المكينة تنقص زيت

أحد يخبر لي ورشة في عمالة أمينة

نظف مبخر الزيت  .. نوع الزيت له دور 

احتمال كبير بلف التبخير لانه يسبب نقص الزيت  سعره مايتجاوز 50 ريال 

بلف التبخير الأقرب واذا تبي تشيك تلقاه فوق ع المكينه اذا شفت حوله زيت اعرف انه مسدود وغيره وكاله افضل سعره رخيص 

الله يجزاكم خير بالنسبة لبلف التبخير ماشيكت عليه فابشوفه واعطيكم خبر وإن شاء الله يكون منه

النوع ذا من الموديلات تنقص زيت لاتسوي اي شنبر زيده زيت ويمشي معك فتره لان النوع ذا من الفوردات تنقص ذا نقص طبيعي

ياخي الردود تنم عن جهل كبير يسمعون عن واحد صلح سيارته بطريقه ويروحون يفتون كل الناس بذي الطريقه طاحوا بفتره مايصدقون التوضيب لين يطق القير او المكينة
وفترة بالحساسات والافيوزات
والحين بسالفة نقص الزيت يقلك بلف
تبخير
ي اخوان اذا فيه واحد او اثنين صلحو خرابهم بالبلف مو معناها خلاص الكل مثلهم ي عزيزي
الصوفة اذا تهرب بتحصل تحت السيارة الصباح نقط زيت او ع الاقل انت لما تنزل تحت السيارة بتلاحظ الاثار حقت الزيت جديده
واذا الشنبر السيارة تدخن معك وبالنسبة لبلف التبخير مايحتاج ينقص حتى تغيره انظر حوله اذا حصلت تنديه غيره حتى لو ماتنقص , وخلصنا

انا مع الاخ جاسم
اذا المشكله من الصوفه دخل الموتر بحفره او ارفعها وبتلاحظ اثار الزيت
واذا مشكلة شنبر بتلاحظ تدخين مايوقف مع الشكمان لونه ابيض 
تاكد من المشكله ، واذا انت بالرياض رح للصناعية القديمه ورشة الشام
شغلهم كله ع الفوردات وامينين 

بالتوفيق

الله يسعدكم جميعاً بشيك على اللي قلتوه كلكم واجيب لكم العلم

بالتوفيق ان شاء الله وانتبه تسوي شي الا لما تتاكد لان بعضهم يقول سو كذا وغير كذا وكله ماله داعي , لان ولله استغربت موديل سيارتك ماشاء الله جديد اخر شي فالفردات وتنقص زيت وبرضه محافظ مشكله ولله

لكن اذا فعلا المديل هذا معروف عنه انه ينقص زيت فتهون ولله

شكراً لك عاشق كلامك سليم وماني مستعجل أبداً 

الفوردات اكثر خراب فيها جلد البلوف 
شغلها الصباح وخله خمس دقايق وعطها الدعسه كامله اذا طلع دخان ازرق وقطع معناها جلد بلوف
واذا كان ععندك تنديه وتشوف الزيت تحت الموتر هذذي صوفه
بعدين بلف التبخير م ينقص علبتين 
يبغالك مكانيكي امين حدد موقعك 

أبو عايض أنا بالرياض إذا تعرف ميكانيكي ممتاز بدعيلك الله يسعدك