متى اغير زيت القير والبواجي وفلتر هواء الماكينة للتورس

الكتلوووج فيه جدول الصيانه 

البناشر قالوا لي يتغير زيت قير الكيا على 40 وطلع بالكاتلوج على 100 الف لكن حرصا غيرته على 70 الف

حياك البواجي اذا روديوم مثل الي عندي 
تمشيك 100 الف بالراحه 
زيت القير انا اغيرة على 70 الف والافضل في جميع السيارات الجديدة مايتعدى 70 الف بالكثير
واما فلتر الهواء اذا ماغيرته من بلدها فالافضل تغيرة هالايام
لان المفروض كل 50 الف الى 60 الف يتغير 
شغل الوكالة غالي ياخذون على زيت القير شغل يد 800 
اتكلم عن توبوتا 
انا دائما اخذ القطع من الوكالة واغيرها برا خاصتا زبت القير
اغيرة برا ب150 الى 200 ريال بالكثير 
فالافضل تاخذ قطع وكالة وتغير برا وتوفر بعضا من المئات 

يالرفاعي كيف طريقة تغيير زيت القير الاوتوماتيك ؟؟؟؟

لان كثير اقرا اذا تنزل القديم وتعبي الجديد القير يضرب عليك [سيارتي قير عادي لاكن من باب الافادة ]

حياك القير العادي مالي تجربة معه 
لاكن لعيونك ولعيون الاعضاء 
بوضح السيارات الي غيرت زيتها
ومن فضل ربي ماواجهت اي مشكلة 
غيرته زيت القير مع فلتر اصلي لكامري امريكي 98 ماشي حول 190 الف ميل
ولا حصل اي مشكلة علما مافية اسحب لتر وازود لتر
لا نزلته كامل وعبيت زيت كامل
وغيرته على كامري امريكي 2005 ماشي 170 الف مع فلتر اصلي ولا واجهت اي مشكلة
وغيرته على كامري امريكي 2001 ماشي قريب 300 الف ولا واجهت اي مشكلة
وغيرته على كامري امريكي 2009 6 سلندر كان معي قبل موتري هاذا 
ولا واجهت اي مشكلة
وغيرته على كامري 2009 امريكي 6 سلندر الي معي حاليا غيرته على ممشى 72 الف ولا واجهت اي مشكلة
وغيرته على افالون 2009 امريكي ماشي 84 الف ولا واجهت اي مشكلة
وغيرته على يوكن 2008 ماشي قريب 97 الف ولا واجهت اي مشكلة
علما اني اخذ الزيت المخصص والفلتر من الوكالة لجميع السيارات الي ذكرتها
واغيرة برا الوكالة 
واول 100 كيلو ماعديها 140 ولا اعطيها دعسات
واول ماغير الزيت قبل لاحرك
امرر القير على جميع النمر من فوق الى اسفل
واكرر العملية 5 مرات
وامشي بالهداوة 

زيت القير خاصة يتغير كل 48 الف
معلومة اكيده مية بالمية

مذكور كل شي بالكتالوج هذا اولا .
ثانيا شف لون الزيت و ريحته اذا محروق و ريحته خايسه و فيه برادة هنا تستخدم طريقة تغيير بالسحب و الاضافة . 

فلتر الهواء يعتمد هل هو زيت او فلتر عادي . 

التورس الوكالة يغيرونه على ٤٨

لاتروح للوكاله 

ولا تروح لأي ورشه ثانيه تلعب بموترك

روح لكويك لاين

هذا مركز منتشر في المملكه تابع للوكاله وبسعر اقل ونفس شغل الوكاله ميه بالميه

عندهم باقات وفيه باقة تغير زيت القير وزيت المكينه والبواجي و و و 

البواجي ظروري تغيرها بأسرع وقت ممكن عشان ماتنشب داخل المكينه وتنكسر مثل الاكسبدشن

هذي الباقات التابعه لكويك لاين   او انك تروح لهم وتسوي اللي تبيه بدون باقه

الباقة الاولى واسمها الباقة الاقتصادية بمبلغ 199 وتشمل: 
- تغيير زيت المحرك والفلتر
- تدوير الكفرات
- فحص جميع السوائل وتعبئتها
- فحص نظام التكييف
- الفحص المتعدد النقاط


الباقة الثانية واسمها الباقة الفاخرة بمبلغ 899 وتشمل:
- تغيير زيت المحرك والفلتر
- تغيير زيت القير والفلتر
- تغيير فلتر الكابينة للمكيف اذا كان موجودا
- تدوير الكفرات
- فحص جميع السوائل وتعبئتها
- فحص نظام التكييف
- الفحص المتعدد النقاط


الباقة الثالثة واسمها الباقة المتميزة بمبلغ 1599 وتشمل:
- تغيير زيت المحرك والفلتر
- تغيير زيت القير والفلتر
- تغيير البواجي
- تغيير فلتر الوقود
- تغيير فلتر الكابينة للمكيف اذا كان موجودا
- تغيير فلتر الهواء
- منظف البخاخات
- تدوير الكفرات
- فحص جميع السوائل وتعبئتها
- فحص نظام التكييف
- الفحص المتعدد النقاط

حبيبي ..
زيت المكينة : كل 5 الاف فقط تغيره مع الفلتر من بترومين 10w30 خمس علب ونص مع الفلتر .. ولا يلعبون عليك الوكالة ويقولون كل 8 الاف ولا بتطق عليك المكينة بعد 100 الف ..
زيت القير : كل 30 الف غيره = 6 علب من الوكالة وتغيره عند بترومين تعطي ابو فلبن 50 ريال يغيره لك .. لأن القير بدون فلتر الفلتر حقه داخل القير وما يتغير الا لما تفك القير .. يعني حيل القير كله على الزيت 
ولازم تغيره كل 30 الف بالكثير 40 الف ولا بيسوي لك احتكاك ومع الوقت بيطق عليك ..
زيت الدفرنس اذا هي دفع امامي : كل 60 الف .
زيت الدبل اذا هي دفع رباعي : كل 60 الف .
فلتر الهواء كل 30 الف .
فلتر المكيف : كل 30 الف .
البواجي كل 50 الف الى 60 الف غيرها لأنها تزيد من عزم الموتر .
تنظيف البخاخات كل 60 الف . 
اذا انت شريتها وما غيرت فيها شيء = تبدأ بتغيير كل هالامور اللي قلتلك ولا تأخرها لأنها اصبحت مستهلكه وتحتاج لتغيير
وسو لك جدول صيانة لك = دفتر وقلم واكتب فيها احتياجات الموتر اول بأول واذا طلع لك خراب صلحه على طول ولا بيطلب منك بعد الـ 100 الف ..
سو فحص عند العضيب ميكانيكا ب 50 ريال ويطلعون لك الخراب اللي فيها وصلحها عند ورشة مزبوطة بقطع غيار اصليه  .. 
نصايح من تجربتي للتورس 2010 الى الان ..

شكرا عبد الاله .. معلومات قيمه .

شكلين

الباقات هاذي فتره محدوده ولا دايمه

ماذا يعني = النسبة المؤيه لعمر الزيت في طبلون التورس = هل هو لعرض عمر الزيت او كلام فاضي و زينه فقط ؟؟

^
^
^
اقصد زيت المحرك

هذا عمر الزيت أخي الكريم .... يعني 50% معناه باقي نصف عمر الزيت