استشارة من اهل الخبره والمعرفه في اللنكون

شكرا لك وننتظر توضيح كامل من الاخوان

اعلى فئة سقنتشر ليميتيد ..
واستعماليتها ممتازه بس حساسه جدا ويبي لها محافظ واول دقه بعدها بتكره السياره عن تجربة شخصيه ! 
الهيدروليك اغلب السيارات يكون مفقع فانتبه .. 
حاول تاخذ النظيف النظيف استعمال سعودي او امريكي وافحص السياره قببل ماتشتري 
والله يديك خيرها ويكفيك شرها مقدما ..

الهيدروليك ماطور وبالونات

موتر لايعلى عليه خصوصا بالخط عن واقع تجربه ومن مشاكله كل مارحت تصلح فيه شي قالوا لا هذا لينكن شغله متعب لكن والله موتر

الموديلات هذي مادري عنها 
بس كان عندنا الشكل الاقدم وصراحة ما ينفع ابد وبالذات لحالتك
لانه كل شوي يحتاج تربيط ويطلع كل يوم بخراب جديد
ومن اسمه اصلا تاون كار (سيارة المدينة) يعني مو حق سفر

والله اخوي ونعم الاختيار اللنكولن سياره عريقه وممتازه ولا احد يقولك خرابات ومدري ايش بعضهم ما يعرف يسوق ويخرب المواتر لو يجي معه ددسن عفسه وصار يطلب قطع 

انت حافظ عليه وخل سواقتك راكده وبيعيش معك موتر ممتاز بس مشكلته حساسات يعني كل شيء فيه حساس وهذا عيبه والا هو كعزم وراحه ومنظر يصف مع المواتر الفخمه يعني لو توقفه جنب بي ام او بانوراما عادي تحس انه موتر من طرازهم ولا يختلف عنهم ومن واقع تجربه وقياده هالكلام 

واحسن نوع سيقنشر ليمتيد والهيدروليك حقه ماطور وبالونات مو مثل الالماني غثيث واحسن شيء خله على الاوتوماتيك لا تتعبث فيه عشان ما يخرب 

هذا اللي اعرفه عن اللنكولن وانا اشهد انه سياره ممتازه وجدا جدا جميله

جزاكم الله ألف خير اخواني بالنسبه للسعر أحد يقدر يفيدني فيه أكثر
لأني من عشاق الألماني وعندي حاليا فياقرا وحاب اللنكون اخذه للدوام بس مادري هل بيزبط معي او اجلس عالفياقرا وشكرا لكم

النكن سياره ومثل الفورد بالقطع وكل شي الفرق بالدفرنس اكبر الكرونه وبرمجة القير اما قطع ميكانيكيه نفس بعض واسعاره من 50 وانت طالع لنضيف بالنسبه للهدروليك اذا بتحافض عليه لا تحمل السياره وهي طافيه اكثرهم الي يتفقع عندهم الهدروليك بسبب انه يحمل الموتر وهو طافي بعدين يشغل والضغط بيكون على الهدروليك فشغل الموتر اول وبعدها حمل الاغراض لكي يكون الهدروليك شغال كل مازاد الحمل ارتفع واذا حصلت نضيف مابتندم على مشتراه دور استخدام لنه السعودي الاغلب مكروفه او مهربده 

سياره مالها مثيل واذا بتاخذ امريكي خذ ديزاينز فئه خاصه وفخمه او سقنتشر ليمتد عشان تحس بالفخامه

ومن ناحية الكرف هي نففففس الفووووورد

ومبروك مقدما

اهم شي احرص على النظيييييف

وشكراً

موتر كرف وخدوم وصبور وفي الخط ما يحتاج راحة إلى أبعد حد