مشكلة ونة خلفيه

الدفرنس البوليسي ماراح يعطيك كامل العزم  واحتمال تواجه  مشاكل يا حبيبي ولزم تغير ترس السرعه الى اذا غيرت العمود لن عمود الفورد قوي وثقيل عكس عمود البوليسي يجي خفيف وموازي للدفرنس البوليسي لسيارات البوليسه هم كذا معتمدينها  تخفيف وزن المركبه لتسارع افضل للمطاردات 

هل تظهر الونه على طول اول ما تتحرك ولا على سرعة معينه وهل اذا رفعت رجلك من البنزين تختفي الونه.. 
سالتك هذي الاسئلة لانها لو رمانات الونه تظهر على السرعات المتوسطة والعالية يعني من 80 وانت رايح ولا تختفي حتى لو رفعت رجلك من البنزين... 
اما اذا كانت الونه تختفي مع رفع رجلك من البنزين فاتوقع من القير.. روح عدي على اكثر من ورشة لا تقف على واحد وشوف وش بيقولو

شكرا لكم

لا اخوي كنق القير سليم وانا قلتلك فحصتها وطلع من الرمان وعكس الدفرنس 

يبيله خرط وهي ونه  وااو ووااو وووااو  زي كذا

شكرا اخوي سكودر كلامك منطقي وافدتني

وانا مع سكودر وازيدك انه محشور وحجمه كبير وماينفعك بالسفر يتعب السياره وتلقى الضغط حق المكينه مرتفع تعمدو يسووها 
عشان وقت المطارده تكون المكينه شغاله بقوة زايده والجيربوكس كمان

و عليكم السلام
غير الدفرنس بدفرنس نفس مقاس الكرونة
و اهم شيء يكون من القطع الوارد الامريكي المستعملة
يجي نظيف

السلام عليكم ورحمة الله 

دفرنس بدون كرون بدون قير بدون ماكينة بدون كمبيوتر وش بتستفيد

ماراح يتغير معك شي الا اذا غيرت القير والمكينه والكرونه والكمبيوتر 

لأن كمبيوتر البوليسي مفتوح السرعه عكس العادي
والقير الكلتشات تستحمل الدعس المفاجىء
والكرونه تيجيك مصنوعه من المنيوم عكس العادي من حديد 
والمكينه الاحصنه زياده عكس. العادي 

تحياتي 

غير دفرنس نفس حق السياره افضل من التعديل يطلع لك خرابات بعد مده 

ماعليش ياخوي
اذا انت متاكد انه من العكس ومن الرمان فليه تغير دفرنس

الرمان اذا تكسر تتفقع الصوفه ويطلع زيت الدفرنس ويبداء الرمان ياكل فالعكس وتسمع صوت وج وج وج وج
الصوت مستمر معاك على طول ماشي بشويش او بسرعة هذا يعني رمان مكسر وياكل فالعكس

اما خراب الدفرنس تسمع صوت حاده تطلع على سرعات معينه ومتختفي بعد سرعات معينة

اما صوت وجوجوه وصوت خشن فهذا يعني رمان وعكس

عندك عكس صناعة هندي اعتقد سعره بحدود 200 والعكس الاصلي امريكي غالي فوق الالف 

فدام المكشلة عندك من الرمان والعكس
هذا يعني يبيلك صوفة ورمان وعكس وزيت دفرنس لان الزيت بيطلع مع فك العكس


مادري اذا العكس والرمان خربت وش دخل الدفرنس طيب  !!!

المشكلة قد مرت علي في فورد 97 لخويي وصلحناها انا وهو
العكس لاتخرطه لان الحديد تاكل بترجع المشكلة
خويي ركب عكس هندي جلس معاه سنه ونص وباع السيارة بدون اي مشكلة 
فما ادري كم عرم العكس الغير اصلي

شكراً لكم جميعاً

وشكراً لك ياشويخ على التوضيح 

بس انا حصلت عكس اصلي الواحد ب ٢٥٠ ريال

يقول اصلي عاد مدري اذا هو نصاب بس بتأكد

الدفرنس العايدي ميزته انه يريح لك المكينه والقير
عكس البوليسي
البوليسي تمشي 200 يكون ضغط المكينه على 5 تقريبا
عكس الدفرنس العايدي تمشي 200 يكون ضغط المكينه تحت 4