لأصحاب الفورد فكتوريا وماركيز

معليك منه  انت نوع الزيت الس تستخدمه ايش نوعه 

كاسترول 20 على 50

الميكانيكي اهتم بجيبه ما اهتم بموترك
كان الموديل قديم عادي النقص وهذا معروف
عند أهل الفرود كلهم
المهم انك تعايره على أرض مستوية والسيارة باردة
واذا ناقص زده كل ١٠٠٠نصف علبه
ولا يلعبون بالمكينة
وحتى اللي وظبوا مكاينهم يزيدون كل فترة شي بسيط من الزيت

زيت المصنع متكوب 5/ 30 تركب 20/ 50 ليش

حاول تستخدم زيت موتر كرافت 10\30 
او كاسترول نفس اللزوجه 10/30

الحاجه الثانيه تاكد من بلف التبخير احتمال كبير منه
دام السياره ماتطلع دخنه
واي خدمه انا موجود

شوف حساس التبخير ممكن بدال مايطلع الهوا يطلع زيت

موديل السياره 1995 عشان كده احط زيت 20/50     .......................

انصحك اخوي تقرا كلامي 

انا عندي ماركيز 98 لها معي فوق8سنوات والحمدلله
تنقص زيت
غيرت جلد بلوف
غير حساس تبخير 
برضو تنقص لكن اقل من اول

الحمدلله صرت ازود زيت وامشي
هذي تجربتي وانصحك فيها
ماعليك في كلام الورش

الفرد ياخذ خمس علب تقريباً وعليها 

ودامك تقول ينقص كل الف كيلو نص عليه يعني لاجيت تغير خذ النص علبه 


وعقب ١٠٠٠ كيلو وشوي زدها على الموتر ولامشيت قبل الثلاثة اخرطه بكبره غيره

لان الموتر قديم مايتحمل تمشي على زيته اكثر من كذا 

والنقص ترى معروف في القديم لازم ينقص شوي تراك ماشريت ٢٠١٣ عشان تدقق 

ولو اني ضامن ١٪ ان مع تغيير الجلد وتزبيطه بيوقف تنقيص كان قلت لك لكن باخص القديم والامريكي معاشره

جمسنا بعض الاحيان اروح اغير زيته احصله منقص علبة هو ياخذ ٦ وماضره ماشاء الله لين يومك ابوي يسافر عليه ولا اله الا الله مافيه الا العافية

بالتوفيق

الرد اللي فوق a.ibrahem
تقول عقب ١٠٠٠ كيلو وشوي زدها على الموتر ولامشيت قبل ٣٠٠٠ يغيره بكبره 
لان الموتر قديم مايتحمل يمشي على زيته اكثر من كذاوالنقص ترى معروف في القديم لازم ينقص 
اسمحي اقول لك كلامك كله غلط 
اول شي دام المكينه تنقص ويزوده 
يعني الزيت يتجدد مايحتاج يغيره كل ٣٠٠٠
يمشيه اكثر لانه ينقص ويزوده زيت جديد 
وثاني شي المكينة النظيفه ماتنقص ابد
موديل جديد او قديم الا اذا الزيت ماشي كثير ينقص شي بسيط 

w.asa يا بتفلسف


القديم يعني كم بيكون ماشي ، ماشي ممشى مهول وهذا طبيعي انه بينقص احمد ربك ان المكينة تمشي اصلن لو غيره كان قدها تدخن ولا وقفت لكن الامريكي لأنه 8 سلندر ومكاينه قويه يصبر


يعني اجل بمشي بموتري 600 الف ولو نقص ربع علبة وانا محافظ بقول ليش ينقص المكينة نظيفة ، تستهبل انت


وبعدين الموتر يشيل خمس علب وزدت علبه بعد الف وشوي وعقب الف وشوي نقص بعد يعني مهب باقي زيت قديم انتهت لزوجته ويختلط مع الجديد


اقول الله يرحم والديك لاتعدم الموتر الرجال اجل يقعد يزود بدون مايغير ، اسأل العضو كامري قراندي اللي معنا هنا وش صار في كابرسهم الصابونه والصبه زود ولا تغير

طيب ليش معصب ههههههه
اول شي انا ماتفلسف 
وبعدين انا ماقلت اذا ماشيه فوق ٦٠٠ الف 
والمكينة نظيفه ماتنقص !!
قلت لك المكينة النظيفه ماتنقص 
موديل جديد او قديم يعني تشوف سياره 
موديلها بالتسعين مامشت فوق ١٠٠ الف 
وموديل فوق ٢٠٠٠ ماشي فوق ٥٠٠ الف 
وثاني شي  ماقلت لايغير الزيت قلت يمشيه 
اكثر من ٣٠٠٠ يعني نقول يغير كل ٥٠٠٠ الاف 
اما كل ٣٠٠٠ الاف صعبه شوي وخساير

الفورد من خبرتي فيه 10 سنوات : 
جلد بلوف ولا شنابر 
او صوفه خلفيه ولا اماميه 
او السره 
او بلف التبخير 
او قاعدة السيفون 
او الوجيه الي بين البلك والراس او الكارتير والبلك اذا كانت موظبه تحصل من حولها زيت 

هذي الي تنقص الزيت والفورد حتى لو نظيف فيه نقص بس ماهوب بشكل كبير 

والزيت الله يسلمك لاحد يضحك عليك ويقولك ثقيل ترا يستخدم دايم لتغطيه العيوب الي بالمكينه وثقيل ويعدم لك الدنيا