بخصوص رفع اعتراض على حادث وايقاف خدماتي

الله ييسر امرك انشاء الله الشباب يفيدونك

هذي ب 2700 ؟؟؟؟
صدام خلفي خذ تايوان حدود 200 - 300 و الرش ما يتعدى ال500 اذا في ورشة قوية مقطع نفسه بعد بالكثير بالكثير 1000 ريال 
2700 ليش ؟ صدام ماخذه من الوكالة ؟ الرش في الوكالة ؟ 
اذا يمديك تعترض و توفر فلوسك توكل على الله ترى الملبغ اذا كان مثل اللي في الصورة يعتبر مبالغ فيه بشكل كبير

التسعيرة مبالغ فيها لاكن الاخ الي يقول خذ تايوان .. لو سيارتك انصدمت ماظن راح ترضى تغير الصدام الاصلي بتايواني ينكسر مع اي دقشة
وعلى فكرة السيارات الي تحت 2013 حسب معلوماتي لايوجد استبدال الا ان كان فيه كسر واضح ان كنت مخوش او حكوك رش فقط .. والتسعيرة تكون بقطع غيار وليس بالوكالة يمكن انه سعرلك بالوكالة

أولا إيقاف الخدمات مايرفع إلا بالتسديد 
ثانيا أنت صدمت الرجال وتسببت له بالضرر بسيارته و إن في نظرك بسيط فهو من حقه ياخذ تعويض لأن مو مقبول نخطي على الناس و لا نبيهم ياخذون حقهم 
ثالثا التسعيرة اللي أنت معترض و إن كنت أوافقك أنه مبالغ فيها و اللي وصفت الرجال بولد حرام هي من جهة محايدة معينة من قبل الدولة ماجابها من راسه .
لذلك إذاماجازت لك اعترض بدل الكلام في أعراض الناس 

ارفع اعتراض وفوض امرك لله وتوكل عليه 

انا صدام النترا 2011 وصدمته اقوي ومع شمعه اصليه كلفت 700 ريال فقط

والشمعه اصليه وصبغوا الرفرف وعدلوه ب 500 ريال واحسن من شغل الوكاله

الخصم شكله هو الي حاط التسعيرات من نفسه

انا في الخبر رحت صناعية الثقبه بعض الورش يعطيك فاتوره فاضيه اهم شي 50 ريال

وتركتهم ورحت ورش وقلت قيمها بما يرضي الله وبصلح الموتر عندك انتبه

ورحت التامين واسبوعين والفلوس عندي طبعا التقييم بدون شمعه 700 ريال والشمعه 250 ريال 

ورحت ورشه سمكره مافيها زبائن واتفقنا علي 500 ريال وجبت شمعه ب 250 ريال

والباقي من الفلوس 200 تصدقت فيها والحمدلله رب العالمين

من ابسط حقوقك ترفع اعتراض 

قبل ٤ سنوات تقريبا
اخوي حك له أيسيزو وأخوي معه النترا
المهم الصدام حق اخوي فيه شخطين بس
والطرف الثاني حكه في الرفرف طبعا ما تنشاف صغيره
المهم دقوا على التأمين يوم جاء التأمين شافهم موقفين على جنب يعني تغير موقع الحادث قال ما يشمل التأمين
المهم حاول اخوي في الطرف الثاني قال سيارة شركه ومدري ايش 
المهم دقوا على المرور جاء خذوا اخوي في الدوريه وطلع بكفاله
طبعاً الخطاء على اخوي ..
المهم طلع التعويض ٨٠٠ ريال !!!
رفع أعتراض صار ١٠٥٠ ريال هههههههه
قال صاحب الشركه عطنى التسعيره الاوله وتكفي
وسلم الامر لله وعطاهم ٨٠٠ ريال وهي بكل صراحه ما تستاهل بل ما تنشاف بالعين المجرده ههههههه

فالله يعينك ويسهل أمرك ، والتقدير غالباً يكون على تسعير القطع في الوكاله

لا يحق لك ابدا بوصفه ب (ابن حرام) 

لا نعلم ما هي حالته المادية وصحيح الصدمه لا تستاهل العوض لكن اعذره هو لم يطالب الا بحقه 

واتمنى محو كلمة ( ابن حرام ) لا نعلم اي كلمة تهو بنا 70 خريفا بالنار 

الرد 3 جزاك الله خير انا ما وصفته ب ابن حرام .. انا عممت الله يبعد عنا وعنكم ابناء الحرام .


والله يبعد عنا ابناء الحرام .. ان كان هو منهم او لا فـ الله اعلم .. وابشر بعدل الكلمة