مشكلة في قير الفورد

فحصنا السيارة كمبيوتر وما بين شي مدري وش علتها

اسحب عيار تبع زيت جربوكس وشم ريحة اذا لاحظت ريحة حُرق عاد الله يعينك كلتشات ع وشك 

عايرتها عند الورشة الزيت جديد و مافيه ريحة ؤمنتظم في تغييره
المشكلة الورش ما عندهم الا توظيب واخاف اوظب تكون المشكلة بسيطة

لا توظب ما عليك منهم تأكد احتمال حساسات القير 

حساس و احتمال حساس السرعة الثالثة 

أخوي سبق وإن نزل موضوع هنا عن قير الفورد إذا عشقته مايمشي أكثر من 40 إذا كانت نفس المشكله كله فيوز بريالين .

وإذا غير ذلك تأكّد من حساس القير ... والله أعلم .

خذ العلم فيوز 200 بالميه ادخل عالنت وسو بحث وبتحصل السبب

الله يجزاكم خير يا اخوان

رحت لورشة قال احتمال فلتر زيت القير طايح من مكانه او حساس الحرارة لان المروحة كانت شغاله طول الوقت

برجع له بكره ونشوف 

السلام عليكم

اخوي الله يعينك عندي سؤال عن المروحه عندك عرفت وش مشكلتها لانها عندي خليتها شغاله على طول اذا شبكت الفيش حقها تنطفي  نهائيا وتسخن السيارة وهل الصناعية يقولون كمبيوتر ؟

وبالنسبة للقير انا حصلت لي نفس المشكله وماخليت ورشة الا وفحصت كلهم يقولون توظيب وفحصت كمبيوتر عند مراكز كبار3 مرات الكهرباء مافيها شي والحساسات واخر شي وظبت عند ترايتستار والحمدلله ظبطت السياره

انا صار عندي لما اعط علي b ما يمشي الا على الثاني 
على طول فصلت اصابع البطارية وبعدين رجعت بعد نصف ساعة والحمدلله
 صار يعشق
جرب افصل اصبع البطارية 
يعني برمجة من جديد 
وطريقة البرمجة موجودة في اكثر المنتديات

وش صار معك   في واحد نفس مشكلتك 

توظيب قير للاسف