هل تاريخ الكفر يؤثر؟

والله وانا اخوك ابتعد عن المخزن
بالذات اذا كنت تمسك خطوط وسفريات
الكفهر اهم شي في السياره
قد يذهب حياة اللي في السيارا

عليكم السلام ورحمه الله وبركاته

اخوي اي سلعه يكتب عليها تاريخ فهذا يدل على مدى عمر معين لتلك السلعه بعلاقه عكسيه كلما طالت المده من تاريخ الصنع قلت من كفائة المنتج ...

بالنسبه للكفرات التخزين الجيد يحافظ عليه في ظروف معينه...

إذا معا الضمان ينتهي في 2018 
بس انا واحد راعي خطوط 100 كيلو بشكل شبه يومي 
لان العمل بعيد عن الديرة

يعني التاير بيصير له 4 سنين صعبه استخدمه.
لذلك خذيت اجدد منه..

وننتظر السلبيات من الربع!

هو المخزن لشكل عام ممتاز لكن ألي يحكم هي الظروف المناخية و وضعية التخزين 
بعض الورش تلقاه كاشف الكفر و أنواع التعريض للحرارة و الرطوبة و الغبار هذا بريال ما تاخذه لأنه مو مضمون 
ولد عمي لما كان مسافر يدرس برا في السويد اشترا طقم كفرات من عام 2012 و عاشت معاه سنتين و نصف تقريباً و كانت ممتازة على حسب وصفه 

وعليكم السلام ورحمة الله وبركاته
شف ضمان على الكفرات وهمي
يعني لو ينفقع عليك او يحبل
وتروح لمهم بيقولون سوء استخدام
يعني ماله اي فايده

واحد من الشيبان من الجماعه (السالفه قديمه)
معه وايت وجاء للرياض بيغير كفراته
المهم طاح على مستودع عنده كفرات قديمه
بعضها جديده وبعضها مستعمله لكن نظيفه
المهم كان سعرها اخو البلاش
وخبرك كفرات المعدات الكبار سعرها غالي
ويبغى لها مزانيه لحالها
المهم ركب له طقم كامل وخذ له 2 استبنه
يقول يوم مشيت من عنده بشوي
انفقع احد الكفرات وركب الاستبنه
يوم طلع من الرياض وينفقع كفر ثاني وركب الاستبنه
وهو فالخط يم ديرته انفقع احد الكفرات
طبعا معد معه استبنه والرجال قفلت اخلاقه
وقف عند اقرب محطه على الطريق
وفك الكفرات اللي ركبها اول
وركب كفرات جديده طقم كامل

فالكفرات لا تتهيون فيها
ركب كفرات نوعيه جيده
واهم شي تاريخها جديد
لانها خطره جدا
وخاف ينفقع عليك في غير وقته
يعني تخيل ينفقع الظهر فالصيف
وتوك طالع من الدوام ؟
يا شينها شيناه

المهم ادري اني طولتها هههههههههه

انا اخر مره ركبت كفرات اوفيشن صينيه تاريخها نص 2015 واحنا في 2016 
طبعا ركبتها 
لاني ماني براعي سرعة ولحد الحين اشوفها كويسه لا رجة ولا اي شي 

فيه بعض الكفرات الصينية جودتها كويسه

انا استخدمت كفرات شركتها رابيد نوع p309
رحت فيها خطوط كثيره 400 كيلو وعليها وما شاء الله
كويسه.
وسعرها 220 ريال .. مقاس 16 60 225

لكن الواحد يأخذ الأضمن أفضل لأصحاب الخطوط فوق 700 كيلو
وعز القايله.

شوف ياعزيزي اي محل كفرات هذا يسوي لك من البحر طحين اذا جيت تشتري لهم فوايد انت وانا ماندري عنها
ولكن أسأله وقتها وشوف وش يقول لك اذا اكفر انصلخ ولا صار عليه تحبيل تبدله من عندك ولا بتقولي راجع الوكيل وتشوفه وشلون يتلون
حط في بالك اذا رحت للوكيل بيقول لك كفرك تاريخه قديم هذا اذا ماطلع لك الف عله مشيت عليه والهواء ناقص ولا طحت بمطب ولا غيرها من الاعذار وياكثرها عندهم 
عموماً خذ لك الشي الطيب من البداية ووكل امرك لله بعدهاً

وعلى طاري التخزين 
ترى له شروط ومقاييس حتى الوكيل يمكن ماتحصلها عنده
عندنا تلقاه حاط كفراته بمستودع زنك بالصيف نار وبالشتاء صقيع 

انك صادق .. عندنا سوء تخزين

انا شفت الكفر فيه صفار قوي قلت شكله ضربته الشمس ل الليل
وهذا من الاسباب اللي خلتني انفر عنه.

وهقوتي ان اغلب المحلات كذا .. إلا ما ندر.!

لاتشتري مخزن حتو لو الفرق 100 ريال فه انواع صينية تمشيك داخل الرياض اسعارها 150 -200 بالكثر وحللهن داخل المدينة عاد الخطوط مدري عنهن

صيني جديد ولا كفر مخزن