أضف سؤال أو موضوع جديد          

ابي مساعدتكم لختيار افضل كفرات للتوروس

up 1 down 1



السلام عليكم ورحمة الله وبركاته
اخواني حبيت اغير كفرات التوروس جوديير لانه قاسيه وصوتها مجعز وهلهلت ديكور السياره
حاب استشيركم عن تجربه وش افضل كفر للعزل ومايهمني السعر اهم شي الخدمه 
مقاس الكفر 255/45 جنط 19 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

الجوديير جربتها على تاهو جنط 20 يعني دعسة واطيه وكانت جدا مريحه ولا لها صوت ولينه جدا

غريبه كيف قاسيه عندك ممكن قديمة انتهت عشان كذا اصبحت قاسيه


up 0 down 1
التركي 1403 17
قبل 7 سنه



وعليكم السلام ورحمة الله وبركاته
سبب هلهلت الديكور من من ارتفاع الكفرات
يعني ارتفاع ٤٥ اشوف قليل واي شيء في الشارع تحس به

طبعا كانك تبي كفرات مريحه ولينه
عليك بكفرات هانكوك لينه لكن عمرها ماهو طويل

والكفرات كثير مره يعني صعب نحصرها بموضوع


up 1 down 0
ابوناصر 454 653
قبل 7 سنه



خذا قاعده عندك

اذا جاتك الكفرات قاسيه ولها صوت فهي عمرها اطول واذا جاتك لينه وهادئه فهي تستهلك بدري 

بالنسبه لي مجرب تويو ياباني عل جراند ماركيز وكانت لينه

ومع المطبات الين من اللي كانت عليها اول مااخذته بطاقة جمركية اللي هي مشلان 

اهم شي انتبه للمواصفات وتاريخ الانتاج 


up 0 down 0
abdulaziz al-malki 981
قبل 7 سنه



كونتنتال  وغيرها لا تدور خصوصا للجنوط الكبيره والرياضيه

ناعمه هاديه عمرها طويل






up 0 down 0
asalami 2180
قبل 7 سنه



تظل مشكلة كفرات الجنوط ذات المقاس الكبير والدعسة الواطية لسيارات السيدان مشكلة أزلية

يعني يااخوي لو ركبت كفرات قاسية راح تحس الموتر يتهربد

وإن ركبت كفرات لينة مثل الهانكوك حبلت عليك
  ولاهي كفرات رخيصة مثل أول عشان تتحمل الخسارة كل فترة

الحل انك تحدد الخسارة وين تكون بموترك ولا الكفرات 

أو  انك تغير الجنوط لجنوط أصغر وارتفاع دعسة كفراتها أعلى 
أو تغير مقاس ارتفاع الدعسة لحالها دون الجنوط لكن احتمال تحك الكفرات ببطانات الكفرات

لأن الجنط مازال كبير 

أو تركب كفرات لينة أرخص من هانكوك  عشان لا حبلت عليك تكون خسرت أقل 

عندك منها كفرات تويو اليابانية أو فالكين كذلك يابانية أو نيتو يابانية  
أو نيكسن كورية أو ردستون كورية
  وعموماً الكفرات اللينة عمرها قصير مثل ماقال أخونا عبدالعزيز المالكي


up 1 down 0
nader2002 1662
قبل 7 سنه



والله ماعاد دريت ناس تمدح ميشلان وناس تقول ميشلان يحبل وناس تمدح
كونتننتال لكن يقولون بعد اربع شهور يطلع صوت وخذلك على ذا الموال 
ابغى ناس مجربه معها توروس جنط 19 يفيدونا لان لي شهر ونا متردد 
مدري عاد وش اركب اخاف اروح اصرف5000 ريال ولا سته على كفر وبعد مده 
ولا انه خربان وتروح فلوسي على الفاضي ابغى اروح ونا واثق ان الكفر راح يريحني 
ويخدمني 


ياترفع دعسه الكفر عن 45 وتخليه50و55 عشان مايحبل بدري او يجيه ضرر
او تركب كفرات صينيه انواع ممتازه وتخدم سنه وسنه ونص عالاقل الطقم كله مابيزيد عن الف ونص
ويمكن اقل بعد عشان ماتتحسر وقت ماتحبل عليك 


up 0 down 0
احمد شريف 3176
قبل 7 سنه



عن تجربة شخصية 

لو انت راعي خطوط وسفريات أكثر من 30 ألف كيلو سنويا" وليس أقل 

كفرات ميشلان primacy 3 

صوت هادئ على الطريق وأكثر أنواع ميشلان أمان ورساوة على الطريق 

كأنك راكب سيارة ألماني 

بشرط تكون ميشلان فرنسي أو ألماني فقط وليس لها إختيار ثالث 

وعندك ايضا" كفرات بيريللي إيطالي أو ألماني فقط 

وأتمنى لك التوفيق 

واستجابة سريعة لدعسة الفرامل على الطريق 


up 0 down 0
abou_mohammed2012 199
قبل 7 سنه



استكمال :

