؟ حبيبي روح اول شيء مكة جدة جرب كم يوم ماجاز لك حمل ركاب وعلى المدينة وارتاح لك كم يوم ووحمل ركاب وعلى الرياض وجرب الرياض الشرقية أو القصيم راح تلقى مكان ترتاح فيه وغيرك يذمه لانك نزلت بنفسك وعرفت كل شيء وعرفت الشغل بالتوفيق بس انت اسعى

اشكركم جميعا والله يبيض وجيهكم ويرزقكم اخوي نبيل وانت ليش زعلان :) انا طال عمرك بتنور منك ومن الموجودين وماخاب من استشار

أسأل الله لك السلامه 
والرزق الحلال

والله ياغالي فيها خير بس انتبه على نفسك زي هرجة تنقل مطلوب ولا شي ترا خطيره لكن من ناحية شغاله والله تمام والوالد معمر البيت من الشغاله  هذي الله يحفظه وحاول قد ماقدر في رمضان تجلس بين مكه والمدينة فيها خير أكثر من ما تتصور و خط المدينه مكه مريح مافيه تعب والله يوفقك أن شاءلله 

مادامك سعودي اتوكل على الله بس اهم نقطة زي ما قالوا الشباب انتبه من الركاب ليكون مطلوب او ما معاه هوية فيها خير ورزق والرازق رب العالمين

 والله ياخوي كنت اتناقش مع كداد وكان ناقلني من جدة الى المدينة .. يقولي الشغلة متعبه والله ..ويقولي اذ بتكد تقريبا 20 يوم ممكن تطلع لايقل عن 6000 ريال
بين جدة والمدينة ..بس المشكلة والله المخالفات المرورية .. والله احسن شي لما اتكون ماشي نظامي ولا احد يقدر يمسك عليك شعره
وبخصوص الاجرة سمعت ان المرور متعاون معهم.. يعني يسمح له يكد واذ جاء بالمواقف وشافك لك الحق قبل الكداد انة تاخذ ركاب
وهي والله حلوة ..ولكن الخوف من مجهولي الهوية ..والمطلوبيين ..عشان لو انمسكت بتروح ملح .. والله يرزقك من حيث لاتعلم
ووالله اني اعشق الخطوط ..وكم مره فكرت اطلع لموزين واشتغل هالشغلة ..بس شروطهم صعبة ..

وضح مدير مرور محافظة جدة اللواء وصل الله بن وصل الحربي بأن هناك حملات مكثفة ومستمرة لضبط كافة المخالفات المرورية ومنها مخالفات تحميل الركاب بسيارات خاصة وغير مصرحة لها بنقل الركاب ويستخدمها اصحابها كسيارات اجرة وقد سجلت خلال العام الماضي 1434هـ عدد ( 16071 ) مخالفة تحميل ركاب بسيارات خصوصي منها عدد 9912 مخالفة للسعوديين وعدد 6159 لغير السعوديين وخلال الفترة من 1/1/1435 الى 30/6/1435 تم تسجيل عدد 7997 مخالفة تحميل ركاب منها عدد 4736 للسعوديين وعدد 3261 مخالفة لغير السعوديين.
وهذا الفعل مخالف للأنظمة المرورية وكل من يقوم بذلك يطبق النظام بحقه وهو حجز المركبة لمدة خمسة عشر يوماً ( 15 يوم ) وغرامة مالية قدرها ثلاثمائة ريال كحدّ ادنى وتزداد العقوبة في حال تكرار المخالفة. لافتا الى ان هناك متابعة لهذه المخالفة في كافة انحاء المحافظة ومنها موقف مكة وموقف النقل الجماعي وموقف كيلو عشرة بالإضافة لمطار الملك عبدالعزيز