أضف سؤال أو موضوع جديد          

للمقبلين على شراء فورد تورس شوية تجارب ونصائح

up 26 down 4
ahmad alotaibi 311
قبل 6 سنه و 6 شهر



بسم الله الرحمن الرحيم

السلام عليكم ورحمة الله وبركاته

لكل من يرغب في اقتناء فورد تورس

يقول المثل اسأل مجرب ولا تسأل طبيب

نوع السياره : فورد تورس
الموديل : 2013
الفئه : SEL 1 دفع امامي
العداد : 110000 km
تاريخ الشراء : 1 / 1 / 2013

الاشياء اللي احتاجت تغيير من شريت السياره الى الان

الزجاج الامامي والسياره ماكملت الف كيلو وتم تغييرها في السالم بـ 750 ريال مع ضمان سنه والحمد لله الى الان مافي اي تغير ولا تنسيم هوا

مسامير التوازن اليمين واليسار بقيمة 120 ريال وشغل يد مية ريال بعد ممشى السياره 60 الف كيلو وطلع كلام ان فيها خلل مصنعي بس ماصدر شي من وزارة التجاره وقتها

غيرت البطاريه بعد ما مشت السيارره اكثر من 65 الف كيلو

وسبحان الله كان معي اكسبلورر 2010 بعد انتهت بطاريته بعد الستين الف شكل حد بطاريات موتر كرافت 60 الف كيلو بس يعني اذا قربت من 60 اشتر بطاريه احتياط وخلها بشنطة السياره

البطاريه الي الان بالسياره ايسديلكو والسياره ماشيه الحين 110 الف كيلو ووضعها طيب الحمد لله

وطبعاً سيارتي من اولى الدفعات اللي كان فيها خلل بطرمبة البنزين والحمد لله كملت سنتين وبعد السنتين طلعت ريحة البنزين وغيرتها بالوكاله من غير ماادفع ولا ريال ومن غير موعد يعني اي خلل مصنعي لو بعد سنين يصلحونه غصب

نجي الان لكذبة الصيانه والخساير اللي مالها سنع

انا سياستي اشتري الزيت من الوكاله 12 علبة زيت مع سيفونين حق تغييرتين وامشي 10 الاف على كل تغييرة زيت

زيت القير تم تغييره على 60 الف بالوكاله والتغيير القادم باذن الله بيكون بعد ماتقطع السياره 120 الف ان شا الله وبالوكاله حرصاً على القير

الكفرات تم تغييرها بعد ماقطعت السياره 88 الف كيلو وتم شراء الكفرات من الوكيل تاير بلاس بقيمة 3800 ريال مع خدمة تبديل الكفرات كل عشر الاف كيلو وتعبئة نيتروجين ومع المحافظه الكفرات تمشيك الى 100 الف باذن الله

اشياء اسويها مااعبي السياره وهي شغاله ومستحيل اخليه يكمل تعبئة بعد ماتوقف الطرمبه متى ما وقف قلت شله . احتمال يكون هذا اللي طول عمر الطرمبه معي اكثر من سنتين مع وجود الخلل المصنعي

تم شراء الفحمات الامامايه والخلفيه من الوكاله بـ 500 ريال وتركيبها مع خرط الهوبات بالعضيب بـ 300 ريال بعد مااكملت السيارة 100 الف كيلو متر ما شاء الله طبعا ما طلع اصوات ابدا اللهم اني لاحظت انها ماعاد تمسك زين وغيرتها

الخطة الجايه بعد وصول السيارة الى 120 الف كيلو ان شاء الله بغير السير والبواجي وتصفية مكينه وزيت القير لاني سبق وغيرته على 60 الف كيلو والقير نصيحة لا احد يغيره الا بالوكاله

بالنهايه تجربة حبيت افيد فيها المقبلين على الشراء والاخوان المالكين للسياره

والله ولي التوفيق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شف انا متوقع ان عضلات الموتر بتبدا تحتاج تغيير هالشهرين الجايه لاني اسمع طقه بسيطه مع المطبات ولا فضيت اوديها اشوف وش السالفه وكله من شوارعنا الجميله والحفريات ومطبات الوادي ^_^


up 0 down 0
ahmad alotaibi 311
قبل 6 سنه و 6 شهر



انا كنت اسوي مثلك اغير كل 8 الاف اشتري زيت موتو كرافت من الوكالة ست علب مع الفلتر واغيره برى ..
ولكن هالشيء سبب لي احتكاك داخل المكينة بشكل كبير ..
ونسيت اضيف موية الاديتر افحصها اول بأول .. ﻷن يوم تطق علي المكينة كانت خالطه موية وزيت .. وانا ماشي 160 عليها ..
اهم شيء حافظ على الصيانة والزيوت بالكثير 6 الاف للمكينة .. اضمن لك ..
والطقطه اللي تقولها تلاقيها من المساعدات + الكراسي تبعها او عمود التوازن تبع الدركسون .. 
افحص عند اي ورشه ميكانيكا جيدة وبيطلعون لك اللي فيها ..
والله يعينك على قطع الغيار ..


up 0 down 0
.. عبدالإله .. 419
قبل 6 سنه و 6 شهر