للفائدة رجة الفورد

3 2

لايمكنك التصويت حتى الحصول على 20 نقطة على الأقل
إضغط هنا للإخفاء

ابوابراهيم 9090 394
قبل 8 سنه و 3 شهر

السلام عليكم 

والله اني ناوي احط هالموضوع من فترة ولكن ماسمح الوقت بخصوص هزة وتقطيع الفورد بدون سبب واضح مع وميض لمبة المكينة

مكينة الفورد بدأت تقطع أثناء الوقوف وأول ماتعشق وتمشي تروح الرجة والهزة 

غيرت بواجي 150 ريال

نظفت البخاخات 300 ريال

غيرت صفاية البنزين 40 ريال

غير 3 كويلات حسب الكمبيوتر الموجود لدى الورش الواحد ب130 ريال

نظفت الحساسات ( بنفسي ببخاخ الالكترونيات)

غيرت فلتر الهواء 45 ريال

وأخيراً اجمعوا السباكين من أنه لابد من فتح راس المكينة وتنظيف البلوف في المخرطة ومبلغ وقدره 1600 ريال شغل يد بدون سعر المخرطه وبدون القطع اذا لزم الأمر

قلت والله لو تجيم المكينة مافتحتها دز بس طالما الموتر باقي يدق سلف  و 6 اشهر وأنا مخاوي الرجة 
بعد فترة وببركة الله شيكت أسلاك الكويلات لقيت واحد مايضغط , أقصد مافيه صوت ( كلك ) واشتري ياطويلين العمر سيم بلاستك واربطه 

والمفأجاة ذهبت الرجة , طفت لمبة المكينة ! ورجع الفورد يتنفس

ماشاء الله لاقوة الا بالله !

1-عموماً الموضوع اقول واعيد لاتثق في السباكين , مابين 10 تلقى واحد يفهم 

2-فحص الكمبيوتر مايبين الكويل الضعيف او المفصول أبداً
3- طريقة فحص أي حساس في السيارة هو أنك تفصله وإذا شفت تأثيرحصل على الموتر إعرف انه شغال وأموره طيبة
4-في الفورد مايخرب الحساس الا يطلع علامة (مفك) في الشاشة أما لمبة المكينة مالها علاقة في الحساسات ماعدا حساس الشكمان
والحمدلله رب العالمين...

على طاري البنزين ماتعرفون واسطه في الاحوال اضيف الفورد في كرت العائلة بعد الارتفاع الاخير ؟

وسلامتكم :)

إبلاغ

الردود