أضف سؤال أو موضوع جديد          

المكينة تنقص زيت

up 2 down 1
البشتخته 84
قبل 6 سنه و 11 شهر



السلام عليكم



تفاجئت ياأخوان قبل يومين شيكت على الزيت وطلع ناقص علبتين واغير الزيت واروح الصناعية واطب في أول ورشة قالي شنبر
واروح الورشة الثانية قال عندك صوفة المكينة تهرب زيت المهم قالي امش على الموتر الف كيلو واذا نقص شوي فعذة الصوفة وادا نقص كثير فهدا الشنبر وانا مستغرب صراحه السيارة محافظ عليها و واغير الزيت على خمسة الاف هي موديلها 2002 وماشيه 170 الف فاوش رايكم يالربع محتاج رايكم ومشورتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


أحد يخبر لي ورشة في عمالة أمينة


up 1 down 0
البشتخته 84
قبل 6 سنه و 11 شهر



نظف مبخر الزيت  .. نوع الزيت له دور 


up 2 down 0
fahad alzhrani 144
قبل 6 سنه و 11 شهر



احتمال كبير بلف التبخير لانه يسبب نقص الزيت  سعره مايتجاوز 50 ريال 


up 1 down 0
موووت احبك 1625
قبل 6 سنه و 11 شهر



بلف التبخير الأقرب واذا تبي تشيك تلقاه فوق ع المكينه اذا شفت حوله زيت اعرف انه مسدود وغيره وكاله افضل سعره رخيص 


up 1 down 0
088mansour 799
قبل 6 سنه و 11 شهر



الله يجزاكم خير بالنسبة لبلف التبخير ماشيكت عليه فابشوفه واعطيكم خبر وإن شاء الله يكون منه


up 1 down 0
البشتخته 84
قبل 6 سنه و 11 شهر



النوع ذا من الموديلات تنقص زيت لاتسوي اي شنبر زيده زيت ويمشي معك فتره لان النوع ذا من الفوردات تنقص ذا نقص طبيعي


up 1 down 0
محمد ال سلمان 820
قبل 6 سنه و 11 شهر



ياخي الردود تنم عن جهل كبير يسمعون عن واحد صلح سيارته بطريقه ويروحون يفتون كل الناس بذي الطريقه طاحوا بفتره مايصدقون التوضيب لين يطق القير او المكينة
وفترة بالحساسات والافيوزات
والحين بسالفة نقص الزيت يقلك بلف
تبخير
ي اخوان اذا فيه واحد او اثنين صلحو خرابهم بالبلف مو معناها خلاص الكل مثلهم ي عزيزي
الصوفة اذا تهرب بتحصل تحت السيارة الصباح نقط زيت او ع الاقل انت لما تنزل تحت السيارة بتلاحظ الاثار حقت الزيت جديده
واذا الشنبر السيارة تدخن معك وبالنسبة لبلف التبخير مايحتاج ينقص حتى تغيره انظر حوله اذا حصلت تنديه غيره حتى لو ماتنقص , وخلصنا



up 3 down 4
جاسم 12 -251
قبل 6 سنه و 11 شهر



انا مع الاخ جاسم
اذا المشكله من الصوفه دخل الموتر بحفره او ارفعها وبتلاحظ اثار الزيت
واذا مشكلة شنبر بتلاحظ تدخين مايوقف مع الشكمان لونه ابيض 
تاكد من المشكله ، واذا انت بالرياض رح للصناعية القديمه ورشة الشام
شغلهم كله ع الفوردات وامينين 

بالتوفيق


up 0 down 1
Abu-Saad-212 387
قبل 6 سنه و 11 شهر



الله يسعدكم جميعاً بشيك على اللي قلتوه كلكم واجيب لكم العلم


up 1 down 0
البشتخته 84
قبل 6 سنه و 11 شهر



بالتوفيق ان شاء الله وانتبه تسوي شي الا لما تتاكد لان بعضهم يقول سو كذا وغير كذا وكله ماله داعي , لان ولله استغربت موديل سيارتك ماشاء الله جديد اخر شي فالفردات وتنقص زيت وبرضه محافظ مشكله ولله

لكن اذا فعلا المديل هذا معروف عنه انه ينقص زيت فتهون ولله


شكراً لك عاشق كلامك سليم وماني مستعجل أبداً 


up 0 down 0
البشتخته 84
قبل 6 سنه و 11 شهر



الفوردات اكثر خراب فيها جلد البلوف 
شغلها الصباح وخله خمس دقايق وعطها الدعسه كامله اذا طلع دخان ازرق وقطع معناها جلد بلوف
واذا كان ععندك تنديه وتشوف الزيت تحت الموتر هذذي صوفه
بعدين بلف التبخير م ينقص علبتين 
يبغالك مكانيكي امين حدد موقعك 


up 0 down 0
ابو عائض 99 22
قبل 6 سنه و 11 شهر



أبو عايض أنا بالرياض إذا تعرف ميكانيكي ممتاز بدعيلك الله يسعدك


up 0 down 0
البشتخته 84
قبل 6 سنه و 11 شهر