أضف سؤال أو موضوع جديد          

بخصوص تركيب فتحه سقف للماركيزاو الفكتوريا

up 3 down 2
ابو داود 90 3
قبل 5 سنه و 2 شهر



السلام عليكم ورحمه الله بركاته 

استفسار بخصوص تركيب فتحه سقف للفكتوريا او الماركيز 

ياخواني انا او نويت اركب فتحه 

معي ماركيز 2006 وودي اركب لها 

سوال اي محل تنصحوني 
في ناس قالو الاقصى برياض ضمان 5 سنوات 

وناس قالو مجموعه السلام بالشرقيه 10 سنوات 

الي مركبين هل عانيتو من مشاكل في الهواء او تسريب المويه الخ 

وانا سالت لي اصدقاء مركبين من الاقصى يقولون صار لهم فتره وهي زي الحلاوه

ومادري اركب اي نوع تبع الوكاله 

او نوع الماني يجي اكبر من مقاس الوكاله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


دام الرياض ضمان 5 سنوات .. 
والشرقيه 10 سنوات .. 
شف الاقرب لك . وانتبه للخط وتوكل على الله .. 

ليه تخاف من تسريبات وهو معطيم ضمان .. دامه يعطيك ورقة ضمان ركب .. ولو طلع لك اي عيب ارجع له . 

لكن قبل تاكد ان الضمان يشمل التسريبات 


up 1 down 0
سبحان الله العظيمم1 52
قبل 5 سنه و 2 شهر



صحيح حاول تاخذ ضمان القريب منك لانه لو صار شي ترجع لهم 


up 1 down 0
salem almutairi 403
قبل 5 سنه و 2 شهر



صحيح كلامك اخوي اقصد مستقبليه 

وانا جاهل بالامور ذي وودي اتاكد من الاخوان الي سبق لهم التركيب 

علما باني كلمت محل الاقصى الي برياض وقال 5 سنوات ضمان التسرب المياه والهواء 

وشكلي بتوكل على الله وبركب 


up 0 down 0
ابو داود 90 3
قبل 5 سنه و 2 شهر



والله مابغا اخرب جوك بس شد البلد مامثله

اعرف واحد معه كامري 2002 رهم له فتحه

عند حسن تنده في جده والله يقول ان المويه

يحصلها كلها جوت السياره والغبار ماخلا ولامحل

اخر شي طفش من الموتر وباعه نصيحة اخو خله

شد بلد ولو بيرهمونه بيخلونها مثل شد  البلد

اول من يركب فتحه انا بس عاد وش نسوي

((( اما طاعك الزمن والا طعه )))


up 5 down 1
abo abdalazzez 25
قبل 5 سنه و 2 شهر



صدقت اخوي شد البلد مامثله 

بس بمر المحل واشوف وش يصير 




up 0 down 0
ابو داود 90 3
قبل 5 سنه و 2 شهر



فتحة السقف و مثبت سرعة
حتى لو في امكانية لترهيمه ما تضبط مثل شغل مصنع السيارة
هون عن الفكرة مهي بمضمونة و مكلفة و لا تسوى
الفتحة تستخدم ايام معدودة بالسنة كلها


up 2 down 0
أبو نجوى 2442
قبل 5 سنه و 2 شهر



السلام عليكم
ترى فتحة السقف لها اجزاء وتفاصيل كثير
مثلا فتحات او مسارات تصريف المويه اللي في التنده هذي عبار عن تمديدات من التنده الين مؤخرة ومقدمة السياره عشان تصرف المويه للشارع في حال كان في امطار
تتوقع اللي بيولف بيسويه فتحات التصريف
او فقط بيقص قطعه من السقف ويركب الزجاجه مع المسار
وغير هذا كله انواع التهريب مع الهواء
صدقني خليها زي ماهي احسن واريح لك
ادري انه شكل الموتر احلى بتنده لكن راحتك اهم


up 2 down 0
ebraheempro 46
قبل 5 سنه و 2 شهر



يعني من زين الجو عندنا عشان تسوي فتحه سقف على أساس أمطار وربيع وطراوه عندنا 
اناسيارتي فيها بانوراما مافكرت حتى افتحها من الأجواء الي عندنا غير بتجيب لي حرارة


up 2 down 4
جون سيلفر -188
قبل 5 سنه و 2 شهر



يا رجال ركب وفلها ويازين الماركيز بالفتحة أهم شي تأكد وش بيسوون وكيف تصريف المياه بالفتحة وما دام عليها ضمان ما عليك كل شي على حسابهم