من مميزات كفرات ميشلان أو بيريللي ايضا" :

الاستجابة السريعة لدعسة الفرامل على الطريق




up 0 down 0
abou_mohammed2012 199
قبل 7 سنه



المقاس

245/55 

R19 - 92V

وللتوضيح رقم 92 يعني تحمل الكفر الواحد للوزن بالكيلو جرام

كلما زاد الرقم عن 92 زاد التحمل للوزن ولكن تزيد قساوة الكفر ويرتفع صوت الكفر على الطريق 

بالنسبة للرمز V هو إن الكفر يتحمل السرعات حتى 240 كيلو متر في الساعة 

بخلاف التأكيد على سنة الصنع 





up 1 down 0
abou_mohammed2012 199
قبل 7 سنه



http://www.traidnt.net/vb/traidnt1613981/

هذا الرابط يوجد عليه توضيح مبسط للكفرات


up 1 down 0
abou_mohammed2012 199
قبل 7 سنه



انا معي تورس جنط 18 ركبت ميشلان نفس طقم الوكاله الأول صح انه قويسي شوي بس بالسفر والراحه وطول العمر مامثله


up 0 down 0
ahmad alotaibi 311
قبل 7 سنه



انا  معاي تورس لمتد 245/45 20
مركب عليها قوديير
 سرعه مفتوحة فوق 300
اعلى مقاومة للحراره
اعلى مقاومة للانزلاق

تاكل الكفر 440


وماشي عليها الان  30 الف   وهي ما كملت وهي ماكملت 6 شهور




up 0 down 0
sultan-000 176
قبل 7 سنه



افتح كاتلوج السيارة "دليل المالك" وبتلاقي ماركات الكفرات اللي تصلح لها موضحه بالصور 
ومنها جوديير + هانكوك وغيرها 
ولكن اهم شيء تكون بنفس المقاس لأنك اذا ركبت غير مقاسها بتسبب لك مشاكل وبتكون غير راسيه بالخط 
والافضل جوديير مثل حق وكالته 


up 0 down 0
.. عبدالإله .. 419
قبل 6 سنه و 11 شهر



اسوء كفر للتورس الميشلان تفكك السيارة وتطلع اصوات في الديكور بالنسبة لي كفر سيء


up 0 down 0
aburudaina9912
قبل 5 سنه و 10 شهر



انا معي تورس لميتد 2 توي مطلعها بطاقة جمركية 2013 انا امسك خط يومي ٦٠ رايح و ٦٠ راجع ماجلست معي ٣ ايام وتشققت الكفرات مع الاطراف والكفرات ميشلان تعبانه طبعا الجنوط ٢٠ والكفرين الامامية تشققت


up 0 down 0
mr-azooz1125
قبل 5 سنه و 4 شهر



ويشهد الله اني مااسرع كثير ١٢٠ ماشي ودعست الكفرات 245 /20


up 0 down 0
mr-azooz1125
قبل 5 سنه و 4 شهر



معليش الكفرات 245/45R20


up 0 down 0
mr-azooz1125
قبل 5 سنه و 4 شهر



طبعا معليش الكفرات فيها مسحيه وتشققت لاكنها قاسية وتفكك الطبلون مثل ماقالو الشباب


up 0 down 0
mr-azooz1125
قبل 5 سنه



السلام عليكم ورحمة الله 
يعطيكم العافيه شباب 
انا متردد بانواع الكفرات على تورس ليمتد مقاس ١٩
في ناس مدحولي هانكوك كوري وسعره مناسب الطقم ١٤٠٠ 
وركبنا كفرات جوديير على تورس مقاس ١٨ ماشالله تبارك الله نعومه 
وليونه ومافي اصوات ولا ازعاج 
انا انصح بكفرات جوديير الالماني من عند الوكيل الراشد قيمة الطقم ٢٩٠٠ 
والله يكتب الخير للجميع 



up 0 down 0
m.abdullah
قبل 4 سنه و 9 شهر