تجربتي للتورس حياكم الله
11
2
إضغط هنا للإخفاء
بسم الله الرحمن الرحيم
السلام عليكم ورحمة الله و بركاته
كيف حال الشباب ان شاء الله طيبين
اليوم حاب اطرح لكم تجربتي للفورد تورس موديل 2015 ستاندر و اتمنى انكم تستفيدون
طبعا السياره ماخذها ايجار و عدت 3 شهور و هي معايا و ان شاء الله تكون فترة كافية للحكم عليها وراح اسرد موضوعي بطريقة النقاط
الراحة و العزل :
السيارة مقاعدها مريحه و كمان عند الحفر و المطبات مريحة نوعا ما يعني ما تحس بالحفره بنسبة 75 % بشكل عام قيادتها مريحة و هاديه و بالنسبة للعزل الارضي كمان معزوله بشكل حلو و هادي اما بالنسبة للعزل الخارجي تحس بهدوء و حتى و انت ماشي بسرعة ١٤٠ ما تسمع الا خفايف يعني هاديه لراعين الخطوط و حتى صوت المحرك معزول كويس فا ماله حس
الداخليه :
مساحتها الداخليه مقبولة ماهي ذيك الوسع ضيقة شوي احسها
السياره على انها ستاندر لكن فيها بلوتوث و USB و AUX
ديكورها الى الان متماسك لكن اسمع صوت طقة عند اللفات
قوة المحرك و استهلاك الوقود:
قوة المكينه مره حلوه و عزمها بطل لكن بالنسبة للاستهلاك احسها تستهلك بنزين على v6 يعني خلال يوم اذا عبيت فل و استعملت السياره مشاوير يعني زي مثلا من الشمال الى الجنوب تحس باستهلاك محسوس طبعا بنزين ٩١
المواصفات الخارجية:
فيها كاميرا خلفية لكن بدون حساسات و تحكم بالمرايات كهرباء لكن اغلاقها يدوي و المرايه لانها ستاندر فا يجيك لونها اسود و مالاحظت فيها تعتيم ذاتي و الاسطبات الخلفية led و الشمعات الامامية عدسات لكن هالوجين بدون فتحة سقف
بشكل عام :
السياره مره حلوه و عمليه و قوية يعيبها الاستهلاك ديكورها يعتبر متماسك مواصفاتها كاستاندر حلوه و انصح فيها بشكل
عام سعرها ستاندر افتكر ب 95 الف و الفل الليمتد 150 الف و الشو SHO ب 170
الموقع مو راضي يحمل الصور لكن حطيتها في هذه الرابط
https://www.photobox.co.uk/album/temporary
في امان الحافظ
إبلاغ
سيارات للبيع
الردود
1
0
مكتوب عليها سيء جدا
1
3
والله خوي معاه ليمتيد مبتلى فيها
قاسية حيل وتحبيل مع شوارعنا المكسرة وحجم الكفر مايلقاه فاي مكان بسهولة
اما السيارة صراحة هي والكادينزا اشوفها كويسة
خصوصا التورس طبلونها الوانه حلوه لكن الكادي اوسع منها
3
0
العزل والهدواء فيها. فضييييع جدا
ومن واقع تجربه افضل من اللكزس es2013
والكلايزلر الهيمي 2014
اسوق التورس دايم واللكزس الـ es والكلازرلر اكزكتف تو اجربه هاليومين
التورس افضل بكثييير
5
0
شويه كل ما صغرت الدعسة زادت القساوه و بالفعل صعب تحصل هالمقاس
شكلين عزلها بالفعل حلو جدا
1
0
بالنسبة لمرايات الاستاندر السوداء تقدر تفك الغطاء الخارجي وترشه بلون السيارة لكن شخصياً ما افضل هذا الخيار
الخيار الثاني انك تشتري غطاء نيكل اصلي ، انا طلبت لأخوي الغطاء من أمريكا كلفني مشترى وشحن حوالي 300 ريال وركبتها في البيت
برضه طلبت جناح خلفي صناعة أمريكية كلفني 600 ريال شراء وشحن ودهان ، والتركيب في البيت
السيارة ممتازة اجمالاً لكن يشوبها بعض العيوب كصعوبة الصيانة واشياء اخرى
1
0
1
0
العقبة بالنسبة لي أختبار لجودة السيارات الجديده
0
3
وايضا تستهلك وقود بشكل ملحوظ
0
0
واللي يقول تستهلك وقود مع احترامي الشديد أتوقع انه ماعمره لف طارتها !!
السلبيه الوحيده الاضائة زفت قساوة المطبات كل ماكبر الجنط وسعر الكفرات
0
0
هذا عيبها الاساسي وسبب تراكمها في المعارض ..
قطع الغيار غالية والخرابات اذا منت محافظ عليها تبدأ تطلب منك والله يعينك
0
1
تيوتا عن هونداي دامك محافظ بتعيش معاك و لعلمك التورس تلاقيها في امريكا دوريات شرطة يستعملونها
0
0
الموتر قوي وراسي وجيد .. ولكن عيبه قطع الغيار مثل ما قلت لك .. يعني صدمت به من الخلف انكسر الجنط والدفرنس والصدام كلفني 14 الف ريال
وهذا غير ان الشمعات الوحدة ب 2600 والصدام ب 4000 وغيرها كثير ..
الموتر يبيله محافظة ع الميكانيكا وصيانة دورية بالوكالة اذا هو جديد وحافظ ع ضمان القير والمكينة
وغير الزيت كل 5 الاف فقط ولا يلعبون عليك الوكالة ويقولون لك امش عليه حتى 8 الاف ولا بتطق عليك المكينة مثل حقتي وهي ما كملت 150 الف كيلو ..
وزيت القير كل 30 الف ولا بيطق عليك ﻷنه من دون فلتر وحيل القير كله ع الزيت
وبرضو زيت الدل والدفرنس الخلفي اذا دفع رباعي تغيره كل 60 الف ولا بيضرب عليك مع الوقت ..
واهم شيء انك تحافظ عليه ..
بعكس الياباني بيني وبينك ما يطلب كثر ما يطلب الفورد التورس .. يمكن الفكتوريا اقوى بس عن تجربه للموتر احس قطع غياره نار وقريب من سعر قطع غيار اللكزس والمرسيدس
الموتر عموما جيد ويخدم ولكن يبيلك تحافظ علبه .. واذا صدمت به لا سمح الله .. فالله يعينك ع قطع غياره ..
1
0
قبل 8 سنه و 5 شهر