أضف سؤال أو موضوع جديد          

وش احسن ورشة لكمبيوترات الفورد بالشرقية

up 1 down 1
alshammary 53
قبل سنه و 5 شهر



السلام عليكم شبابنا الغالي
ودي اعرف وش احسن ورشة لكمبيوترات الفورد بالدمام او الخبر او الشرقيه بشكل عام
لأن سيارتي اكسبيدشن 2005 به مشكله محد عرف له حل
ناس تقول كمبيوتر السياره
وناس تقول حساس الدعسه
وغيرهم يقولون حساس القير
اول شي تكتم بالقومه بعدين تنطلق واذا استمرت مده تقطع بلحظه لو ادعس بنزين الدعسة ماتستجيب
وتبدأ تخف السرعة لين أطفي السيارة دقايق وارجع من جديد اشغل وامشي عادي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السلام عليكم,

في بالثقبة مركز العلمين و في واحد جنبه مادري وش اسمه.  المهم علشان توصله, توصل شارع 30 وانت على شارع مكة.  

تجيك اشارة تقاطع شارع 30 مع شارع مكة و سجن المنطقة الشرقية يكون على يسارك.  المهم بعد الاشارة خلك سيدة كنك رايح

لاسكان الخبر و قبل لا توصل الاسكان تلقى المركز على يدك اليمين قبل هيونداي المجدوعي.  تلقى رجال سوري محترم بيخدمك

فحص الكمبيوتر عنده ب150 ريال والمرة الثانية ببلاش اذا تكررت المشكلة.  جرب مره بكرة الصباح و شوف.


up 0 down 0
بدر الباثفايندري 695
قبل سنه و 5 شهر



نفس المشكله حصلت لي في اكسبلورر 2008
طلعت بوابه الهواء او الثروتل
تحس السياره مكتومه ادعس لها ماتستجيب

افحص كمبيوتر وشوف وش يقولك
اذا طلع الثروتل
خله يدبر لك او خذها من السيارات الموجوده في الورشه اذا ضبطت
اشترها بعدين من محل قطع
لان محل القطع مايرجع الفطع الكهربائيه


up 0 down 0
thamer jumaan 71
قبل سنه و 5 شهر



الاكتشاف الجديد
بس اشرط عليه لايصلح شي ولا يتفلسف وشيك عالورقه انه محدد ان الفحص بالمبلغ الفلاني غالبا 270 ريال
مجربهم مرتين السباكين يقولو توظيب وهذولي قالو حذافه ورحت برا وغيرتها وانحلت المشكله


up 0 down 0
ابوزياد123321 179
قبل سنه و 5 شهر



بناءا على وصفك القير ماله شغل
شوف الثرتل عندك الكتروني ولا ابو سلك القديم


اذا الكتروني الكمبيوتر يقرا موقع الدعسه ويفتح البوابه بناءا على مدى الدعسه اللي دعستها (ويعرف قديش انفتحت البوابه بناءا على حساس موقع بوابه الثرتل) ثم حساس الهوا يقرا زيادة دخول الهوا ويزيد بنزين
يعني المشكله محصوره في ست قطع 1 حساس الدعسه 2 الكمبيوتر 3 حساس موقع البوابه 4 محرك بوابه الثرتل 5 حساس الهوا 6 البخاخات

غالبا تعطي كود وتولع لمبه المكينه وفعلا فحصها لازم قمبيوتر يقرا بيانات الحساسات وليس الاكواد فقط


up 0 down 0
ابوزياد123321 179
قبل سنه و 5 شهر



اذا بوابة الهواء عندك ( الثروتل ) الكتروني البلا منها 100% صارت معاي بكابرس 2006 و غيرتها حول 1000 ريال و ضبطت


up 0 down 0
khalil zorgui 92
قبل سنه و 5 شهر



ياخي عندك الخضريه مجمع فورد بس ناسي اسمه اختصاص للفورد كامل


up 0 down 0
رايق السيارات 587
قبل سنه و 5 شهر