up 4 down 1
ابوخلوودي1 5069
قبل 5 سنه و 2 شهر



بكم  السعر ماقلت   لنا

خلنا نستفيد

وبتوفيق
واذا تبي الراي  اشتري فتحة  سقف من التلشليح  تندة  كامله مع  الفتحة  شد بلد


up 2 down 1
المحمد١ 86
قبل 5 سنه و 2 شهر



وش بيسون يعني يابو خلودي 
بيقصون السقف بمنشار لوتشوف كيف بيشتغل فيها بتعذر عنها 
الحين السيارات الي فيها فتحة ولا بانوراما يشتكون من مشاكلها اصحابها
تبغى تقنعني انو شغل محلات الصناعيه مضمون يارجال بعطيك ضمان زي قلته 6شهور  


up 1 down 1
جون سيلفر -188
قبل 5 سنه و 2 شهر



اضم صوتي مع الشباب والغي الموضوع
وجون سيلفر اختصر الموضوع اكيد ضمان المويه والامطار 6شهور بالكثير1سنه اما ضمان المكينه حقت الفتحه تلقى ضمانها5سنوات
او10سنوات 


up 0 down 1
احمد شريف 3176
قبل 5 سنه و 2 شهر



انا معك يا جون سيلفر انهم بيقصون التنده ولكن إذا شغلهم ممتاز ويعطي ضمان شامل 5 أو 10 سنوات ضد أي عيوب أو تسريبات ليه لا بعدين مشاكل الفتحة قليلة عكس البانوراما وأكثر مشاكلها وهي انسداد المجاري فيسوي لها صيانة كل سنة أو سنتين من تنظيف أو غيرها ويضمن بعد الله عدم خرابها وبعدين الرجال في الرياض بيلقى بدل الورشة عشر ورش يصلحون التنده عكس لو كان في المدن الصغار
هذا رأيي وانا ما احاول أقنعه أو اقنعك وقلت الضمان أهم شي يكون شامل كل شي ويكون من 5 سنوات وأعلى 


up 0 down 0
ابوخلوودي1 5069
قبل 5 سنه و 2 شهر



بالنسبة لترهيم الفتحة وقص التنده مانصحك تسوويها لانه بعد فترة تسريب هوا وماء وحتى لو ضمان 10 سنوات تحصله كلام لو حيتهم بعد فترة قالك سوو استخدام هذا اذا حصلت المحل اصلا باقي... حتى السيارات الوكالة اللي فيها فتحه يعانون منها


up 0 down 0
الفراعنه 315
قبل 5 سنه و 2 شهر



طيب واذا عطوك ضمان وتسربت بعد فتره 
بترجعله ويركب لك جلده وبعد فتره بتسرب 
وترجعله ويغير الجلده وتقعد سردي مردي على المحل
الين ماتكره التنده والسياره وتحذفها في اقرب تشليح
هدي اللعب واذا مره متولع خلك في التباريز علشان اذا طفشت تفكها ويرجع الموتر نفس ماهو


up 0 down 1
أشواق للبخور 90
قبل 5 سنه و 2 شهر



كنت بركبها  بجده فرع السلام قالوا 6000 ريال وضمان  المهم هونت  وشلت الفكرة من راسي

المبلغ كبير وفوق هذا ماراح تجي مثل حقت الشد بلد مهما سووها 


up 1 down 0
موووت احبك 1625
قبل 5 سنه و 2 شهر



السلام عليكم 

الاول الاسعار تختلف 

مجموعه االسلام في الدمام و جده السعر 3700 ضمان 10

محل الاقصى  الرياض السعر 4000 الضمان 5 سنوات

بنسبه لضمان يختلف طبعا 

الاقصى ضمان  ضمان مجاني شامل كل شي 

مجموعه السلام ضمان اول سنتين مجاني والباقي تدفع 100 اظن لصيانة كامل 

علما لي اصحاب مركيبنها من الاقصى حدود سنتين الى الان ماشتكو منها 

وهذا الي شجعني 

على العموم تسلمون على النصايح 

وجاري التركيب 


up 0 down 0
ابو داود 90 3
قبل 5 سنه و 2 شهر



لاتصلح الا عند مجموعة السلام لنهم يركبون فتحات جديده الاقصى ماعندي علم عنه لكن ممكن مثل غيره يجيبون من التشليح  تبع لنكن ويركبها السلام مضمون شغلهم 


up 0 down 0
princ 18875
قبل 5 سنه و 2 شهر



ان بغيت فتحة سقف كاااامله مع الاغراض والكونسول حقها تواصل واتس بعد إذن الإداره 0508468813


up 0 down 0
جمس2015 89
قبل 5 سنه و شهر