هل الفورد السعودي فيه مشكلة تتعلق بالبوية

المشكلة واجهتني في اكثر من فورد كراون موديل ٢٠١١ سعودي

سبق حصلت لي في فورد 2008 سمني

نفس الكلام يقولوا سماكه في البويه... وبعضهم يقولوا لكر... واحترت معاهم

مافيه مشكلة اشتري بس ابغى اعرف المشكلة هذي في الفورد

بشكل عام ولا خاص لموديل ٢٠١١ السعودي ... انتظر اجابة 

مقنعه

اتوقع عامه لانه اكثر من شخص هنا حصلت له

السماكة لها نسبة معينة 
لازم تطلع لك في الجهاز سماكه حتى وان صار صبغة البلد 

لكن لها نسبة محدده ما تتجاوزها

شف واحد شريطي كلمته

يقول 2006 و 2007 و2008 تتقرش بويتها وبالذات التنده و الكبوت والشنطه

لكن 2009 الى 2012 خلوا جوده البوده اعلى و خلوها سميكه عشان لا تتقشر

لكن اتوقع ما تطلع بالفحص , تطلع بودي وكاله

لكن الفحص بما انه طلع سماكه بالبويه يا انها مرشوشه كامل , او يمكن يقصد فعلا سماكه بالبويه بدون رش لكن استبعد هالشيء واعتقد فيها رش !!

حسب علمي ان بويه الفورد عامة سميكة سواء بويه او لكر و رح المعرض و تشوف البويه غريبه و رح مثلا الجموس و بتشزف فرق و اعتقد عادي وكل شركة لها سماكة محددة السيارات تختلف بشي بسيط 

صحيح الفكتوريا بويتها ألاحظ بويتها تتقشر لكن ما ندري هل هي فقط الموديلات الي ذكرها أبو يزيد أو غيرها . 

اذا انت بالطائف فيه معرض التوفيق انقز له عنده كروان فكتوريا ٢٠١١ أصفار كم حبه روح وخذ الجهاز وقيس وسجل القياسات لكل جزء من السياره وبعدها قارن مع اللي تبي تشريه بس المشكله ان اللي عنده باقي بغبار بلده وهذا يأثر على قراءة الجهاز

اذا انت بالطائف فيه معرض التوفيق انقز له عنده كروان فكتوريا ٢٠١١ أصفار كم حبه روح وخذ الجهاز وقيس وسجل القياسات لكل جزء من السياره وبعدها قارن مع اللي تبي تشريه بس المشكله ان اللي عنده باقي بغبار بلده وهذا يأثر على قراءة الجهاز

من واقع خبرة
عندي جهاز قياس البوية و أعرف عن هذا الموضوع

حتى ان اللكزس الأسود و اللؤلؤي الاستخدام الأمريكي فيه نفس المشكلة و كذلك الفورد الكراون فيكتوريا 2011 الأبيض و كذلك 2010 الأبيض الاستخدام نفس الطريقة

الفاحص الذي يعتمد على الجهاز فقط هذا فاحص (يطقطق) و يتعلم على الزباين

توجد أكثر من علامة خاصة بهذا الموضوع تعرف منها إن السيارة مرشوشة أو غير مرشوشة، وليس فقط السماكه

منها.. ضربات اللحام الداخلية
منها.. الأطراف مثل ما قالوا الشباب
منها..استكرات رقم الهيكل الموجودة في كل باب في أماكن غير متوقعة
منها..جلدة بلون قريب من لون البوية، إذا الباب مرشوش فحتكون مرشوشة أو منزوعة، ومن الصعب جدا جدا تتثبت مكانها بعد النزع
و غيرها من العلامات...

بل أحيانــاً عدم السماكة دليل على أن جزء من السيارة مبدل ومرشوش

لذلك اذهب لمركز فحص فاهم أو ورشة سمكرة معلم تركي أو سوري

إذا كنت في الرياض اذهب إلى مركز كارتك عندهم فاحص سوري شايب خاص بالبودي

بالتوفيق عزيزي

يااخوان من 2006 الى 2008 عيوب في التنده والكبوت الشنطه تتقشر فبعضهم يضعطر يرشش عشان المضهر والبعض يخليه بشكل خايس عشان لايعيبه في البيع والرش معروف في الامريكي خذ وتوكل على الله لايهمك الرش

يخوي بالنظر افحصها وافتح الكبوت وشوف المسامير وشوف فيه رشه عليها ولالا
افتح الباب وشوف وين تنتهي البويه
اذا كان فيه رشه متفرقه معناته شغل ورش