أضف سؤال أو موضوع جديد          

مشكلة السلف في الماركيز؟؟؟ يااهل الخبره

up 2 down 1
abdullah.ags 395
قبل 5 سنه و 8 شهر



السلام عليكم ورحمة الله وبركاته  

كيف حالكم ياشباب

عندي ماركيز موديل 2003 السياره طيبه ونظيفه بس طلعلي مشكله من اسبوعين جننتني بصراحه

الي هي تركت السياره طافيه لمدة كم يوم وجيت اشغلها واشتغلت طبيعي ..وبعد خمس دقايق اسمع صوت

احتكاك حديد قوي ومزعج جدا وطفيت السياره على طول .. (السلف يشتغل والسياره شغاله)

المهم طفيت السياره وجيت اشغلها مره يعلق بعد ماشغل السياره بدقايق ومره مجرد مااحط المفتاح على ال ON

تشتغل السياره على طول ويعلق (قبل دقة السلف) ... 

الى الان الي سويته ... غيرت سلف جديد ... غيرت حساس يجي تحت الدركسون لونه ابيض حق تشغيل السياره

نظفت مدخل المفتاح والمفتاح يدور بشكل طبيعي بدون مشاكل ولا يدقر .. 

شيكت على اسلاك السلف من علبة الفيوزات والبطاريه الى السلف ...وكلها سليمه وحطيت عليها عازل من جديد

بدلت الكتاوت بكتاوت غيرها من علبة الفيوزات والي اقصده الكتاوت الكبير لونه اسود خاص بالسلف...

الظفيره ماشك فيها لاني مشيك عليها قبل سنه الي ورى الصدام وحطيت عليها عوازل بشكل مضبووط

احد مرت عليه هالمشكله ... ياليت اهل الخبره يفيدونا .. الحين الي ااسويه اني اشغل السياره وافتح الكبوت وافصل فيش السلف الي فوق

بطانة الرفيف حقت الراكب عشان اقطع عنه الكهرب وتمشي السياره طبيعي بدون مشكله ..؟؟؟؟

مجرد مااشبكه بعد دقيقه يبدا يحك السلف بالحذاف وكانه احد يبي يشغل السياره وهي شغاله..

عذرا على الاطاااله بس قلت ادق التفاصيل الي تساعد لتشخيص المشكله وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مشكلتك من وصفك هي ان احد الاسلاك مجروحه لانك ذكرت بطانه الرفرف 


السلف فيه 3 اقطاب واحد موجب و الثاني سالب و الثالث حق الدقمه .

الموجب يجي عليه جلده عازله تاكد انها موجودة و عازل الموجب بشكل كامل .


و الشي الاخر حاول تشوف وين البطانة تلامس الكهرب . 

الامر البسيط تخرب اسنان السلف 
الامر الاصعب تخرب اسنان الحذاف  


و دام فيه التماس يعني خطر خطر خطر علی السيارة 


ربي يوفقك في مشكلتك ^.^


up 2 down 0
khalidoo 1167
قبل 5 سنه و 8 شهر



تسلم ياغالي على التفاعل 

المقصود ببطانة الرفرف يوم قلتها ..اقصد جنب علبة الفيوزات 

فيه ثلال افياش للظفيره بكل الفوردات ..انا اختصر بعد تشغيل 

السياره وافصل واحد منهم الي هو يوصل من علبة الفيوزات

الى السلف عشان اقطع عنه الكهرب...واقضي مشاويري

مافي اي التماس ظاهر حتى علبة الفيوزات فكيتها وشفت الاسلاك كلها 

سليمه ... 

الي عنده اضافه لايقصر يالنشاما....


up 0 down 0
abdullah.ags 395
قبل 5 سنه و 8 شهر



وين مكانك بالضبط




up 0 down 0
d7ooom777 391
قبل 5 سنه و 8 شهر



صارت معي ذي وغيرت السلف وضبط
بس انا مايفصل معي يوم صارت لين افصل اصابع البطارية وتنطفي 


up 0 down 0
almjrm 72
قبل 5 سنه و 8 شهر



غيرت السلف جديد من بداية المشكله ومااستفدت شي

موقعي الدمام 


up 0 down 0
abdullah.ags 395
قبل 5 سنه و 8 شهر



انا نظفت السلف بالبداية وكان مليان رمل بس يوم استمر التعليق غيرته احتياج والقديم موجود سبير




up 0 down 0
abdullah.ags 395
قبل 5 سنه و 8 شهر



تم حل المشكله يااخوان للفائدة ونسيت اكتب الرد عذرا للتاخير... لقيت اسلاك الظفيره ورى الصدام بالزاويه اليسار

فيها رطوبه وتاكل بسيط لايلاحظ الا بالتدقيق ... منها سلك طرمبة البنزين (بعض المرات ماتشتغل السياره ولايوجد صوت طرمبة الا بعد دقايق)

ايضا اسلاك اخرى لا اعلم ماهي ومنها سلك السالب للسلف كان يلامس البدي ويجيه سالب

ويشتغل تلقائي ...اصلحت الاسلاك كلها وضبطت السياره حتى الكهرب تحسن كثير 

شكرا للجميع على المشاركه


up 0 down 0
abdullah.ags 395
قبل 5 سنه و 4 شهر