استفسار حول اخلاء الطرف والآجار المنتهي بالتمليك

لازم تسدد السياره
عموما اي بنك ينزل عليه راتبك واخذت منه قرض ماتقدر تطلع منه الا لين تخلص القرض او تتنازل عنه لشخص ثاني

لابد من اخلاء طرف من البنك الذي محول راتبك علية 

لكن يا اخوان هذا نظام تأجير موب قرض، وما علي قروض عندهم

اسأل مدير فرع الايجار المنتهي بالتمليك
اذا يقدر يحول نظام التسديد من حسم من الرصيد
الى تسديد يدوي من الصرافة تودع بحسابك و تسدد 
لكن بشرط ما يكون عليه التزام للبنك غير قسط السيارة
ان كنت اباخذ سيارة من الراجحي و عندي قرض من الاهلي
و اتفقت مع مندوب الراجحي التسديد يدوي اودع و اسدد فتح لي حساب بالراجحي
لكن الزموني بدفعة اولى كبيرة و رحعت للاهلي اخذت السيارة عن طريقه يحسم من رصيدي مع تسديد القرض

توني سألت بنك الراجحي بالنقطه هذي. ..يقولون لازم تسدد كل شي
عشان يعطوني اخلاء طرف. .ع العموم البنوك كلها تطلع عينك ويماطلون
فيك اذا ناوي تاخذ اخلاء طرف. .لين تطفش وتهون

الوالد الله يحفظه مطلع سياره عن طريق بنك الرياض بدون تحويل راتب وراتبه في بنك البلاد
بس بنك الرياض مسوين للوالد حساب خاص بالسياره يودع فيه كل شهر 

وعليكم السلام

اعتقد البنك اللي بتحول راتبك عليه
 يشتري السيارة كاش وتتسجل باسمك

بعدها تبدا تسدد البنك كانك ماخذ قرض

ما اعتقد الا في حالة انك ماخذ قرض 

اما اجار ينتهي بالتمليك حتى لو ماسويت اخلاء طرف واستمرت بالتسديد (ايداع القسط بالصراف ) وهم يسحبوه عادي 

بس تاكد من مدير البنك ولاتاخذ بكلامنا لكل بنك نظام ياخوكك