سيارة مستعملة يعني صناعية
10
25
إضغط هنا للإخفاء
السلام عليكم
واحد من الشباب يبغى يشتري موتر نصحته ياخذ النترا اصفار ٢٠١٥ تماتيك ويريح مخه ويرتاح
لكنه يقول انا نفسي بفورد ابغى الفورد سياره تكد ومريحه ووسيعه وشكلها حلو ومدري ايش
وقطعها رخيص
الزبدة الرجال اشترى فورد ٢٠١٠ سعودي ماشي ١٠٠ الف والبدي بعد الفحص ١٠٠٪
اشتراه من الرياض هو ساكن بالرياض واخذه من شريطي بشارع المعارض
بعد فتره وداه الوكاله قال ابغى اغير زيت قيره الوكاله دخلوا رقم اللوحه والشاصة
قالوا الموتر ذا ماشي قبل سنتين ١٤٢ الف ومسوي له راعيه صيانه في جيزان !!
افضلك تغير زيته برا لان العداد غير مطابق لصحيح !!
الزبدة الرجال غير زيته في بترو مين
يوم خرب رمان امامي
يوم كراسي ماكينه
يوم ضرب الدينمو
يوم الراديتر انشق ويخر مويه ولا يتلحم
يوم طافي عيا يشتغل
يوم المكيف حار
يوم صوت طقطقه بالاذرعه
يوم بوري مافيه
يوم محتر ومفور السير مقطوع
يوم الموتر يقطع
الان الرجال كره الموتر يقول ماباقي الا الماكينة والقير ماغيرتهم خلاص طفشت
دفعت عليه حول ١٠ الالف ريال
قلت خلك تستاهل قايلك سيارة مستعمله صناعية لا زم تصلح وتفك وتركب
اشتر جديد على قد فلوسك وريح مخك من الصناعية وياليت تلقى بعض القطع
لازم تشليح ومرمطه وسطحه
يااازين الجديد لو انه اكسنت اهم شي تبعد عن الصناعية وريحة الشكامين
والهجوله بين. قطع الغيار والتشاليح والنصابين في الميكانيكا
إبلاغ
الردود
حاب يشترى سياره .. واحد من إخوانه قال له لو تشترى سياره مستعمله أرخص لك من الجديد
رد عليه .. إنت شايفنى غنى ؟؟؟
خلاصة الكلام
الموضوع صح ١٢٠ فى ال ١٠٠
0
0
قبل 8 سنه و 3 شهر