سؤال عن التوروس ؟؟؟

وعليكم السلام ورحمة الله وبركاته

تكررت اسألة التورس هذا الاسبوع و كلها 6 سلندر

السياره طبيعي تنفع للخطوط و العزل فيها ممتاز و مريحه 

مع العقبات مافيه سيارة ترتفع حرارتها الا من سواقها

تحصله يطلع و القير على D  بدون ما يتحكم بالقير او يعرف يتعامل مع السياره

والا كل السيارات ما ترتفع حرارتها لو عرفت تستخدمها

الله يسعدك ياابراهيم ماقصرت 
يعني السيارة حلوة واتوكل ع الله

انصحك فيها ما شاء حقت كرف وتحمل وقطعها الاستهلاكية رخيصه اما البودي غالي 
لكن لازم تعرف من اي ولايه اذا كانت من ولاية بادرة الله يعينك على الحراره 

السياره سواقتها ممتعه و حلوه و صرف بنزينها حلو 

لكن جربها سوقها شوف تناسبك او لا وجهة نظري هي ممتازة

طيب ياابراهيم ولايهونون الباقين 
ذي اللي باخذها اذ ربك كتب 
دفع رباعي وش الفرق بينها وبين الامامي وهل التورس مافيه خلفي ووضح لي بالله

فيه امامي و رباعي فقط ما فيه خلفي

و الدفع الامامي تحسه اخف و انشط 

ولكن لو انك ساكن بالرياض او القصيم ما تنفع الامامي

لاني جربتها كفراتها بربع دعسة تزحلق يعني لو رجلك شوي حاره ما تنفع الامامي لو بالرياض او القصيم

انا ف جدة يعني حلوة الرباعي

بجده حتى لو تاخذ امامي حلوه لان الرياض الازفلت عندهم ناعم بزيادة 

لكن بجده حتى لو تاخذ امامي امورها طيبه و بتكون اخف عزم و اقل صرف بنزين شوي

ابراهيم الله لايهينك ممكن رقمك

0501029595

جوالي بالبيت و انا برى

ابعد عن الدفع الرباعي عيوبة كثير وصيانته متعبه وراح تعاني من طقه القير بعد فترة

اولا لا تاخذ 2010 لأنها اول دفعه من التورس وفيها بعض العيوب المصنعية خصوصا بالمكينة 
ثانيا ً لا تاخذ دفع رباعي لأن فيه دبل مستمر للكفرات الأربعة وفيها عكوس داخليه من الدبل للقير ومع الوقت راح تخرب عليك في حال عدم الصيانة المستمرة
ثالثا ً لا ترتفع الحرارة ابدا ً فيها اذا كنت تشيك على موية الاديتر بشكل دوري وتسوي لها تشييك بين فترة وفترة 
رابعا ً الخرابات فيك فيك اذا كانت ماشيه فوق 150 الف وما سوو لها صيانة من قبل .. خصوصا ً المساعدات وكراسي القير والمكينة 
والافضل انك تاخذ 2011 دفع امامي وماشيه اقل من 100 الف وتسوي لها صيانة شاملها وتغير كل القطع الاستهلاكية والخربات اللي فيها وبتعيش معك ما لا يقل عن 5 سنوات من دون ماتحط فيها ريال واحد 
لكن انصحك بالابتعاد عنها لسبب ان قطع غيارها غالية خصوصا ً البدي .. حيث ان الشمعات الامامية الواحدة بالوكالة بـ 2600 قبل خصم 30% من قيمتها والصدام الخلفي كامل بالوكالة لا يقل عن 4000 ريال 
والدبل اذا خرب راح يكلفك من 3000 وطالع .. واللي اقوله انك اذا صدمت فيها فالله يعينك عليها ..
وخذ لك تويوتا افالون 2011 كبيرة ووسيعه وخدومه .. او لكزس نظيف