بآخذ قرض مشروع ورشة توضيب كم تكلف

اذا منت راسم مخطط لمشروعك وحاسب المكاسب والخساير .. 
ولا انت صامل عليه .. لا تطيح نفسك يدسون عالفاضي .. 

تنتظم بالجامعه وتترك العمال تهب وتدب على راحته .. ومحد منتبه لحالك لوهو اخوك

انت اذا فتحت المشروع وشفت الفلوس والارباح الخيالية راح تنسى الجامعات والكليات واللي جابها كلها


توكل على الله وابدأ

مقلك دخلت رياده والحمدلله الامور ممتازة 

Coco .. الربح والخساره توفيق من الله    ولا كل محل نجح .. 
ولا كل محل يدخل ذهب .. 

الا اذا كان العماله متخصصه بالشغله ورراعي الحلال متفرغ ويوميا جالس بالورشه .. 

اوما الشهاده ياخذه وتضمن له الراتب باذن الله .. وبعده يفتح لو يبي 60 محل

طيب انا قلت توكل على وابدا

نصيحه لوجهه الله خل شغلك كله يتمرر عن طريق الكمبيوتر كل عمليه تقوم فيها يعني 
كل سياره تدخل لازم تتسجل في الحاسب وكم السعر المتفق عليه والقطع والى اخره بحيث اذا انشغلت العمال مايضحكو عليك
وركب كميرات مراقبه 

عمر الشهاده ماا اغنت صاحبها 

تبي نصيحتي لك والمربح بإذن الله أكيد 
اولا ابعد عن التوضيب لان التوضيب مشاكله كثير 
السياره اللي وضبتها راح ترجع لك كل شوي فيها خلل 
او سلك مو راكب او يكون صاحب السياره وأحد مطفوق 
يفحط عالسياره ويلعن والدين السياره بحجة انها موضبه وتحت 
الكفاله والله راح ادوخ وتصدع راسك مع الشعب السعودي بس أقولك 
علي مشروع حلو خلك علي الخفايف مثل ميزان وتغير زيوت وفحص كمبيوتر 
وبرمجه وكهرباء بس يعني لو تأخذ ورشه كبيره تقسمها لأقسام قسم ميزان وفرامل 
وقسم خدمه سريعه وتغير زيوت وقسم لفحص السيارات والبرمجه ويكون عمال لبس يونفورم موحد
ويكون عمالك من الهند والفلبين وانت تجيبهم من الفلبين والله واحد فلبيني يسولف لي يقول عندنا خريجين
معاهد وكليات ميكانيكا قاعدين ببيوتهم ومو محصلين وظائف ويتمنون لو يشتغلون ويقول عندنا فقر وخذ منهم 
شغل صيانه وبرمجه وراح انت تستفيد منهم حيل بس اهم شي تراعي ذمتك وضميرك مع الزبائن والعملاء من جهة
ومن عمالك من جهة ثانيه وتعطيهم حقوقهم اول بأول وثق بالله الله راح يرزقك من واسع فضله وتصير لك سمعه بالسوق
وتسوي لك صاله استراحة للزبائن مكيفه وتقدم لهم الضيافه وتغسل السياره لهم غسيل سريع راح يكون العميل مبسوط من الورشة
وتلقي العميل هو يمدحك عند اخوياه ومعارفه وتعتبر هذي دعايه لك وإذا انت ذكي وتلعبها صح تعطي مثلا ضمان أسبوع او شهر لأي تصليح
وإذا تبي تسوي شي مميز بالورشه يكون العميل قاعد بصالة الضيافه ويشوف سيارته بكاميرات المراقبه وتركب شاشات وكاميرات وعلي فكره ٥ كاميرات
تكلفك من الصين او من جبل علي ب٢٠٠ ريال ل٥ كاميرات يعني باختصار العميل يكون مرتاح بمكانه بصالة الضيافه ويشوف سيارته بكاميرات المراقبه
وبعد التصليح تغسل السياره وتسلمها العميل وبعدها راح تحصل العميل يجيك دايركت للورشه كل ما تعطلت سيارته .
وانسي شي اسمه توضيب لانه يصدع براسك ويمكن العميل يخلي عندك السياره شهور علي ما يدبر فلوس او قطع التوضيب .
والله يوفقك
تحياتي 

اضم صوتي للاخ foxz

كلامك سليم يا foxzx

الله يعطيكم العافية شباب شكلي بأتوكل على الله بس أبغى إستشاراتكم و إقتراحاتكم في هذا الموضوع