أضف سؤال أو موضوع جديد          

استشارة من اهل الخبره والمعرفه في اللنكون

up 0 down 1
adil ali 1738
قبل 8 سنه و 8 شهر



السلام عليكم ورحمة الله





اخواني اود معرفة اسعار اللنكون موديل 2005 و 2006 وايش افضل فئه فيها والشي الثاني كم يوصل سعر النظيف وكيف استخدامها وصيانتها هل عمليه مثل الفورد او لا وهل يوجد مشاكل بالهيدروليك افيدوني من كل النواحي لاني ناوي استخدمها سيارة عمل 100 كم رايح و100 راجع وجزاكم الله خير علما بان سواقتي هاديه ومحافظ.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شكرا لك وننتظر توضيح كامل من الاخوان


up 0 down 0
adil ali 1738
قبل 8 سنه و 8 شهر



اعلى فئة سقنتشر ليميتيد ..
واستعماليتها ممتازه بس حساسه جدا ويبي لها محافظ واول دقه بعدها بتكره السياره عن تجربة شخصيه ! 
الهيدروليك اغلب السيارات يكون مفقع فانتبه .. 
حاول تاخذ النظيف النظيف استعمال سعودي او امريكي وافحص السياره قببل ماتشتري 
والله يديك خيرها ويكفيك شرها مقدما ..


up 2 down 0
ريان-الجهني 736
قبل 8 سنه و 8 شهر



الهيدروليك ماطور وبالونات


up 1 down 0
ما بنكسر صابر 2688
قبل 8 سنه و 8 شهر



موتر لايعلى عليه خصوصا بالخط عن واقع تجربه ومن مشاكله كل مارحت تصلح فيه شي قالوا لا هذا لينكن شغله متعب لكن والله موتر


up 2 down 0
وليد ابو فيصل 1205
قبل 8 سنه و 8 شهر



الموديلات هذي مادري عنها 
بس كان عندنا الشكل الاقدم وصراحة ما ينفع ابد وبالذات لحالتك
لانه كل شوي يحتاج تربيط ويطلع كل يوم بخراب جديد
ومن اسمه اصلا تاون كار (سيارة المدينة) يعني مو حق سفر



up 1 down 2
w1w1 2206
قبل 8 سنه و 8 شهر



والله اخوي ونعم الاختيار اللنكولن سياره عريقه وممتازه ولا احد يقولك خرابات ومدري ايش بعضهم ما يعرف يسوق ويخرب المواتر لو يجي معه ددسن عفسه وصار يطلب قطع 

انت حافظ عليه وخل سواقتك راكده وبيعيش معك موتر ممتاز بس مشكلته حساسات يعني كل شيء فيه حساس وهذا عيبه والا هو كعزم وراحه ومنظر يصف مع المواتر الفخمه يعني لو توقفه جنب بي ام او بانوراما عادي تحس انه موتر من طرازهم ولا يختلف عنهم ومن واقع تجربه وقياده هالكلام 

واحسن نوع سيقنشر ليمتيد والهيدروليك حقه ماطور وبالونات مو مثل الالماني غثيث واحسن شيء خله على الاوتوماتيك لا تتعبث فيه عشان ما يخرب 

هذا اللي اعرفه عن اللنكولن وانا اشهد انه سياره ممتازه وجدا جدا جميله


up 2 down 1
camry grandi 99 7274
قبل 8 سنه و 8 شهر



جزاكم الله ألف خير اخواني بالنسبه للسعر أحد يقدر يفيدني فيه أكثر
لأني من عشاق الألماني وعندي حاليا فياقرا وحاب اللنكون اخذه للدوام بس مادري هل بيزبط معي او اجلس عالفياقرا وشكرا لكم


up 0 down 0
adil ali 1738
قبل 8 سنه و 8 شهر



النكن سياره ومثل الفورد بالقطع وكل شي الفرق بالدفرنس اكبر الكرونه وبرمجة القير اما قطع ميكانيكيه نفس بعض واسعاره من 50 وانت طالع لنضيف بالنسبه للهدروليك اذا بتحافض عليه لا تحمل السياره وهي طافيه اكثرهم الي يتفقع عندهم الهدروليك بسبب انه يحمل الموتر وهو طافي بعدين يشغل والضغط بيكون على الهدروليك فشغل الموتر اول وبعدها حمل الاغراض لكي يكون الهدروليك شغال كل مازاد الحمل ارتفع واذا حصلت نضيف مابتندم على مشتراه دور استخدام لنه السعودي الاغلب مكروفه او مهربده 


up 0 down 0
princ 18875
قبل 8 سنه و 8 شهر



سياره مالها مثيل واذا بتاخذ امريكي خذ ديزاينز فئه خاصه وفخمه او سقنتشر ليمتد عشان تحس بالفخامه

ومن ناحية الكرف هي نففففس الفووووورد

ومبروك مقدما

اهم شي احرص على النظيييييف

وشكراً


up 1 down 0
عبدالمجيد ال محسن 3341
قبل 8 سنه و 8 شهر



موتر كرف وخدوم وصبور وفي الخط ما يحتاج راحة إلى أبعد حد



up 0 down 0
السموئل 1105
قبل 8 سنه و 8 شهر